| e-texts navigator |
| Wylie |
82a1 གྱིས་ཤིག་། གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག་།ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ། །གཟུངས་ཀྱི་གསང་སྔགས་གཞི་འདི་དག་རྙེད་པར་དཀའོ། །ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག
82a2 འཛིན་པ་ཡང་ཤིན་ཏུ་རྙེད་པར་དཀའོ། །ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་གཟུངས་ཀྱི་གསང་སྔགས་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང
82a3 རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་གསུམ་དུ་ཚེ་རབས་དྲན་པར་འགྱུར་རོ། །ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པ་གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བ་དང་། འགྲོ་བ་ཐམས་ཅད་དང་རྗེས་སུ་མཐུན་པར་འགྱུར་རོ། །ཀུན་དགའ
82a4 བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་བརྒྱད་ཅུ་ར་གཉིས་ཀྱིས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་དགེ་སློང
82a5 རྣམས་ལ་བཀའ་སྩལ་པ། དགེ་སློང་དག་ངས་ཀྱང་སེམས་ཅན་རྣམས་ཀྱི་དོན་དང་། ཕན་པ་དང་། བདེ་བ་དང་། མདངས་དང་ལྡན་པར་བྱ་བ་དང་། གཟི་བརྗིད་དང་ལྡན་པར་བྱ་བ་དང་། གྲགས་པ་དང་ལྡན་པར་བྱ་བ་དང་། ཡོན་ཏན་དང་ལྡན་པར
82a6 བྱ་བ་དང་། སྟོབས་དང་ལྡན་པར་བྱ་བ་དང་། མདོག་དང་ལྡན་པར་བྱ་བ་དང་། བསྲུང་བ་དང་། སྦ་བ་དང་། བསྐྱབ་པའི་ཕྱིར་གཟུངས་ཀྱི་གསང་སྔགས་གཞི་རྣམས་བཤད་དོ། །འདི་ལྟ་སྟེ། ཨཊྚེ། བཊྚེ། ནཊྚེ། ཀུ་ན་ཊྚེ། ཊ་ཀེ། ཨེ་ཌ་ཀེ།
82a7 ཏ་ཏ་བེ། ཏུ་ཊ་བེ། ར་ཊ་ཀེ། ལོ་ལེ། ཧུ་ལེ། ཧི་ལེ། མི་ལེ། ཏི་ལེ། ཤཱི་ལེ། ཤཱི་ལ། ཨཌྷེ། བ་ཌྷེ། ན་ཌྷེ། ཀུ་ན་ཌྷེ། ཨ་ཌ་པ་ཏཱི། བ་ཎ་བ་ཏཱི། ཀ་སེ་ཀ་སེ་ཀ་སེ། ཕ་སེ་ཕ་སེ་ཕ་སེ། མ་ཧཱ་ཕ་སེ་ཕ་སེ་སྭཱ་ཧཱ། དེ་ནས་བཅོམ་ལྡན་འདས
iiif viewer powered by OpenSeadragon
