| e-texts navigator |
| Wylie |
176a1 བྱེད། །བདག་གིས་ཆུ་དང་མེ་དང་གློག་གི་ལྷ། །གྲུལ་བུམ་བདག་པོ་དང་ནི་ཤ་ཟ་དག་།བཏང་ནས་རྟག་ཏུ་གཟུངས་འཛིན་སྲུང་བར་བྱེད། །དགེ་བའི་ལྷ་དེ་དག་དང་ཀླུའི་རྒྱལ་པོ་དང་མ་མོ་ལ་སོགས་པ་དེ་དག་ཀྱང་སོ་སོ་ནས་འཁོར་ལྔ་བརྒྱ་དང་བཅས་པ་དང་།
176a2 མཐུ་ཆེན་པོ་དང་ལྡན་པའི་གནོད་སྦྱིན་དག་གིས་ཀྱང་རྟག་པར་ཐུགས་རྗེ་ཆེན་པོའི་རིག་སྔགས་འདོན་ཅིང་ཡོངས་སུ་འཛིན་པ་དེ་ལ་ཡོངས་སུ་སྲུང་ཞིང་སྐྱོབ་པར་བྱེད་པས། གང་ཟག་དེ་རི་དང་དགོན་པ་ན་གཅིག་པུ་ཉལ་བར་གྱུར་ན་ཡང་དགེ་བའི་ལྷ་དེ་དག་རེས་ཀྱིས་མཚན་མོས
176a3 དེ་ལ་བསྲུངས་ནས་བགེགས་དང་བར་ཆད་ཡོངས་སུ་སེལ་བར་བྱེད་དོ། །གལ་ཏེ་གཅོང་རོང་དག་ཏུ་གནས་ཏེ་ལམ་སྟོར་བར་གྱུར་པ་ལས་རིག་སྔགས་འདི་བཟླས་པར་གྱུར་ན་དེའི་དབང་གིས་དགེ་བའི་ལྷ་དང་། ཀླུའི་རྒྱལ་པོ་དག་དགེ་བའི་མིའི་གཟུགས་སུ་མངོན
176a4 པར་སྤྲུལ་ནས་ལམ་ཡང་དག་པ་ཉིད་སྟོན་པར་འགྱུར་རོ། །གལ་ཏེ་རི་དང་ནགས་ཚལ་དང་དགོན་པ་དག་ཏུ་གནས་པ་ལས་ཆུ་དང་མེ་དག་གིས་ཕོངས་པར་གྱུར་ན་ཡང་ཀླུའི་རྒྱལ་པོ་དག་གིས་ཡོངས་སུ་བསྲུང་བའི་ཕྱིར་ཆུ་དང་མེ་དག་མངོན་པར་སྤྲུལ་བར་འགྱུར་རོ། །བྱང་ཆུབ
176a5 སེམས་དཔའ་སྤྱན་རས་གཟིགས་དབང་ཕྱུག་གིས་གཞན་ཡང་གཟུངས་འདི་འདོན་ཅིང་ཡོངས་སུ་འཛིན་པ་དག་གི་ཆེད་དུ་གནོད་པ་དང་། བགེགས་ཡོངས་སུ་བསལ་བའི་ཕྱིར་ཤིན་ཏུ་བསིལ་བའི་ཚིགས་སུ་བཅད་པ་འདི་དག་སྨྲས་སོ། །གང་ཞིག་རི་དང་འབྲོག
176a6 དགོན་སོང་བ་ལས། །སྟག་དང་སྤྱང་ཀི་གཅན་གཟན་གཏུམ་པོ་དང་། །རྩངས་པ་སྦྲུལ་དང་འདྲེ་སྲིན་ཕྲད་གྱུར་ཀྱང་། །གཟུངས་འདི་འདོན་པ་ཐོས་ན་གནོད་མི་ནུས། །གང་ཞིག་ཆུ་བོ་རྒྱ་མཚོར་ཞུགས་པ་ལས། །གདུག་པའི་ཀླུ་དང་ཆུ་སྲིན་མ་རུངས་དང་། །གནོད
176a7 སྦྱིན་སྲིན་པོ་ཉ་དང་རུས་སྦལ་དང་། །གཟུངས་འདི་ཐོས་ན་སོ་སོར་འབྱེར་བར་འགྱུར། །གང་ཞིག་གཡུལ་སྤྲོད་དགྲ་ཡིས་བསྐོར་བའམ། །ཆོམ་རྐུན་མ་རུངས་ནོར་ནི་འཕྲོག་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དེ་དག་བརྩེ་སེམས་བསྐྱེད་ནས་ལྡོག
iiif viewer powered by OpenSeadragon
