| e-texts navigator |
| Wylie |
233a1 ད་ནི་སྭཱ་ཧཱ། ན་མོ་རཏྣ་ཏྲ་ཡཱ་ཡ། ན་མཥྩཎྜ་བཛྲ་པཱ་ཎ་ཡེ། བྷནྡྷ་བྷནྡྷ། སུ་རཱུ་པེ། ཀཱ་ལ་རཱུ་བི་ཎི་སྭཱ་ཧཱ། ཆོས་སྨྲ་བས་ཐོག་མ་ཁོ་ནར་བསྲུང་བའི་ཆོ་ག་བྱས་ལ། ཆོས་གོས་ཀྱི་གྲཝར་ལན་བདུན་བཟླས་བརྗོད་བྱས་ཏེ། མདུད་པ་བདུན་པོར་ནས
233a2 རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་འདི་ཞག་ཉི་ཤུ་རྩ་གཅིག་གི་བར་དུ་རྒྱུན་མ་ཆད་པར་བཀླག་པར་བྱའོ། །ཤར་ཕྱོགས་སུ་ནི་བ་ལང་གི་ལྕི་བས་ཀླུའི་རྒྱལ་པོ་མགོ་གསུམ་པ་ཞེས་བྱ་བ་འཁོར་དང་བཅས་ཏེ་བྲི་བར་བྱའོ། །ལྷོ་ཕྱོགས་སུ་ནི་ཀླུའི་རྒྱལ
233a3 པོ་རབ་ཏུ་རྒྱས་བྱེད་ཅེས་བྱ་བ་མགོ་ལྔ་པ་འཁོར་དང་བཅས་ཏེ་བྲི་བར་བྱའོ། །ནུབ་ཕྱོགས་སུ་ནི་ཀླུའི་རྒྱལ་པོ་སྣང་ལྡན་གཙུག་ཕུད་ཅན་ཞེས་བྱ་བ་མགོ་བདུན་པ་འཁོར་དང་བཅས་ཏེ་བྲི་བར་བྱའོ། །བྱང་ཕྱོགས་སུ་ནི་ཀླུའི་རྒྱལ་པོ་སྤྲིན་སྐུ་ལ་ཞེས་བྱ་བ་མགོ་དགུ་པ་འཁོར་དང་བཅས
233a4 ཏེ་བྲི་བར་བྱའོ། །བླ་རེ་དང་། གོས་སྔོན་པོ་དང་། རྒྱལ་མཚན་སྔོན་པོ་དང་། ལྷ་བཤོས་ཐམས་ཅད་ཀྱང་སྔོན་པོར་བྱའོ། །ཀླུ་གནད་ལ་དབབ་པ་ནི་མངར་གསུམ་གྱིས་བྱའོ། །མངར་གསུམ་གྱི་དགང་བླུགས་བདུན་ཡང་ཀླུའི་སྙིང་པོས་སྦྱིན་སྲེག་བྱའོ། །སྤྲིན་གྱི
233a5 རྒྱལ་པོ་རྣམས་ཀྱང་བྲིས་ཏེ་ཆར་གྱི་རྒྱུན་འབེབས་ལ་ཕན་ཚུན་ཐུག་ཅིང་མཐར་གློག་འགྱུ་བར་བྱའོ། །འདིར་དབབ་པ་ནི་ཁུར་བ་བཀྲ་ཤིས་ལྡན་དང་། པེན་ཙེ་དང་། ཤ་དང་། ཉ་ཤ་དང་། སྦྲང་རྩི་ལས་བྱས་པའི་ཟས་མཆོག་རྒྱས་པར་བྱའོ། །དེ་ནས་ཆོས་སྨྲ་བ་གཙང
233a6 ཞིང་གོས་གཙང་མ་བགོས་པས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་བཀླག་པར་བྱའོ། །དེ་ནས་ཀླུ་རྣམས་དང་པོའི་ཉིན་མོ་ནས་བརྩམས་ཏེ། དི་རི་རིར་སྒྲ་སྒྲོགས་པར་བྱེད་ཅིང་། སྒྲ་ཡིད་དུ་འོང་བ་དག་འབྱིན་པར་འགྱུར་ཏེ། ལེའུ་འདི་ལ་ཐེ་ཚོམ་དང
233a7 བརྙས་པར་མི་བྱའོ། །གལ་ཏེ་རྒྱ་མཚོ་དུས་ཚོད་ལས་ཡོལ་ན་འདི་ཡང་ཆར་ལས་ཡོལ་བར་འགྱུར་རོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ་ཕྱག
iiif viewer powered by OpenSeadragon
