| e-texts navigator |
| Wylie |
254a1 ཀླུ་མོ་ཤ་ཟ་མོ། །གདུག་མོ་འབྱུང་མོ་གྲུལ་བུམ་མོ། །དྲག་མོ་རྔམ་ཚུལ་ཀློག་འགྱུ་མ། །རླུང་མོ་ནག་མོ་འཇིགས་བྱེད་མ། །མཁའ་འགྲོ་གཏུམ་མོ་ཞིང་སྒྲོལ་མ། །ཞི་རྒྱས་དབང་དང་དྲག་པོས་འདུལ། །དཀར་སེར་ལྗང་ནག་དམར་ཡང
254a2 སྟོན། །རྣམ་པ་བརྒྱད་ཀྱི་དབྱིབས་ཀྱང་འབྱུང་། །འགྲོ་བ་དྲུག་པོའི་ཚུལ་ཡང་སྟོན། །ཕུང་པོ་ལྔ་ཡང་བརྗོད་པར་ནུས། །དབང་པོ་ཚིམ་བྱེད་ཡུལ་ལྔའང་སྟོན། །རྟེན་ཅིང་འབྲེལ་བའི་སྤྱོད་པ་མཁས། །ཡུལ་ཅན་རྣམས་ནི་གསོད་ལ་མཁས། །དེ་བཞིན་ངག་རྣམས
254a3 གསོད་པ་དང་། །ལུས་ཅན་རྣམས་ནི་གསོད་ལ་བརྩོན། །སེམས་ནི་གསོད་པ་མེད་ལ་མཁས། །འཁོར་བ་ལས་ནི་རིང་དུ་སོང་། །དེ་བཞིན་གཤེགས་པས་ལུང་བསྟན་ཏེ། །བྱང་ཆུབ་སེམས་དཔའི་མཚན་རྣམས་དང་། །འཇིག་རྟེན་སྐྱོང་མཛད་དཔལ་ལྡན་མ། །
254a4 དམ་ཆོས་འཛིན་པ་རྣམས་ལ་བྱམས། །ོཾ་ཨཱཿཧཱུ~ཾ། ཤྲཱི་དེ་བི་ཀཱ་ལི་ས་མ་ཡ་ཛཿ། ཌཱ་ཀི་ནཱི་ཌཱ་ལ་ས་མ་ཡ་སྭཱ་ཧཱ། མིང་བརྒྱ་རྩ་བརྒྱད་གང་འཛིན་པ། །ཡོན་ཏན་བརྒྱ་རྩ་བརྒྱད་ཀྱང་འཐོབ། །དམྱལ་བའི་སྡུག་བསྔལ་མྱོང་མི་འགྱུར། །གནས་སུ་མི་སྐྱེ
254a5 ཞིང་། །བྱོལ་སོང་སྐྱེ་བས་ཐོགས་མེད་འགྱུར། །ལུས་འཕགས་གནས་སུ་སྐྱེས་པ་ན། །ཐོག་ལ་སོགས་པ་མི་འབབ་ཅིང་། །སྒྲ་མི་སྙན་དུ་རླུང་གིས་མིན། །དེ་བཞིན་བ་ལང་སྤྱོད་དུ་ཡང་། །ཆུ་དང་རླབས་ཀྱིས་ཁྱེར་མི་ནུས། །འཛམ་བུའི་གླིང་དུ་གང་སྐྱེས་པ། །
254a6 སྣ་ཚོགས་གནོད་པས་ཉེན་མི་འགྱུར། །འདོད་པའི་ལྷ་རྣམས་གནས་སུ་ཡང་། །སྐྱེས་ནས་ཆོས་ལ་དགའ་བར་འགྱུར། །བསམ་གཏན་བཞི་ཡི་སྐྱེ་གནས་སུ། །ཚད་མེད་བཞི་ནི་འཕེལ་བར་འགྱུར། །གཟུགས་མེད་གནས་ནི་བཞི་བོར་ཡང་། །དོན་མེད་ན་ནི་མི་སྐྱེ་སྟེ། །
254a7 འདུ་ཤེས་མེད་པར་ནམ་ཡང་མིན། །འཕགས་པ་བཞུགས་པའི་གནས་རྣམས་སུ། །ཁམས་གསུམ་ཚུལ་གྱིས་བདག་དོན་སྤྱོད། །རྟག་ཏུ་ཡུལ་ལ་ཆགས་མི་འགྱུར། །སེམས་ལ་འཛིན་པར་མི་བྱེད་དེ། །ཉོན་མོངས་རྩ་བ་དྲུག་པོ་དང་། །དེ་བཞིན་ཉེ་བ་ཉི་ཤུ་དང་། །
iiif viewer powered by OpenSeadragon
