| e-texts navigator |
| Wylie |
254b1 མཚམས་མེད་ལྔ་ཡང་བྱང་བར་འགྱུར། །བསྐལ་བ་གྲངས་མེད་མང་པོར་ཡང་། །མི་ཁོམ་བརྒྱད་དུ་སྐྱེ་མི་འགྱུར། །མུ་སྟེགས་རྩོད་པ་བཟློག་པ་དང་། །མཐུ་སྟོབས་ཕུན་སུམ་ཚོགས་ལྡན་ཞིང་། །ཚེ་རིང་ནད་མེད་དཔལ་དང་ལྡན། །སྡུག་མེད་བསྐལ་པ་མང་པོར
254b2 ཡང་། །ནམ་ཡང་འཁོར་བར་མི་ལྟུང་ཞིང་། །མྱ་ངན་འདས་པ་ཐོབ་བྱའི་ཕྱིར། །ཉན་ཐོས་ས་རྣམས་ནོན་པ་དང་། །རྟེན་འབྲེལ་བཅུ་གཉིས་ཤེས་པར་བྱ། །བྱང་ཆུབ་སེམས་དཔའི་ས་རྣམས་ནི། །རབ་དགའ་དྲི་མེད་འོད་ཅེས་འཕྲོ། །སྦྱར་དཀའ་མངོན་གྱུར
254b3 རིང་དུ་སོང་། །མི་གཡོ་ལེགས་པ་ཆོས་ཀྱི་སྤྲིན། །སངས་རྒྱས་ས་ཆེན་བླ་ན་མེད། །བཅུ་གཉིས་པོ་ཡང་ཐོབ་འགྱུར་ཏེ། །ཀུན་ཏུ་འོད་དང་བདུད་རྩི་འོད། །ནམ་མཁའི་འོད་དང་རྡོ་རྗེའི་འོད། །རིན་ཆེན་འོད་དང་པདྨའི་འོད། །ལས་ཀྱི་འོད་དང་དཔེ་མེད
254b4 ས། །དཔལ་ལྡན་ས་དང་ཤེས་རབ་འོད། །ཐམས་ཅད་མཁྱེན་དང་རང་རིག་སྟེ། །བཅུ་གཉིས་སངས་རྒྱས་ས་རྣམས་ཀྱང་། །འདི་ཚེ་བྱུང་ན་མྱུར་དུ་ཐོབ། །ས་རྣམས་མ་ཐོབ་བར་དུ་ཡང་། །འགྲོ་བ་རྣམས་ལ་ཕན་པ་དང་། ཤེས་རབ་སྙིང་རྗེ་ལྡན་གྱུར་ཅིང་། །
254b5 ཆོས་ལ་དགའ་བ་རྣམས་ཀྱིས་བསྲུང་། །དངོས་གྲུབ་ཐོབ་སྟེ་དེ་བཞིན་གཤེགས། །རིན་ཆེན་ལས་བྱུང་ཐོབ་པར་འགྱུར། །དཔལ་ལྡན་བྱང་ཆུབ་སེམས་དཔའ་དང་། །དཔལ་ལྡན་ལྷ་མོ་ནག་མོ་ཡི། །མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཐོབ
254b6 སྟེ། །སྐུ་གསུང་ཐུགས་ནི་གྲུབ་ནས་ཀྱང་། །ཁམས་གསུམ་ཆོས་ཀྱི་རྒྱལ་པོར་འགྱུར་ཞེས་གསུངས་པ་དང་། །བྱང་ཆུབ་སེམས་དཔའི་འཁོར་དེ་དག་དང་། །དཔལ་ལྷ་མོ་ནག་མོ་ཆེན་མོ་རྣམས་ངོ་མཚར་དུ་གྱུར་ཏེ། །བཅོམ་ལྡན་འདས་ཀྱིས་གསུངས་པ་ལ
254b7 རྗེས་སུ་ཡི་རང་ཞིང་མངོན་པར་བསྟོད་དོ། །དཔལ་ལྷ་མོ་ནག་མོ་ཆེན་མོའི་མཚན་བརྒྱ་རྩ་བརྒྱད་པ་ཡོན་ཏན་དང་བཅས་པ་རྫོགས་།། @#། །ལྷའི་དབང་པོ་བརྒྱ་བྱིན་གྱིས་བསྟོད་པ། །དུས
iiif viewer powered by OpenSeadragon
