| e-texts navigator |
| Wylie |
281a1 ཤེས་རབ་ཀྱི་ཕ་རོལ་ཏུ་ཕྱིན་པ་ཐབས་དང་། ཡེ་ཤེས་གནས་སུ་བསྒྲུབ་པས་ན། ཆོས་ཀུན་རྣམ་པར་དག་པའི་ཕྱིར།
281a2 འཁོར་བ་ཡོངས་སུ་དག་པར་འགྱུར། ཆགས་ལ་སོགས་པས་འདུལ་ན་ནི། འཁོར་བའི་བར་དུ་རྟག་པར་ཡང་། འཇིག་རྟེན་སྡིག་བྱེད་དེ་སྦྱངས་ཕྱིར། འཁོར་བ་ཇི་སྲིད
281a3 དུ་བདག་ཉིད་འདུལ། ཇི་ལྟར་པད་མ་རབ་དམར་ཡང་། ཚོན་གྱིས་ཉེས་པས་མི་གོས་པ། དེ་བཞིན་གནས་ཀྱི་ཉེས་པ་ཡིས། འགྲོ་ཕན་རྣམས་ལ་མ་གོས་སོ།།
281a4 འདོད་ཆགས་ཆེན་པོ་རྣམ་པར་དག། བདེ་བ་ཆེ་ཞིང་ནོར་ཆེ་ལ། ཁམས་གསུམ་དབང་ཕྱུག་ཐོབ་པས་ན། སེམས་ཅན་དོན་རྣམས་རྟེན་པར་བྱེད། ལག་ན་རྡོ་རྗེ་སུ་ལ་ལ
281a5 ནང་པར་ལངས་ནས། མཆོག་དང་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདིའི་སྒོའི་ཆོས་ཀྱི་རྣམ་གྲངས་འདི་ཉིན་རེ་རེ་ཞིང་འདོན་པ་དང་། ཉན་པ་དང་། འཛིན་པ་དང་།
281a6 ཀློག་པ་དང་། སྒོམ་པ་དེ་ཡིད་ལ་བདེ་བ་དང་། བདེ་བ་ཐམས་ཅད་ཐོབ་པར་འགྱུར་རོ།། བདེ་བ་ཆེན་པོ་རྡོ་རྗེ་དོན་ཡོད་པའི་དམ་ཚིག་དངོས་གྲུབ་ཀྱི་མཆོག་ཀྱང་ཚེ་འདི་ཉིད་ལ་ཐོབ
281a7 པར་འགྱུར་རོ།། དེ་བཞིན་གཤེགས་པ་ཐམས་ཅད་ཀྱི་གསང་བ་མཆོག་ཀྱང་འགྲུབ་སྟེ། རྡོ་རྗེ་འཛིན་ཐམས་ཅད་ཀྱི་ཆེན་པོ་འམ། དེ་བཞིན་གཤེགས་པར་འགྱུར་རོ།།
iiif viewer powered by OpenSeadragon
