| e-texts navigator |
| Wylie |
20b1 ཡང་འདི་ལྟ་སྟེ་དཔེར་ན། རྒྱལ་པོ་རྣམས་ཀྱི་ནང་ན་འཁོར་ལོས་སྒྱུར་བའི་རྒྱལ་པོ་མཆོག་དང་གཙོ་བོ་དང་། བླ་མར་གྱུར་པ་དེ་བཞིན་དུ་དེ་བཞིན་གཤེགས་པའི་ཡེ་ཤེས་ཀྱང
20b2 ཡེ་ཤེས་རྣམས་ཀྱི་ནང་ན་གོང་ན་མེད་པར་གྱུར་པ་ཡིན་ནོ།། གློག་ཐོབ་དེ་བཞིན་གཤེགས་པ་ནི། དེ་ལྟ་བུ་མཁྱེན་པ་དང་ལྡན་པའི་ཕྱིར་རོ།། སེམས་ཅན་ཐམས་ཅད་ཀྱི
20b3 འདོད་ཆགས་དང་། ཞེ་སྡང་དང་། གཏི་མུག་སྤྱོད་པའི་སེམས་དང་། སེམས་ལས་བྱང་བ་འཇུག་ཅིང་འགྱུར་བ་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པས་རབ་ཏུ
20b4 མཁྱེན་ཅིང་། སེ་གོལ་གཏོགས་པ་གཅིག་ལ། ཐམས་ཅད་ཡོངས་སུ་སྡུད་པར་མཛད་དོ།། གློག་ཐོབ་དེ་བཞིན་གཤེགས་པ་ནི་རྣམ་པ་ཐམས་ཅད་མཁྱེན་པ་ཉིད
20b5 དང་ལྡན་པ་འདི་ལྟ་སྟེ་དཔེར་ན། སྐྱེས་བུ་མིག་དང་ལྡན་པས་རྩོལ་བ་ལ་མི་ལྟོས་རང་གི་ལག་མཐིལ་དུ་སྐྱུ་རུ་རའི་འབྲས་བུ་གསལ་བར་མཐོང་ཞིང་ཐེ་ཙོམ་མེད་པ་ལྟར། དེ
20b6 བཞིན་གཤེགས་པ་ཡང་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཇི་སྙེད་པ་དག་རབ་ཏུ་མཁྱེན་པས། འཁོར་མང་པོའི་ནང་དུ་ཆོས་རྣམ་པ་སྣ་ཚོགས་ཡང་དག་པར་སྟོན་པ
20b7 མཛད་དོ།། སངས་རྒྱས་ཀྱི་ཞིང་འཇིག་རྟེན་གྱི་ཁམས་ཚད་མེད་གྲངས་མེད་པ་དག་ན། འདོད་ཆགས་ཀྱི་སྤྱོད་པ་དང་མཚུངས་པར་ལྡན་པའི་སེམས་ཅན་རྣམས་འདོད་ཆགས་ཀྱིས།
20b8 ཡོངས་སུ་གདུངས་ནས། ཉིན་མཚན་དུ་ཡིད་ལ་བྱེད་ཅིང་། དོན་མེད་པས་དུས་འདས་པར་བྱེད་པ་ཡང་ངེས་རབ་ཏུ་མཁྱེན་ཅིང་གཟིགས་སོ།། འདོད་ཆགས་ཀྱི་གདུང་བས
iiif viewer powered by OpenSeadragon
