| e-texts navigator |
| Wylie |
83b1 དང་། སྦྲང་བུ་ལྕགས་ཕྱེ་ཐམས་ཅད་ཀྱིས་མི་ཚུགས་སོ། །རིམས་རླུང་དང་། མཁྲིས་པ་དང་། བད་ཀན་དང་། འདུས་པ་དང་། དུས་ཚིགས་འགྱུར་བ་ལས་བྱུང་བ་ཐམས་ཅད་ཀྱིས་མི་ཚུགས་སོ། །ཞག་གཅིག་པའམ། ཞག་གཉིས་པའམ། ཞག
83b2 གསུམ་པའམ། ཞག་བཞི་པའམ། ཞག་བདུན་པའམ། ཟླ་བ་ཕྱེད་པའམ། ཟླ་བ་གཅིག་པའམ། ལོ་གཅིག་པའམ། ནད་རྒྱུན་། སྐད་ཅིག་པ་རྣམས་ཀྱིས་མི་ཚུགས་སོ། །འབྲས་སམ། ཕོལ་མིག་གམ། རྐང་ཤུའམ། ལྷོག་པའམ།
83b3 མེ་དཔལ་ལམ། ཤུ་བའམ། ཁྱི་རྔོའམ། གཡན་པའམ། མཛེ་ཐམས་ཅད་དམ། ལྷོག་པ་ཐམས་ཅད་དམ། གཤེད་བྱེད་ཐམས་ཅད་དམ། སྒྱུར་བའི་ལས་ཐམས་ཅད་དམ། བྱད་ཐམས་ཅད་དང་། རོ་ལངས་ཐམས་ཅད་ཀྱིས་ཀྱང་མི་ཚུགས་སོ། །ཀུན
83b4 དགའ་བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་དགུ་བཅུ་རྩ་དགུས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི
83b5 དག་ནི་རྒྱལ་པོའི་ཕོ་བྲང་ན་འདུག་ན་ཡང་ཡིད་ལ་བྱའོ། །ཆོམ་རྐུན་གྱི་ནང་ན་འདུག་ན་ཡང་ཡིད་ལ་བྱའོ། །སྲིན་པོའི་ནང་ན་འདུག་ན་ཡང་ཡིད་ལ་བྱའོ། །གཅན་གཟན་ཁྲོ་བོའི་ནང་ན་འདུག་ན་ཡང་ཡིད་ལ་བྱའོ། །འབྲོག་དགོན་པའི་ནང་ན་འདུག་ན་ཡང་ཡིད་ལ་བྱའོ། །
83b6 ཀླུང་དང་བགྲོད་དཀའ་བ་ན་འདུག་ན་ཡང་ཡིད་ལ་བྱའོ། །མེའི་ནང་ན་འདུག་ན་ཡང་ཡིད་ལ་བྱའོ། །ཆུའི་ནང་ན་འདུག་ན་ཡང་ཡིད་ལ་བྱའོ། །དེ་ཡིད་ལ་བྱས་པ་དེ་རྣམས་ལས་འཇིགས་པ་དེ་དག་ཐམས་ཅད་མི་འབྱུང་ངོ་། །དེས་དུག་ཟོས་པ་ཐམས་ཅད་ཀྱང་ཁ་ཟས་ཉིད
83b7 དུ་འགྱུར་རོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ནི་འབྱུང་པོ་ཐམས་ཅད་ཀྱིས་མི་ཚུགས་སོ། །ཐམས་ཅད་དང་། སྲུལ་པོ་ཐམས་ཅད་དང་། གཤེད་བྱེད་ཐམས་ཅད་དང་། སྒྱུར་བའི་ལས་ཐམས་ཅད་དང་། བྱད
iiif viewer powered by OpenSeadragon
