| e-texts navigator |
| Wylie |
191a1 ཀྱང་སླར་ཞིང་འཕེལ་བར་བགྱི་བའི་སླད་དུ་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ལགས་པ་དང་མཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་འཛིན་ཅིང་། ཀུན་ཆུབ་པར
191a2 བགྱིད་ན་ལེགས་སོ་ལེགས་སོ་ཞེས་གསོལ་པ་དང་། བཅོམ་ལྡན་འདས་ཀྱིས་རྒྱལ་པོ་ཆེན་པོ་རྣམ་ཐོས་ཀྱི་བུ་ལ་ཅང་མི་གསུང་བས་གནང་བར་མཛད་དོ། །དེ་ནས་རྒྱལ་པོ་ཆེན་པོ་རྣམ་ཐོས་ཀྱི་བུས་བཅོམ་ལྡན་འདས་ཀྱིས་ཅང་མི་གསུང་བས་གནང་བར
191a3 རིག་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། དེའི་ཚེ་བཅོམ་ལྡན་འདས་ཀྱི་སྤྱན་སྔར་ཀུན་དུ་རྒྱུ་བ་དང་ཀུན་དུ་རྒྱུ་བ་མ་ཡིན་པ་དང་མཐུན་པའི་མདོ། རིག་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར
191a4 འགྱུར་བ་འདི་ཉིད་རྒྱ་ཆེར་གསོལ་ཏོ། །སྐྱེ་བོ་གང་དག་གཏོང་ཕོད་ཅིང་། །ཕྲ་མ་མི་མཆི་སེར་སྣ་བྲལ། །གང་དག་སངས་རྒྱས་སྐྱབས་མཆིས་པས། །མི་དེ་རྣམས་ཀྱིས་རྙེད་པ་ལགས། །གང་གི་འཆར་ལ་བརྟེན་ནས་ནི། །དེས་ན་ཉིན་མོར
191a5 བརྗོད་པ་ཡི། །ཉི་མ་ཆེན་པོ་དཀྱིལ་འཁོར་ཅན། །ཉི་གདུགས་གང་ནས་འཆར་འགྱུར་བའི། །ཕྱོགས་དེ་མངོན་པར་སྐྱོང་བགྱིད་པ། །རྒྱལ་ཆེན་གྲགས་དང་ལྡན་པ་ནི། །དྲི་ཟའི་བདག་པོ་རྒྱལ་པོ་སྟེ། །མིང་ནི་ཡུལ་འཁོར་སྲུང་ཞེས་བགྱི། །
191a6 དེ་ནི་ཉེ་དུ་ལྷན་ཅིག་ཏུ། །གླུ་དང་གར་གྱིས་རྟག་ཏུ་རྩེ། །དྲི་ཟ་རྣམས་ཀྱིས་ཡོངས་བསྐོར་ཅིང་། །དྲི་ཟ་རྣམས་ཀྱིས་མདུན་གྱིས་བལྟས། །དེ་ལ་བུ་ནི་མང་མཆིས་ཏེ། །བརྒྱད་ཅུ་དང་ནི་བཅུ་དང་གཅིག་།དེ་དག་མིང་མཐུན་གྲགས་པ་ནི། །དབང
191a7 པོ་ཞེས་བགྱི་སྟོབས་པོ་ཆེ། །ལྷ་དང་ལྷ་མིན་གཡུལ་འགྱེད་པ། །ཀུན་དུ་གཞན་གྱིས་མི་ཐུབ་ལགས། །དེ་དག་རྣམས་ཀྱིས་རྫོགས་སངས་རྒྱས། །སངས་རྒྱས་ཉི་མའི་གཉེན་མཐོང་ནས། །སྐྱེས་བུ་ཅང་ཤེས་ཁྱོད་ལ་འདུད། །སྐྱེས་མཆོག
iiif viewer powered by OpenSeadragon
