| e-texts navigator |
| Wylie |
231a1 སྒྲ་ཆེར་སྒྲོགས་ཤིང་ལྷའི་རིན་པོ་ཆེ་རབ་ཏུ་འཕྱང་ལ་མུ་ཏིག་གི་ལྡ་ལྡི་རྣམ་པ་སྣ་ཚོགས་རབ་ཏུ་འཕྱང་བ་རྒྱ་མཚོའི་སྤྲིན་དག་དང་། གསེར་སྐུད་ཀྱིས་བརྒྱན་པའི་སྣང་བ་ཆེན་པོ་ཅན་གྱི་རྩེ་མོས་ནམ་མཁའ་ཀུན་དུ་ཁེབས་པར་བྱེད་པ་རྒྱ་མཚོ་ཆེན་པོའི་སྤྲིན་དག་དང་། རིན་པོ་ཆེ་སྣ
231a2 ཚོགས་ཀྱི་ཕྲེང་བའི་འོད་ཀྱི་དཀྱིལ་འཁོར་གྱིས་ནམ་མཁའ་ཀུན་དུ་ཁེབས་པར་བྱེད་པ་ལ་མཁས་པ་རྒྱ་མཚོའི་སྤྲིན་དག་དང་། སྣང་བ་དང་ལྡན་པའི་རྒྱ་མཚོ་ཆེན་པོའི་སྒྲས་ཀུན་དུ་ཁེབས་པའི་རྒྱ་མཚོ་ཆེན་པོའི་སྤྲིན་དག་གིས་ནམ་མཁའ་མངོན་པར་ཁེབས་པར་གྱིས་ཤིག་།ཀླུ་དང་ཀླུའི་རྒྱལ་པོ
231a3 ཐམས་ཅད་ཚུར་ཤེག་། སའི་སྟེང་འདིར་འབྲུག་སྒྲ་སྒྲོགས་ཤིང་ཆར་ཕོབ་ཅིག་།ཆར་རབ་ཏུ་ཕོབ་ཅིག་།ཆར་ཀུན་ཏུ་རབ་ཏུ་ཕོབ་ཅིག་།དི་རི་རིར་སྒྲོགས་ཤིག་།གློག་ཆེན་པོ་སྣང་བ་རབ་ཏུ་ཕྱུང་ཤིག་།འདུ་ཞིང་ཀུན་ཏུ་འདུལ་ཏོག་ཡར་དར་དིར་ཞིང་འདུག་སྟེ། ཀླུའི་སྐད
231a4 ཆེན་པོ་ཡིད་དུ་འོང་བའི་སྒྲ་ཆེན་པོ་འབྱིན་ཅིང་དབྱངས་ཆེན་པོ་རབ་ཏུ་སྒྲོགས་པ་དག་འཛམ་བུའི་གླིང་དུ་ཆར་རབ་ཏུ་ཕོབ་ཅིག་། གྷ་ཊ་གྷ་ཊ། གི་ཌི་གི་ཌི། ཧུ་ཌུ་ཧུ་ཌུ། གྷུ་དྷུ་གྷུ་དྷུ། ག་ཊ་ག་ཊ། གི་ཊི་གི་ཊི། མ་ཊ་མ་ཊ། ཙ་ཊ་ཙ་ཊ། པ་ཊ་པ་ཊ། ཀྱེ་ཀྱེ་ཀླུ་དང་ཀླུ་ཆེན
231a5 པོ་དག་ཚུར་ཚུར་ཚུར་ཤེག་ཚུར་ཤེག་། དྷུ་དྷུ་དྷུ་དྷུ། ཧཱ་ཧཱ་ཧཱ། ཧཱི་ཧཱི། ཧཱུ~ཾ་ཧཱུ~ཾ། འབྲུག་སྒྲ་ཆེན་པོ་སྒྲོགས་ཤིང་། རླུང་ཆེན་པོ་རབ་ཏུ་གཏོང་བ་དག་སངས་རྒྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཅིག་སྭཱ་ཧཱ། ཀྱེ་ཀྱེ་ཀླུ་དང་། ཀླུའི་རྒྱལ་པོ་དག་ཀླུ
231a6 ཐམས་ཅད་ལ་ཡང་དག་པར་བསྐུལ་གྱིས་འཛམ་བུའི་གླིང་དུ་ཆར་ཕོབ་ཅིག་། གྷུ་ཌུ་གྷུ་ཌུ། ཕཊ་ཕཊ། ཧ་ཧ། ཧེ་ཧེ། ཀླུ་ཆེན་པོ་དག་འདུས་ཤིང་སའི་སྟེང་དུ་ཆར་ཕོབ་ཅིག་།གྷུ་ཌུ་གྷུ་ཌུ། ཀི་རི་ཀི་རི། ཙི་རི་ཙི་རི། མི་རི་མི་རི། དི་རི་དི་རི། ཀི་ལི་ཀི་ལི།
231a7 ཞིང་ཐམས་ཅད་ཡོངས་སུ་གང་བར་གྱིས་ཤིག་།འབྲུ་དང་། ཤིང་ལྗོན་པ་དང་། རྩཝ་དང་། ཤིང་གེལ་པ་དང་། སྨན་ཐམས་ཅད་རབ་ཏུ་སྐྱེ་བར་གྱིས་ཤིག་།བྱམས་པའི་སེམས་ཀྱིས་ཚུར་ཤེག་།སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ
iiif viewer powered by OpenSeadragon
