| e-texts navigator |
| Wylie |
93a1 བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་སྦྲུལ་གྱི་ལོའི་དགུན་ཟླར་བའི་ཚེས་ཉི་ཤུ་ལ་ཡུལ་ཕུག་རོན་ཅན་ན། གྲོང་ཁྱེར་སཉྩོ་ཞེས་བྱ་བའི་གཙུག་ལག་ཁང་ན་བཞུགས
93a2 ཏེ། དེའི་ཚེ་དགེ་སློང་ཚེ་བརྗོད་ཅེས་བྱ་བ་དོན་ཞིག་གི་ཕྱིར་གྲོང་ཁྱེར་གནས་སོང་ཞེས་བྱ་བར་སོང་སྟེ། དགེ་སློང་དེ་རྒྱ་ཡུལ་གྱི་གྲོང་ཁྱེར་ནས་དཔག་ཚད་བརྒྱའི་ལམ་དུ་ཕྱིན་པ་དང་། དགེ་སློང་དེས་པར་དེར་མི་ལུས་ཆེན་པོ་ཁྲུན་དུ་མཐོ་སུམ་ཅུ་ཡོད་པ། བཞིན་མཐོ་བཞི་པ
93a3 ཞིག་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་དགེ་སློང་ཚེ་བརྗོད་དེས་མི་དེ་ལྟ་བུ་དེ་ལ་འདི་སྙམ་དུ་བསམས་ཏེ། ཀྱེ་མ་མི་འདི་ནི་ལུས་ཆེ་སྟེ། འདི་ནི་འཇམ་དཔལ་གཞོན་ནུར་གྱུར་པ་ཡིན་དུ་ངེས་སོ་སྙམ་ནས། དེས་པུས་མོ་གཉི་གའི་ལྷ་ང་ས་ལ་བཙུགས་ཏེ། མི་ལུས
93a4 ཆེན་པོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། མི་ལུས་ཆེན་པོ་དེ་ལ་འདི་སྐད་ཅེས་སྨྲས་སོ། །ཇི་ཁྱོད་འཇམ་དཔལ་གཞོན་ནུར་གྱུར་པ་སྟེ། འདི་ན་གདའ་འམ། འཇམ་དཔལ་གྱིས་སྨྲས་པ། དགེ་སློང་དེ་དེ་བཞིན་ནོ། །དགེ་སློང་དེས་སྨྲས་པ། འཇམ
93a5 དཔལ་ཁྱོད་ཅིའི་སླད་དུ་འདི་ན་གདའ། འཇམ་དཔལ་གཞོན་ནུར་གྱུར་པས་སྨྲས་པ། དགེ་སློང་འཛམ་བུའི་གླིང་འདིར་སེམས་ཅན་རྣམས་ལ་ནད་རྣམ་པ་སྣ་ཚོགས་འབྱུང་སྟེ། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལྡིང་དང་། དྲི་ཟ་རྣམས་རིའི་རྒྱལ
93a6 པོ་རི་རབ་ཀྱི་ངོས་གཅིག་ལ་གནས་སོ། །དེས་ཉི་ཟླའི་འོད་ཀྱང་མི་མངོན། ཉི་མ་དང་། ཟླ་བ་དང་། གཟའ་དང་། རྒྱུ་སྐར་རྣམས་ཀྱང་ནམ་མཁའི་བར་སྐབས་ན་མི་སྣང་ངོ་། །དེའི་ཚེ་ལྷ་དང་། ལྷ་མ་ཡིན་ཀྱང་གཡུལ་འགྱེད་དེ། གཡུལ་བཀྱེ་བ་དང་ལྷ་རྣམས
93a7 ནི་ཕམ། ལྷ་མ་ཡིན་རྣམས་ནི་རྒྱལ་ཏེ། དེའི་ཚེ་འབྱུང་པོ་དང་། རྣམས་བུད་མེད་ཀྱི་གཟུགས་ཀྱིས་སེམས་ཅན་རྣམས་ལ་ནད་གཏོང་སྟེ། འདི་ལྟ་སྟེ། ལྐོག་མའི་ལྷ་གོར་ན་བ་དང་། འབྲུམ་ཕྲན་དང་། མེ་དཔལ་དང་། ལྟོ་ན་བ་དང་། རིམས
iiif viewer powered by OpenSeadragon
