| e-texts navigator |
| Wylie |
53a1 ལོག་འདྲེན་མ་རུངས་པ་རྣམས་ལོངས་ལ་ངའི་ངག་ཉོན་ཅིག་། རྡོ་རྗེ་ཀུན་དུ་འབར་ཞིང་རབ་ཏུ་འབར་ལ་ཀུན་དུ་རབ་ཏུ་འབར་བས་ཁྱོད་ཀྱི་མགོ་གཤགས་ས་རེ། ངས་རལ་པ་སེར་པོ་ཅན་རྣམས་ཀྱི་གསང་སྔགས་ཀྱིས་ལྷའི་ལོ་སྟོང་གི་བར་དུ
53a2 ལོག་འདྲེན་རྣམས་བཅོམ་པ་དང་། གཏུབས་པ་དང་། བརྡུངས་པ་དང་། གཟིར་བ་དང་། སྐམས་པ་གང་ཡིན་པ་དེ་དྲན་པར་གྱིས་ཤིག་།ངའི་མཐུ་དང་། བརྩོན་འགྲུས་དང་། ཕ་རོལ་གནོན་པ་ཆེན་པོ་དྲན་པར་གྱིས་ཤིག་།གང་འདི་གསང
53a3 སྔགས་འཛིན་ཅིང་འདོན་པ་དང་། བསྒྲུབ་པ་དང་། དེས་སྲུང་བ་བྱེད་པ་དེ་ལ་གླགས་མ་ཚོལ་ཅིག་།ཏིལ་སྤྲུས་པའམ། ཟས་ངན་པ་ཟ་ཡང་རུང་། གྲོང་གི་ཆོས་སྤྱོད་ཀྱང་རུང་སྟེ། རིག་པ་ཐམས་ཅད་སྒྲུབ་པ་ལ་གླགས་མ་ཚོལ་ཅིག་།ཟན་ཟ་བའི་ཚེ་ཡང
53a4 ཁམ་དང་པོ་སྔགས་ཀྱིས་བཏབ་སྟེ་དབུལ་བར་བྱའོ། །ཉི་མ་འཆར་བའི་ཚེ་ལན་བདུན་བརྗོད་ན་དེའི་ཕྱི་བཞིན་རྟག་ཏུ་འབྲང་ངོ་། །ལོག་འདྲེན་རྣམས་ཀྱང་གླགས་མི་ཚོལ་ལོ། །ཏིལ་དང་། སྲན་ཆུང་དང་། འབྲས་དང་། པེན་ཙེ་ཡང་རུང་། སྣུམ
53a5 མཁུར་བར་པ་ཏ་དང་། ལ་ཕུག་ཀྱང་རུང་སྟེ། ཐམས་ཅད་ཀྱང་ཟར་ཟིན་ཀྱང་ངའི་གསང་སྔགས་འཛིན་ན་དེ་ཐམས་ཅད་འགྲུབ་པར་འགྱུར་རོ། །གཞན་ཡང་ཡོན་ཏན་དཔག་ཏུ་མེད་པར་ཤེས་པར་བྱའོ། །འཕགས་པ་བདུད་རྩི་ཐབ་སྦྱོར་གྱི་སྙིང་པོ
53a6 རྫོགས་། ། @#། །རྒྱ་གར་སྐད་དུ། ཨཱརྱ་མ་ཧཱ་ད་ཎྜ་ནཱ་མ་དྷཱ་ར་ཎཱི། བོད་སྐད་དུ། འཕགས་པ་བེ་ཅོན་ཆེན་པོ་ཞེས་བྱ་བའི་གཟུངས། སངས
53a7 རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས
iiif viewer powered by OpenSeadragon
