| e-texts navigator |
| Wylie |
77b1 གཞན་ལས་ཁྱད་པར་དུ་གྱུར་པ་མཚན་དང་དཔེ་བྱད་ཕུན་སུམ་ཚོགས་པས་སྤྲས་པ། བཀོད་པ་རྒྱན་གྱི་དཀྱིལ་འཁོར་ལྷུན་པོ་བརྩེགས་ཤིང་ཡོན་ཏན་རིན་པོ་ཆེའི་འབྱུང་གནས་སྣ་ཚོགས་རྣམ་པར་སྣང་བའི་ངོ་བོ། །ཟབ་པ་དང་རྒྱ་ཆེ་བའི་ཡན་ལག་ཐམས་ཅད
77b2 གསལ་བར་བྱེད་ཅིང་ཡེ་ཤེས་ཀྱི་ཚོགས་ཀྱིས་ཆོས་མ་ལུས་པ་མཐར་ཕྱིན་པ། ཀུན་དུ་ཕྲིན་ལས་རྒྱ་ཆེར་འཕྲུལ་པའི་བདག་ཉིད། དཔལ་བདེ་བྱེད་པདྨ་གར་གྱི་དབང་ཕྱུག་ཆགས་པ་ཆེན་པོའི་ཏིང་ངེ་འཛིན་བརྙེས་པ་མེད་པའི་ཆོས་ཉིད་ཀྱིས་ཐམས་ཅད་ལ་དབང
77b3 བསྐུར་བ་དེ་ཉིད་ལྷ་ཐམས་ཅད་འདུ་བའི་གནས་གཞལ་ཡས་ཁང་བར་དུ་གྱུར་བ། འོག་མིན་རྡོ་རྗེ་ལྷུན་པོའི་གནས་ཡེ་ཤེས་ཀྱི་སྣང་བ་རིན་པོ་ཆེ་སྣ་ཚོགས་ནི་འོད་འབར་བའི་ཁང་། འདོད་པའི་ཡོན་ཏན་གཟུགས་སྡུག་པ་སྣ་ཚོགས་དང་། དྲི་ཞིམ་པ་སྣ
77b4 ཚོགས་དང་། རོ་བྲོ་བ་སྣ་ཚོགས་དང་། རེག་བྱ་འཇམ་པ་སྣ་ཚོགས་དང་། ཆོས་ཀྱི་བདེ་བ་བསྐྱེད་པ་སྣ་ཚོགས་ཕྱོགས་བཅུར་འཕྲོ་ཞིང་འཁྲིགས་པ་རྩེ་མོ་མཐོ་ཞིང་ཁྱམས་ཀྱི་རྣམ་པར་ཕྱེ་བར་སྒོ་བཞི་སྒོ་ཁང་དང་བཅས་པར་བཞུགས་སོ། །དེའི་ཚེ་བདེ་བར་གཤེགས
77b5 པའི་རོལ་པ་ཆེན་པོ་ཀུན་དུ་སྣང་བ་དང་། འོད་ཀྱི་དཔལ་དང་། དགའ་བའི་དབང་ཕྱུག་དང་། ཆོ་འཕྲུལ་བཀོད་པ་དང་། རྣམ་པར་གཟིགས་དང་། མི་བསྐྱོད་རྡོ་རྗེ་དང་། མངོན་པར་སྣང་བ་དང་། བརྟན་པའི་དབང་ཕྱུག་དང་། འབྲུག་སྒྲ་དང་། དྲི་མ་མེད་པ་དང་།
77b6 རིན་ཆེན་ཕུང་པོ་དང་། ནམ་མཁའི་མཛོད་དང་། རིན་ཆེན་དྲ་བ་དང་། དཀོན་མཆོག་མཚན་དང་། རིན་ཆེན་ཏོག་དང་། འོད་ཟེར་སྣང་བ་དང་། ཚེ་མཐའ་ཡས་དང་། ཆོས་ཀྱི་དབང་ཕྱུག་དང་། ཆགས་པ་མེད་པའི་འོད་དང་། དགའ་བའི་སྤྱན་དང་། དོན
77b7 ཐམས་ཅད་ཡོད་པ་དང་། བརྩོན་འགྲུས་ཤུགས་ཅན་དང་། ལས་ཆེན་འཕྲུལ་ལས་དང་། གནོད་སྦྱིན་འདུལ་བ་དང་། སྣ་ཚོགས་དབང་ཕྱུག་གོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བདེ་བའི་བློ་གྲོས་དང་། རྒྱ་མཚོའི་སྒྲ་དབྱངས་དང་།
iiif viewer powered by OpenSeadragon
