| e-texts navigator |
| Wylie |
77a1 བསྟོད་དོ། །འཕགས་པ་ཁྲོ་བོ་འཇམ་དཔལ་གཤིན་རྗེ་གཤེད། །ཆོས་སྐུ་བྱང་ཆུབ་སེམས་ཀྱི་རང་བཞིན་ལས། །ཚད་མེད་བཞི་ཡི་ངང་ཉིད་རྣམ་དག་པས། །བདག་ཉིད་ཁྲོ་བོ་འབར་བའི་སྐུ་སྟོན་ཅིང་། །ཚངས་པ་བརྒྱ་བྱིན་ལྷ་ཆེན་དྲག་པོ་རྣམས། །
77a2 གཉིས་མེད་བྱང་ཆུབ་སེམས་ཀྱིས་སྒྲོལ་བར་མཛད། །མ་ཧེའི་སྟེང་ན་ཞབས་ནི་བརྐྱང་བསྐུམ་གནས། །ལས་ཀྱི་དབྱུག་པ་དག་གིས་རྡུལ་དུ་རློག་།ཀླུ་ཡི་རྒྱལ་པོས་སྐུ་ལ་བརྒྱན་པ་ནི། །སྙན་ཆ་མགུར་དང་དབུ་དང་ཕྱག་ཞབས་རྣམས། །ཡན་ལག་ལྔ་ལ་ངེས་པར
77a3 དཀྲིས་ཏེ་གནས། །དབུ་སྐྲ་ཁམ་ནག་རལ་པ་གྱེན་དུ་འབར། །སྤྱན་གསུམ་གཉིས་མེད་རྣམ་ཐར་དོན་ལ་གཟིགས། །མགོ་བཅད་ཕྲེང་བས་དབུ་ཡི་རྒྱན་དུ་བྱས། །ལྗགས་དང་མཆེ་བ་གློག་ལྟར་འདྲིལ་ཞིང་འབར། །འཇིགས་བྱེད་དྲག་པོའི་ཞལ་སྤྱན
77a4 རབ་ཏུ་བགྲད། །མི་ལྤགས་རློན་པ་དག་གིས་སྟོད་གཡོགས་ཤིང་། །སྟག་ལྤགས་རློན་པས་སྐུ་ཡི་རྒྱན་དུ་བྱས། །དེ་འདྲའི་སྐུ་མདོག་འབར་བའི་ཆ་ལུགས་འཆང་། །ངོ་མཚར་རྨད་བྱུང་ཆེ་ལ་ཕྱག་འཚལ་ལོ། །ཞེས་བསྟོད་ནས་གཉིས་སུ་མེད་པར་གྱུར
77a5 ཏོ། །འཕགས་པ་ལས་བཞི་འཁོར་ལོ་གསང་བའི་རྒྱུད་ལས་ལེའུ་བཅུ་བཞི་པའོ།། །།འཕགས་པ་ལས་བཞི་འཁོར་ལོ་གསང་བའི་རྒྱུད་ལས། རྒྱུད་ཕྱི་མ་རིམ་པར་བཀོད་པ་རྫོགས་།། །།
77a6 @##། །རྒྱ་གར་སྐད་དུ། སརྦ་ཏ་ཐཱ་ག་ཏ་བུད་ཏྲོ་པཱུ་ན་གུ་ཧྱ་བ་ནོ་ཤི་ཨ་ཤྭད་ད། མ་བིན་ས་མ་ཧཱ་ཏནྟྲ་ནཱ་མ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པ་གསང་བ་རྟ་མཆོག་རོལ་པའི་རྒྱུད་ཆེན་པོ་ཞེས་བྱ་བ། དཔལ
77a7 རྡོ་རྗེ་སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྡོ་རྗེ་བདེ་བ་ཆེན་པོ་ཕྱོགས་བཅུ་དང་དུས་གསུམ་གྱི་སངས་རྒྱས་མ་ལུས་པའི་འབྱུང་གནས། སྐུ་གསུང་ཐུགས་ཡོན་ཏན་ཕྲིན་ལས་རྡོ་རྗེ་གསང་བ
iiif viewer powered by OpenSeadragon
