| e-texts navigator |
| Wylie |
174a1 མ་ཧཱ་ལོ་ཀེ་ཤྭ་རཱ་ཡ་སྭཱ་ཧཱ། སརྦ་སིདྡྷི་ཤྭ་རཱ་ཡ་སྭཱ་ཧཱ། རཀྵ་རཀྵ་མཱཾ་སྭཱ་ཧཱ། ཀུ་རུ་རཀྵ་མུ་དྲཱ་ཎཱཾ་སྭཱ་ཧཱ། ན་མོ་བྷ་ག་བ་ཏེ་ཨཱརྱཱ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། སིདྡྷྱ་ནྟུ་མེ་མནྟྲ་པཱ་དཱ་ནི་སྭཱ་ཧཱ། བྱང
174a2 ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་རིག་སྔགས་འདི་སྨྲས་མ་ཐག་ཏུ་ས་ཆེན་པོ་ཡང་རྣམ་པ་དྲུག་ཏུ་རབ་ཏུ་གཡོས་པར་གྱུར། ལྷ་རྣམས་ཀྱིས་ཀྱང་རིན་པོ་ཆེའི་མེ་ཏོག་གི་ཆར་མངོན་པར་ཕབ་པར་གྱུར། ཕྱོགས
174a3 བཅུའི་སངས་རྒྱས་རྣམས་ཀྱིས་ཀྱང་རྗེས་སུ་ཐུགས་དགྱེས་པར་གྱུར། ལྷའི་བུའི་བདུད་དང་མུ་སྟེགས་ཅན་རྣམས་ནི་འཇིགས་ཤིང་དངངས་ནས་སྤུ་ཟིང་ཞེས་བྱེད་པར་གྱུར། འཁོར་འདུས་པ་མང་པོ་ཐམས་ཅད་ལས་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་ཐོབ་པར
174a4 གྱུར། ཁ་ཅིག་གིས་ནི་ལན་ཅིག་ཕྱིར་འོང་བའི་འབྲས་བུ་ཐོབ་པར་གྱུར། ཁ་ཅིག་གིས་ནི་ཕྱིར་མི་འོང་བའི་འབྲས་བུ་ཐོབ་པར་གྱུར། ཁ་ཅིག་གིས་ནི་དགྲ་བཅོམ་པའི་འབྲས་བུ་ཐོབ་པར་གྱུར། ཁ་ཅིག་གིས་ནི་ས་དང་པོ་དང་ས་གཉིས་པ་དང་ས་གསུམ་པ
174a5 དང་ས་བཞི་པ་དང་ས་ལྔ་པ་ཐོབ་པ་ནས་ས་བཅུའི་བར་དུ་ཐོབ་པར་གྱུར། སེམས་ཅན་ཚད་མེད་པ་སྙེད་ནི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དེ་ནས་ཚངས་པ་ཆེན་པོ་སྟན་ལས་ལངས་ཏེ། གོས་ཚགས་བཅོས་ནས་གུས་པར་ཐལ་མོ་སྦྱར་ཏེ། བྱང་ཆུབ
174a6 སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་ཆེན་པོ་ལེགས་སོ། །བདག་གིས་སྔོན་འདས་པའི་དུས་ན་དེ་བཞིན་གཤེགས་པའི་འདུས་པ་ཚད་མེད་པ་སྙེད་དག་ཏུ་ཆོས་རྣམ་པ་སྣ་ཚོགས་དང་། གཟུངས་རྣམ་པ་སྣ
174a7 ཚོགས་ཐོས་པར་གྱུར་མོད་ཀྱི། སྔོན་ཆད་ནམ་ཡང་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་ཀྱི་གཟུངས་ཆེན་མོའི་རིག་སྔགས་ཀྱི་ཚིག་གྱ་ནོམ་པ་འདི་ལྟ་བུ་ཐོས་པར་མ་གྱུར་ན། སྐྱེས་བུ་ཆེན་པོ་ཁྱོད་ཀྱིས་བདག་ལ་གཟུངས་འདིའི་དབྱིངས་ཀྱི་མཚན་ཉིད་རྒྱ་ཆེར
iiif viewer powered by OpenSeadragon
