| e-texts navigator |
| Wylie |
24a1 བསྒྲུབ་པར་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ནི་རིགས་སོ།། དགེ་སློང་ལེགས་པར
24a2 འོངས་སམ་ཞེས་གསུངས་མ་ཐག་ཏུ། དགེ་སློང་གི་དངོས་པོར་བསྦྱར་ནས། རྫོགས་པར་བསྙེན་པར་གྱུར་ཏོ།། དེ་ནས་དེ་བཞིན་གཤེགས་པ་མཆོག་ཏུ་སྐྱེས་པ་དེའི
24a3 ལྷག་པའི་བསམ་པ་ཐུགས་ཀྱིས་མཁྱེན་ནས། མཐར་གྱིས་ཡོངས་སུ་སྨིན་པར་མཛད་ཅིང་། བྱང་ཆུབ་སེམས་དཔའི་སྤྱོད་པ་རྣམས་རྒྱ་ཆེར་ཡང་དག་པར་བསྟན་པ
24a4 འཇིགས་སུ་རུང་བས་ཐོས་པས་མི་སྐྱེ་བའི་ཆོས་ལ་བཟོད་པ་ཐོབ་ནས། སངས་རྒྱས་ཀྱི་བསྟན་པ་ལས་ཕྱིར་མི་ལྡོག་པ་ཐོབ་པར་གྱུར་ཏོ།། གླང་དེ་ཡང་དེ་བཞིན་གཤེགས
24a5 པ་དེས་རྟེན་ཅིང་འབྲེལ་པར་འབྱུང་བའི་ཆོས་ཀྱི་ཚིག་སྟོན་པའི་གསུང་སྒྲ་ཤིན་ཏུ་གྱོ་ནོམ་པ་ཐོས་ནས། སེམས་ལ་རབ་ཏུ་དགའ་བ་སྐྱེས་ནས། ཤི་འཕོས་པའི་འོག་ཏུ་དགའ
24a6 ལྡན་ལྷའི་གནས་སུ་སྐྱེས་ནས། ཐ་མར་བྱམས་པ་དང་ཕྲད་དེ། ཡང་དག་པའི་དད་པ་དང་ལྡན་པར་གྱུར་ཏོ།། གློག་ཐོབ་དེ་ལྟར་ན་སེམས་ཅན་རྣམས་ཀྱི་སྤྱོད་པ་ནི་ཤིན་ཏུ
24a7 ཟབ་པ་དང་། རྣམ་པར་རིག་པར་དཀའ་ཞིང་ཤེས་པར་དཀའ་བ་ཡིན་ཏེ། དེའི་ཕྱིར་གློག་ཐོབ་བྱང་ཆུབ་སེམས་དཔའ་གང་གིས་བླ་ན་མེད་པ་ཡང་དག་པར་རྫོགས་པའི་བྱང
24a8 ཆུབ་ཡོངས་སུ་གཉེར་བར་འདོད་པས། སེམས་ཅན་གྱི་དབང་པོ་དང་། སྤྱོད་པ་དག་ལ་ཤིན་ཏུ་མཁས་པར་བྱས་ནས། སེམས་ཅན་ཐམས་ཅད་ལ་མཉམ་པའི་སེམ་དང་།
iiif viewer powered by OpenSeadragon
