| e-texts navigator |
| Wylie |
9'a1 སྨྲས་ན་ནི། བདག་གི་མིང་གང་ཚངས་པ་དང་། ཚངས་པ་ཆེན་པོ་དང་། དབང་ཕྱུག་དང་། བྱེད་པ་པོ་དང་། འབྱིན་པ་པོ་དང་། སྤྲུལ་པ་པོ་ཞེས
9'a2 བྱ་ངའི་མིང་དེར་ཡང་མི་འགྱུར་རོ།། འོན་ཏེ་བུ་འམ་བུ་མོ་སྦྱིན་ནོ་ཞེས་སྨྲས་ན་ནི། གང་གི་ཚེ་བདག་ལ་དབང་མེད་ན་ཇི་ལྟར་སྦྱིན་པར་བྱ་སྙམ་དུ་དེ་ལྟར་སེམས་ཏེ། ལྷའི་དབང་པོ
9'a3 བརྒྱ་བྱིན་ལ་གསང་སྟེ་སྨྲས་པ། ཀོའུ་ཤི་ཀ་ཁོ་བ་ནི་འཇིག་རྟེན་གྱིས་མ་ཕྱུང་ལ། ཁོ་བོས་ཀྱང་འཇིག་རྟེན་མ་ཕྱུང་ངོ་།། དེས་སྨྲས་པ། ཚངས་པ་ཆེན་པོ་གལ་ཏེ་དེ་ལྟར་ལགས་ན།
9'a4 འོན་ཀྱང་རང་གི་གནས་སུ་གཟིགས་ལ། གལ་ཏེ་འཆི་བའི་ཆོས་ཅན་འགའ་ཞིག་མཆིས་ན། དེ་བྲམ་ཟེ་ཤིང་ས་ལ་ཆེན་པོའི་ཁྱིམ་དེར་ཉིང་མཚམས་སྦྱོར་བ་ལེན་དུ་སྩོལ་ཅིག།
9'a5 ཚངས་པས་སྨྲས་པ། ཀོའུ་ཤི་ཀ་ཅིའི་ཕྱིར་ཁྱོད་ཀྱི་གནས་སུ་མི་ལྟ། བརྒྱ་བྱིན་གྱིས་སྨྲས་པ། གནས་འདི་ན་ནི་ལྷ་རྣམས་དབང་ཆུང་བར་གྲགས་པ་ལགས་ལ། བྲམ་ཟེ་དེ་ནི་དབང
9'a6 ཆེ་བར་གྲགས་པ་ལགས་པས། དེར་དབང་ཆུང་བར་གྲགས་པ་ཉིད་ཀྱིས་ཉིང་མཚམས་སྦྱིན་པ་ལེན་པར་མི་བཟོད་དོ།། དེ་ནས་ཚངས་པས་གནང་ནས་རང་གི་གནས་སུ་སོན་ནོ།
9'a7 དེ་ན་ཚངས་པ་ཞིག་ཚེ་ཟད་དེ་སྔ་ལྟས་བྱུང་བ་མཐོང་ནས། དེས་དེ་ལ་སྨྲས་པ། གྲོགས་པོ་གལ་ཏེ་ཁྱོད་སྡུག་པའི་གནས་ནས་འཆི་འཕོ་བར་བྱེད་ན། ཉིང་མཚམས་སྦྱོར་བར་འདྲས།
9'a8 དེའི་ཕྱིར་གྲོང་ཁྱེར་ཤིང་ནྱ་གྲོ་དྷ་ཅན་དུ། བྲམ་ཟེ་ཤིང་ས་ལ་ཆེན་པོ་ལྟ་བུ་ནྱ་གྲོ་དྷའི་ཁྱིམ་དུ་ཉིང་མཚམས་སྦྱོར་བ་ལོང་ཤིག་དང་ཁྱོད་ཡོ་བྱད་དག་གིས་མི་བྲེལ་བར་འགྱུར་རོ།།
iiif viewer powered by OpenSeadragon