| e-texts navigator |
| Wylie |
175a1 རྩེ་གཅིག་ཏུ་གཏད་དེ། དམིགས་པ་ཐ་དད་པ་གཞན་ལ་མི་དམིགས་པར་ཆོས་བཞིན་དུ་འདོན་ཅིང་ཡོངས་སུ་འཛིན་པར་བྱེད་ན། དེའི་ཚེ་བྱང་ཆུབ་སེམས་དཔའ་ཉི་འོད་དང་། བྱང་ཆུབ་སེམས་དཔའ་ཟླ་འོད་ལྷ་དང་། དྲང་སྲོང་ཚད
175a2 མེད་པ་སྙེད་དང་དེར་ལྷགས་ནས་དབང་བྱེད་ཅིང་མངོན་རྟགས་ཀྱང་སྟོན་པར་གྱུར་ལ། བདག་ཀྱང་དེའི་ཚེ་མིག་སྟོང་གིས་དེ་ལ་ལྟ་བར་བྱེད། ལག་པ་སྟོང་གིས་ནི་དེ་ལ་ཡོངས་སུ་སྲུང་ཞིང་བྱིན་གྱིས་རློབ་པར་བྱེད་པས་འཇིག་རྟེན་པའི་གཙུག་ལག་ཇི་སྙེད་པ་དེ་དག་ཀྱང
175a3 ཡོངས་སུ་འཛིན་པར་འགྱུར། མུ་སྟེགས་ཅན་གྱི་ཆོས་ཀྱི་ཆོ་ག་དང་། སྨྲང་ཇི་སྙེད་པ་ཐམས་ཅད་ཀྱང་རྟོགས་ཤིང་ཁོང་དུ་ཆུད་པར་འགྱུར་རོ། །རིག་སྔགས་འདི་འདོན་ཅིང་ཡོངས་སུ་འཛིན་པར་བྱེད་པ་གང་ཡིན་པ་དེས་ནི་འཇིག་རྟེན་ན་གདོན་དང་ནད་རྣམ་པ
175a4 བརྒྱད་ཁྲི་བཞི་སྟོང་ཡོད་པ་དག་གསོས་ནས་འཚོ་བར་བྱེད་དོ། །འདྲེ་སྲིན་ཐམས་ཅད་ལ་དབང་བྱེད་ཅིང་ལྷའི་བུའི་བདུད་རྣམས་ཀྱང་འདུལ་བར་བྱེད། མུ་སྟེགས་ཅན་རྣམས་ཀྱང་ཚར་གཅོད་པར་བྱེད་དོ། །གལ་ཏེ་རིའམ་དགོན་པ་ན་གནས་ཏེ་མདོ་སྡེ་ཁ་ཏོན་དུ་འདོན
175a5 པ་དང་བསམ་གཏན་སྒོམ་པ་ན་རིའི་ལྷ་དང་། འདྲེ་སྲིན་གནོད་པ་བྱེད་པ་དག་ནན་གྱིས་ཀྱལ་ཀ་བྱས་ནས་སེམས་མཉམ་པར་གཞག་ཏུ་མི་རུང་བར་གྱུར་ན། རིག་སྔགས་འདི་ལན་ཅིག་བཟླས་པ་བྱས་ན་འདྲེ་སྲིན་དེ་དག་ཐམས་ཅད་འཆི་བར་འགྱུར་རོ། །གལ་ཏེ་ཆོས་བཞིན
175a6 དུ་བཟླས་བརྗོད་བྱས་ཏེ། སེམས་ཅན་རྣམས་ལ་སྙིང་བརྩེ་བའི་སེམས་བསྐྱེད་པར་གྱུར་ན། བདག་ཀྱང་དེའི་ཚེ་དགེ་བའི་ལྷ་དང་། ཀླུའི་རྒྱལ་པོ་ཐམས་ཅད་དང་། ལག་ན་རྡོ་རྗེ་གསང་བ་པ་རྣམས་ལ་རྟག་པར་དེའི་རྗེས་སུ་འབྲང་ཞིང་ཡོངས་སུ་སྲུང་བགྱིས་ཤིག་།དེའི
175a7 ཉེ་འཁོར་ན་གནས་ནས་མིག་གི་འབྲས་བུ་བཞིན་དུ་ཡོངས་སུ་སྲུངས་ཤིག་། རང་གི་སྲོག་གི་དབང་པོ་བཞིན་དུ་ཡོངས་སུ་སྐྱོབས་ཤིག་ཅེས་བསྒོ་བར་འགྱུར་རོ། །གང་དག་ལ་བསྒོ་བར་བྱེད་པ་བསྟན་པའི་ཕྱིར་ཚིགས་སུ་བཅད་དེ་སྨྲས་པ། བདག་གིས་གསང་བའི་བདག
iiif viewer powered by OpenSeadragon
