| e-texts navigator |
| Wylie |
25b1 བར་བྱེད་ཀྱང་། ཆོས་ཀྱི་དབྱིངས་ལ་མཚན་ཉིད་གཉིས་སུ་གྱུར་པ་མེད་དེ། སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱི་བར་ལ་ཡང་དེ་བཞིན་དུ་རྒྱས་པར་སྦྱར་རོ།། གློག་ཐོབ
25b2 འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་གཏེར་ཞེས་བྱའོ།། བྱང་ཆུབ་སེམས་དཔའ་གང་གིས་གཏེར་འདི་ཐོབ་པར་གྱུར་ན། སྤྱོད་ཡུལ་རྣམས་ལ་རྨོངས
25b3 པར་འགྱུར་བའི་སེམས་ཅན་དེ་ལྟ་བུ་དག་ཡོངས་སུ་གདུལ་བར་འདོད་པའི་ཕྱིར། དེ་དག་གི་མོས་པ་ཇི་ལྟ་བ་བཞིན་དུ་དེ་དག་རེ་རེ་ལ་ཡང་བསྐལ་པ་འམ། བསྐལ་པ་ལས་ལྷག
25b4 པར་ཚིག་རྣམ་པ་སྣ་ཚོགས་ཀྱི། ཐབས་ལ་མཁས་པས་ཆོས་སྟོན་པར་བྱེད་ཀྱང་། དེ་དག་གི་མཐའ་ཡང་རྙེད་པར་མི་འགྱུར་ལ། བྱང་ཆུབ་སེམས་དཔའ་དེའི་ཤེས་རབ་ལ།
25b5 ཡང་འགྲིབ་པ་མེད་ཅིང་ཆོས་ཀྱི་དབྱིངས་དང་མི་འབྲལ་བར་གཉིས་སུ་མེད་ཅིང་དབྱེར་མེད་པའི་རྗེས་སུ་འབྲང་བ་གང་ཡིན་པ་དེ་ནི། བྱང་ཆུབ་སེམས་དཔའ་ཐབས་མཁས
25b6 པས་ཆོས་ཐམས་ཅད་དབྱེར་མེད་པའི་མཚན་ཉིད་བསྟན་པས་ཐོབ་པའི་ཆོས་ཀྱི་གཏེར་ཞེས་བྱའོ།། ཆོས་ཀྱི་གཏེར་འདིས་སེམས་ཅན་དག་ལ་ཅི་རིགས་པར་ཆོས་བསྟན་ནས།
25b7 ཟད་མི་ཤེས་པའི་ཆོས་ཀྱི་གཏེར་ཕུན་སུམ་ཚོགས་པར་གྱུར་ཏེ། འཁོར་བའི་རྒུད་པ་གཏན་དུ་སྤོང་བ་གང་ཡིན་པ་འདི་ནི་གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ
25b8 རྣམས་ཀྱི་གཏེ་ཆེན་པོ་དང་། མི་ཟང་པའི་གཏེར་དང་། ཀུན་ཏུ་མི་ཟད་པའི་གཏོར་དང་། མཐོ་མེད་པའི་གཏེར་རྣམ་པ་ལྔ་ཞེས་བྱའོ།། བྱང་ནུབ་སེམས་དཔའ་གང་གཏེར་འདི་ལ
iiif viewer powered by OpenSeadragon
