| e-texts navigator |
| Wylie |
245b1 སྟེར་ན་ཡང་མ་ཆེ་ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཞེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་པ་ལས། དེར་གང་ཟག་གཉིས་པོ་དེས་བསམས་པ། དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ་བསླངས་པས་དཀར་གསུམ
245b2 དང་། མངར་གསུམ་དང་། འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་། བཏུང་བ་མང་དུ་རྙེད་ནས་ཀྱི་དྲུང་དུ་ཁྱེར་ཏེ་ཕྱིན་ནས་བསྟབས་པས་མི་ལེན་པར་གོང་གི་སྒྲ་རྣམ་པ་ལྔ་སྒྲོགས་ཤིང་བྲོས་སོ། །དེར་གང་ཟག་གཉིས་པོ་དེས་ཤིན་ཏུ་མ་དགའ་ནས
245b3 མོ་དེའི་སེམས་སུ་སོང་ནས་གཞན་ཡིད་ལ་མ་དྲན་ཏེ། བཅོམ་ལྡན་འདས་འོད་མའི་ཚལ་ན་བཞུགས་པ་ཅན་དུ་དེ་མ་ཐག་ཕྱིན་ཏེ། ཞབས་ལ་ཕྱག་བཙལ་བས་འཁངས་ནས་ཐང་ཆད་དེ་དྲི་བ་མ་སྤོབས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཅི་ཉེས།
245b4 དྲི་བ་ཡོད་ན་དབུགས་ཕྱུང་ལ་དྲིས་ཤིག་ཅེས་གསུངས་སོ། །བཅོམ་ལྡན་འདས་ལགས་བདག་ཅག་ནི་ཤིན་ཏུ་མ་དགའ་སྟེ། ཉིད་ལ་ཁོང་ཡུས་ཆེ་ནས་འཁམས་པ་ལགས་སོ། །བཀའ་སྩལ་པ། ཅི་ལས་གྱུར་སྨྲས་པ། བདག་ཅག་གཉིས་ནི་བས་མཐའ་ཞིག་ན་བཅོམ
245b5 ལྡན་འདས་ཀྱི་ཞལ་ནས་གསུངས་པ་སོ་སོར་རྟོག་པ་ཡིད་ལ་བྱེད་པ་ལས་རྒྱང་རིང་པོར་འཆག་ཏུ་ཕྱིན་པ་ལས། མོ་ལུས་པོ་སྔོ་ལ་སྐམ་པ། ཁོག་ཁོག་ཟེར་བ། སྐྲ་འཛིངས་པ། མིག་དམར་ལ་གཡོན་དུ་ཡོ་བ། མ་མཆུ་རིང་ལ་གཡས་སུ་ཡོ་བ། སྐེ་དང
245b6 རྐང་ལག་ཤིན་ཏུ་ཕྲ་ལ་རིང་བ། ལག་པས་ཁུ་ཚུར་བསྡམས་པའི་སེན་མོས་ཐད་ཀར་ཕུག་ནས་སྔོ་ཟང་དེ་བ། ཁ་ནས་སྒྲ་རྣམ་པ་ལྔ་སྒྲོགས་པ་འདི་ལྟ་སྟེ། དགོས་ན་ཞེས་བྱ་བ་དང་། མེད་ན་ཞེས་བྱ་བ་དང་། མ་སྦྱིན་ཅིག་ཅེས་བྱ་བ་དང་། སྟེར་ན་ཡང་མ་ཆེ
245b7 ཆེས་པར་འོང་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཅེས་བྱ་བ་དང་ལྔ་བརྗོད་པ། སྐྱི་ཟིང་བྱེད་པ་ཅིག་དང་ཕྲད་ནས། བདག་ཅག་གཉིས་ཀྱིས་བསམས་པས་དགོན་པ་བས་གྲོང་ཡུལ་ཐག་ཉེ་ལ་ཟས་མོད་པས་གྲོང་ཁྱེར་དུ་ཕྱིན་ཏེ། བསླངས་པས་དཀར་གསུམ
iiif viewer powered by OpenSeadragon
