| e-texts navigator |
| Wylie |
202a1 མེད་པ། །དེར་ནི་རྣལ་འབྱོར་བ་རྩམ་པར་བྱ་ཞེས་པའོ། །ངེས་པར་འཇམ་པའི་མལ་ཆ་དག་དང་གདན་ལ་ཉེ་བར་འདུག་ནས་སྔར་བརྗོད་བསྲུང་བ་བྱས་ནས་ནི་ཞེས་པ་ནི་དབང་གི་ལེའུ་ལས་གསུངས་པའི་བསྲུང་བ་བྱས་ནས་ཞེས་པ་སྟེ་གནས་ཀྱི་ངེས་པའོ། །
202a2 ད་ནི་ཁ་དག་པ་ལ་སོགས་པ་གསུངས་པ་དང་པོར་ཞེས་པ་ལ་སོགས་པ་སྟེ་འདིར་རྣལ་འབྱོར་པས་སྔར་གསུངས་པའི་བསྲུང་བ་དང་བདུད་བསྐྲད་པ་བྱས་ཏེ་དེ་ནས་སྒྲུབ་ཐབས་ཀྱི་ལེའུ་ལས་གསུངས་པའི་ཆོ་གས་བདག་ཉིད་སྐད་ཅིག་གིས་ལྷའི་གཟུགས་ཀྱི་རྣམ་པར་བྱས་ནས
202a3 རང་གི་སྙིང་ཁར་པ~ཾ་ཡིག་ཡོངས་སུ་གྱུར་པ་ལས་པདྨ་དམར་པོ་འདབ་མ་བརྒྱད་པའོ། །དེའི་སྟེང་དུ་ལྟེ་བ་ལ་ཨ~ཾ་ཡིག་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་རོ། །དེའི་དབུས་སུ་དེ་ཉིད་ཅེས་པ་ཀུན་རྫོབ་ཏུ་ཧུཾ་ཡིག་ལས་སྐྱེས་པ་རྡོ་རྗེ་རྩེ་ལྔ་པའོ། །དེའི་འོད་ཟེར་སྣ་ཚོགས
202a4 རྣམས་ཏེ་ཁ་དོག་ལྔ་རྣམས་རྣལ་འབྱོར་པས་བསྒོམ་པར་བྱའོ། །སྔོན་དུ་ཁ་ལ་སོགས་པ་དག་པར་བྱས་ནས་ཏེ་བདུད་རྩི་ལྔའི་རིལ་བུ་ཁར་བཅུག་པས་ཁ་དག་པར་འགྱུར་རོ། །དེ་བཞིན་དུ་སྔར་གསུངས་པའི་མཆོག་གི་ཕྱག་རྒྱས་མགོ་བོ་ནས་བརྩམས་ཏེ་ཇི་སྲིད་རྐང་པའི་མཐའ་དེ་སྲིད་དུ་བདག
202a5 ཉིད་ལ་ཡང་དག་པར་རེག་པར་བྱ་སྟེ་དེ་ལྟར་ན་ལུས་དག་པའོ། །དེ་ལྟར་ཁ་ལ་སོགས་པ་དག་པར་བྱས་ནས་དེ་ནས་ཟླ་བའི་དཀྱིལ་འཁོར་ལ་རྡོ་རྗེའི་འོད་ཟེར་གྱིས་ནམ་མཁའི་མཐིལ་དུ་དེ་བཞིན་གཤེགས་པ་རྣམས་རབ་ཏུ་རྟོགས་པར་བྱས་ཏེ་སྤྲོས་པའི་རྒྱལ་བ་དེ་རྣམས་ལ་མཆོད་པའི་དོན་དུ་འོད་ཟེར་དེ
202a6 རྣམས་ཀྱང་བཀུག་ནས་རང་གི་སྙིང་ཁར་ཟླ་བའི་རྡོ་རྗེ་ལ་རབ་ཏུ་ཞུགས་པར་བསྒོམ་པར་བྱའོ། །དེ་ནས་ཟླ་བའི་དཀྱིལ་འཁོར་ལ་མཆོད་པའི་ལྷ་མོ་བཅུ་གཉིས་པོ་རྣམས་ཀྱི་ས་བོན་ཡི་གེའི་གོང་བུ་རྣམས་བསམ་པར་བྱ་སྟེ། ཀྑྒྒྷྔ་ཀྑྒྒྷྔཱ་ཙྪྫྫྷྙ་ཙྪྫྫྷྙཱ་ཊྛྜྜྷྞ་ཊྛྜྜྷྞཱ་པྥྦྦྷྨ་པྥྦྦྷྨཱ་ཏྠྡྡྷྣ་ཏྠྡྡྷྣཱ་སཽ0f8ེུ0f4་སཽ0f8ེུ0f4ུ0fབ5ུ0fབ4ུ0f8དུ0f90ུ0f71་ཞེས་པ་ས་བོན་གྱི་ཡི་གེ་འདི་རྣམས་ལས་གྲུབ་པ་ནི་གྲངས་བཞི
202a7 ན་དུ་རོལ་མོ་མ་དང་། གར་མ་དང་། དྲི་མ་དང་། ཕྲེང་བ་མ་དང་། བདུག་སྤོས་མ་དང་། མར་མེ་མ་དང་། ལྷ་བཤོས་མ་དང་། མ་ཉམས་མ་དང་། སྒེག་མོ་དང་། བཞད་མ་དང་། གླུ་མ་དང་། འདོད་མ་སྟེ་དེ་དག་ལ་སོགས་པ
iiif viewer powered by OpenSeadragon
