| e-texts navigator |
| Wylie |
168a1 པར་འགྱུར་རོ། །འབུམ་ཕྲག་གསུམ་བཟླས་ན་འཇམ་དཔལ་གྱི་ཞལ་མཐོང་བར་འགྱུར་རོ། །གལ་ཏེ་མཚམས་མེད་པ་ལྔ་བྱས་པས་གྲུབ་པར་མ་གྱུར་ན་དེའི་ཚེ་ང་ཉིད་མཚམས་མེད་པ་ལྔ་བྱེད་པ་ཡིན་ཞིང་། ང་ཉིད་ཀྱིས་སངས་རྒྱས་བཅོམ
168a2 ལྡན་འདས་རྣམས་བསླུས་པར་གྱུར་ཅིག་། རྗེ་བཙུན་འཕགས་པ་འཇམ་དཔལ་གྱི་ཤེས་རབ་དང་བློ་འཕེལ་བ་ཞེས་བྱ་བའི་གཟུངས་རྫོགས་སོ།། @##། །འཕགས་པ་འཇམ་དཔལ་གྱི་སྔགས་ཡི་གེ་འབྲུ་གཅིག་པའི་ཆོ་ག་།ཏདྱ་ཐཱ། ཨོཾཀྵྞཱི།
168a3 གསང་སྔགས་ཡི་གེ་འབྲུ་གཅིག་པ་འདི་རབ་ཏུ་གསང་བ་སྟེ། དོན་ཐམས་ཅད་སྒྲུབ་པར་བྱེད་པ། ལས་ཐམས་ཅད་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ། རེ་བ་ཐམས་ཅད་ཡོངས་སུ་སྐོང་བར་མཛད་པ་སྟེ། སོ་ཤིང་ལ་བསྔགས་ནས་བཅངས་ན
168a4 སོ་ན་བ་འབྱང་ངོ་། །མིག་ན་བ་ལ་རྒྱམ་ཚ་བཏགས་པ་ལ་ལན་བདུན་བསྔགས་ཏེ་མིག་བཀང་ན་མིག་ནད་སེལ་ཏོ། །མིའི་ཁོང་དུ་མཚོན་གྱི་དུམ་བུ་ལུས་བ་ལ་ཞུན་མར་རྙིང་པ་ལ་ལན་བདུན་ནམ། བརྒྱ་རྩ་བརྒྱད་བསྔགས་ཏེ་བླུད་པའམ། རྨ་ཁར་བསྐུས་ན་མཚོན་གྱི་དུམ
168a5 བུ་འབྱུང་བར་འགྱུར་རོ། །ཟས་མ་ཞུ་བ་དང་། ལྦོས་ཏེ་གསུད་པ་དང་། ཚད་པས་འཁྲུ་བ་ལ་མུ་རང་ཚྭའམ། རྒྱམ་ཚའམ། ཡང་ན་ལན་ཚྭ་གཞན་གང་ཡང་རུང་བ་ལ་ལན་བདུན་བསྔགས་ཏེ་ཟོས་ན་ནད་དེ་ལས་གྲོལ་ཏེ་དེ་ཉིད་ཀྱི་ཉིན་པར་སོས་པར་འགྱུར་རོ། །ཀླད་པ་ན
168a6 བ་ལ་བྱ་རོག་གི་སྒྲོ་ལ་ལན་བདུན་བསྔགས་ཏེ་བྱ་བས་ན་ནད་དེ་སོས་པར་འགྱུར་རོ། །འཇམ་དཔལ་གྱི་ཡི་གེ་འབྲུ་གཅིག་པའི་གཟུངས་རྫོགས་སོ།། @##། །འཕགས་པ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཕྱག་སྟོང་སྤྱན་སྟོང་དང་ལྡན
168a7 པ་ཐོགས་པ་མི་མངའ་བའི་ཐུགས་རྗེ་ཆེན་པོའི་སེམས་རྒྱ་ཆེར་ཡོངས་སུ་རྫོགས་པ་ཞེས་བྱ་བའི་གཟུངས། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས
iiif viewer powered by OpenSeadragon
