| e-texts navigator |
| Wylie |
180a1 @#། །རྒྱ་གར་སྐད་དུ། ཨཱརྱ་སརྦ་རོ་ག་པྲ་ཤ་མ་ནི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་ནད་ཐམས་ཅད་རབ་ཏུ་ཞི་བར་བྱེད་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །
180a2 འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག
180a3 ཆོས་ཀྱི་རྣམ་གྲངས་འདི་ཟུང་ཤིག་། ཆོངས་ཤིག་།ལྷོགས་ཤིག་།ཀུན་ཆུབ་པར་གྱིས་ཤིག་།གཞན་དག་ལ་ཡང་རྒྱ་ཆེར་ཡང་དག་པར་སྟོན་ཅིག་།ཏདྱ་ཐཱ། ཙི་ལི་མི། ཙི་ལི་མི། པན་ན་ཀོ་ཀི་ལི། ཤྲཱི་མ་ཏི། ཀུཎྜ་ལི་དུནྡུ
180a4 བྷི། ཨིནྡྲ་ནི་མུ་ཁེ་སྭཱ་ཧཱ། འདི་དག་ནི་ཟས་མ་ཞུ་བ་དང་། སྦོས་པ་དང་། ཁྲག་དང་མཁྲིས་པ་འདྲེས་པ་དང་། གཞང་འབྲུམ་གྱིས་བཏབ་པ་དང་། གཞང་ནད་ཅན་དང་། ཟ་ཁུ་དང་། ལུད་པ་ཅན་དང་། རིམས་ནད་ཅན་དང་། ཀླད
180a5 པ་ན་བ་དང་། གཞོགས་ཕྱེད་ན་བ་དང་། ཀྱིས་ཟིན་པའི་གསང་སྔགས་ཀྱི་གཞི་ཡིན་ཏེ། ཀུན་དགའ་བོ་གང་གསང་སྔགས་གཞི་འདི་དག་ལས་འགལ་བར་བྱེད་པ་དེ་ནི་ངས་ལྷ་དང་བཅས་པའི་འཇིག་རྟེན་ན་མ་མཐོང་ངོ་། །ཚེ་ཟད
180a6 པ་ནི་མ་གཏོགས་སོ། །གསང་སྔགས་ཀྱི་གཞི་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་གསུངས་པ་སྟེ། འདི་ལ་སངས་རྒྱས་ནི་སེམས་ཅན་ཐམས་ཅད་ཀྱི་མཆོག་གོ། །འདོད་ཆགས་དང་བྲལ
180a7 བ་ནི་ཆོས་ཐམས་ཅད་ཀྱི་མཆོག་གོ། །དགེ་འདུན་ནི་ཚོགས་ཐམས་ཅད་ཀྱི་མཆོག་གོ། །བདེན་པའི་ཚིག་དང་། བདེན་པའི་ངག་འདིས་བདག་གིས་ཟོས་པ་དང་། འཐུངས་པ་དང་། འཆོས་པ་དང་། མྱངས་པ་རྣམས་ལེགས་པར་བདེ
iiif viewer powered by OpenSeadragon
