| e-texts navigator |
| Wylie |
23a1 དང་གཟུགས། མིང་དང་གཟུགས་ཀྱིས་རྐྱེན་གྱིས་སྐྱེ་མཆེད་དྲུག། སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི།
23a2 རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེས་པ། སྐྱེ་བའི་རྐྱེན་གྱིས་རྒ་ཤི་དང་མྱ་ངན་དང་། སྨྲ་སྔགས་འདོན་པ་དང་།
23a3 སྡུག་བསྔལ་བ་དང་། འཁྲུག་པ་རྣམས་འབྱུང་བར་འགྱུར་ཏེ། དེ་ལྟར་ན་རྟེན་ཅིང་འབྲེལ་པར་འབྱུང་བ་འདི་དག་ཐམས་ཅད་ནི་སྡུག་བསྔལ་གྱི་ཕུང་པོ་ཆེན་པོ་འབའ་ཤིག་གོ་ཞེས་རྒྱ
23a4 ཆེར་རྣམ་པར་ཕྱེ་སྟེ། སྟོན་པར་མཛད་པས། གློག་ཐོབ་རྟེན་ཅིང་འབྲེལ་བར་འབྱུང་བ་འདི་ལ། མ་རིག་པ་ཡང་འདུ་བྱེད་ལ་མི་སེམས་མི་རྟོག་ལ། འདུ་བྱེད་ཀྱང་མ་རིག་པ
23a5 ལ་མི་སེམས་མི་རྟོག་གོ།། དེ་བཞིན་དུ་སྐྱེ་བས་ཡང་རྒ་ཤི་ལ་མི་སེམས་མི་རྟོག་ལ། རྒ་ཤི་ཡང་སྐྱེ་བ་ལ་མི་སེམས་མི་རྟོག་པས། དེ་ལྟར་ཆོས་ཐམས་ཅད་ནི། རང
23a6 བཞིན་དམིགས་སུ་མེད་པས། མངོན་པར་འདུ་བྱ་བ་མེད་པ། དྲན་པ་མེད་པ། བདག་དང་བདག་གི་བྱ་མེད་པ། རང་བཞིན་གྱིས་རྣམ་པར་དག་པ། ཕན་ཚུན་གཅིག་གིས
23a7 གཅིག་མི་རིགས་པ་ཡིན་ན། སོ་སོའི་སྐྱེ་བོ་རྣམས་འདི་ལྟ་བུའི་ཆོས་མ་ཐོས་པའི་ཕྱིར། གཟུགས་ནི་བདག་ཡིན་ནོ།། བདག་ནི་གཟུགས་རྣམས་དང་ལྡན་ནོ།། གཟུགས་ནི
23a8 བདག་གི་ཡིན་ནོ་ཞེས་འཛིན་པར་བྱེད་དོ།། ཚོར་བ་དང་། འདུ་ཤེས་དང་། འབྲུ་བྱེད་དང་། རྣམ་པར་ཤེས་པའི་བར་ལ་ཡང་དེ་བཞིན་ནོ།། བདག་དང་བདག་གིར་འཛིན་པ
iiif viewer powered by OpenSeadragon
