| e-texts navigator |
| Wylie |
83a1 བརྗིད་དང་ལྡན་པར་བྱ་བ་དང་། གྲགས་པ་དང་ལྡན་པར་བྱ་བ་དང་། ཡོན་ཏན་དང་ལྡན་པར་བྱ་བ་དང་། སྟོབས་དང་ལྡན་པར་བྱ་བ་དང་། མདོག་དང་ལྡན་པར་བྱ་བ་དང་། བསྲུང་བ་དང་། སྦ་བ་དང་། བསྐྱབ་པའི་ཕྱིར་གཟུངས་ཀྱི་གསང
83a2 སྔགས་གཞི་གཞན་དག་ཀྱང་བཤད་པར་བྱའོ། །འདི་ལྟ་སྟེ། ཨ་ཏྟེ། མཏྟེ། པ་ཀེ་།པཱ་ར་ཀེ་།པེ་ཀེ་ཌཱ། དྲ་མ་ཏི། ཏ་ར་མ་ཏི། ཊུ་ཌ་མ་ཊི། ཊུ་ཌ་མ་ཊི། ཊུ་ཌ་ཊུ་རེ། སུ་རེ། ཧི་ལེ། མུ་ལེ། ཏི་ལེ་སྭཱ་ཧཱ། དེ་ནས་བཅོམ་ལྡན
83a3 འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་གཟུངས་ཀྱི་གསང་སྔགས་གཞི་འདི་དག་ཟུང་ཤིག་།ལོང་ཤིག་།ཆོངས་ཤིག་།ལྷོགས་ཤིག་།ཀུན་ཆུབ་པར་གྱིས་ཤིག་།གཞན་དག་ལ་ཡང་རྒྱ་ཆེར་རབ་ཏུ་སྟོན
83a4 ཅིག་། ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་རིགས་ཀྱི་བུའམ།
83a5 རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་ཉི་ཤུ་རྩ་གཅིག་ཏུ་ཚེ་རབས་དྲན་པར
83a6 འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱི་གནོད་པ་ཐམས་ཅད་ལས་འདའ་བ་དང་། འགྲོ་བ་ཐམས་ཅད་དང་རྗེས་སུ་མཐུན་པར་འགྱུར་རོ། །གང་ལ་ལ་ཞིག་ལ་བསྲུང་བ་བྱས་ན་དེ་ལ་ཡང་འབྱུང་པོ་ཐམས་ཅད་ཀྱིས་མི་ཚུགས
83a7 སོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐམས་ཅད་ཀྱིས་མི་ཚུགས་སོ། །སྦྲུལ་དང་། སྲིན་བུ་དང་། སྲིན་བུ་ལུ་ཏ
iiif viewer powered by OpenSeadragon
