| e-texts navigator |
| Wylie |
74b1 བ་མ་ལུས་དང་། །བདག་ཉིད་ལྷ་ཡི་སྐུར་བསྒོམས་པས། །འདུ་བར་འགྱུར་བ་གདོན་མི་ཟ། །དེ་ལ་དྲག་པོའི་ཕྲིན་ལས་ཀྱང་། །གཤིན་རྗེ་གཤེད་དང་གཤེད་བདག་མོ། །ཡབ་ཡུམ་ཁྱད་པར་སྤྲིན་ལྟ་བུ། །ནམ་མཁའ་ཁེབས་པ་བྱེད་པ་ལྟར། །གཉིས་མེད་བྱང་ཆུབ
74b2 ཁྱད་པར་ལས། །འཕྲོ་འདུ་འོད་ཟེར་སྤྲིན་ལྟ་བུ། །ནམ་མཁའ་གང་བར་ཁྱབ་པ་ལ། །ཁྲོ་བོའི་སྤྲུལ་པས་ཁེབས་གྱུར་ཏེ། །འཇིག་རྟེན་རྡུལ་དུ་བཤིག་ནས་ནི། །གདུག་པ་མ་ལུས་ཀུན་བཏུལ་ཏེ། །སླར་བསྡུས་ཡབ་ཡུམ་སྐུ་ལ་བསྡུ། །དེ་ལྟར་ནས་དང་ཡུངས་འབྲུ
74b3 ཙམ། །མ་ལུས་ཀུན་དུ་འགེངས་བྱེད་ཅིང་། །དམིགས་པ་གང་ན་གནས་པ་དག་།བཙལ་ཏེ་སླར་ཡང་འགུགས་ལ་སོགས། །འདི་དང་འདི་ཞེས་བྱ་མེད་པར། །འཁོར་བ་ཚང་ནས་སྤྲུགས་བསམས་ཏེ། །དྲག་པོའི་ཕྲིན་ལས་གྲུབ་པར་བསམ། །འཁོར་ལོ་ཞེས
74b4 སུ་བསྟན་པ་ཡང་། །མི་འཁོར་འཁོར་ཕྱིར་རྩེ་མོ་འཕྲོ། །ལྟེ་བ་འཁོར་ལ་རྩེ་མོས་གཅོད། །དེ་ཕྱིར་འཁོར་ལོ་ཞེས་སུ་གྲགས། །གསང་བ་ཞེས་སུ་གྲགས་པ་ཡང་། །ཀུན་ལ་མི་བསྟན་རྩ་བ་སྟེ། །ཐུན་མོང་ཀུན་གྱི་མ་ཡིན་པས། །དེ་ཕྱིར་གསང་བ
74b5 ཞེས་བྱའོ། །དེ་ལ་རྒྱུད་ཅེས་བྱ་བ་ཡང་། །ཚང་ཞིང་འབྲེལ་བས་བཏགས་པ་དང་། །བྲེང་ཆགས་དགོས་པ་སྒྲུབ་པ་ཡི། །དེ་ཕྱིར་རྒྱུད་ཅེས་བྱ་བར་བཤད། །དེ་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཉི་མ་བཞི་ལ་ལས་བཞི་ཞིག་།གསུངས
74b6 ཤིང་ངེས་པར་བསྟན་པ་སྟེ། །དངོས་པོ་ཅི་ལ་བསྒོམ་པར་བགྱི། །ཞི་བ་ལ་ནི་ཇི་ལྟར་བགྱི། །སྔགས་རྣམས་ཇི་ལྟར་བཟླས་པར་བགྱི། །ཕྲིན་ལས་ངེས་པར་བསྟན་པ་སྟེ། །རྒྱས་པ་དག་ལ་ཇི་ལྟར་བསྟན། །སྔགས་རྣམས་བརྗོད་པ་ཇི་ལྟ་བུ། །དབང་ལ་ཇི་ལྟར
74b7 བསྒོམ་པར་བགྱི། །སྔགས་རྣམས་བརྗོད་པ་ཇི་ལྟ་བུ། །དྲག་པོའི་ལས་སུ་བསྟན་པ་ལ། །ལྷ་ནི་ཇི་ལྟར་བསྒོམ་པར་བགྱི། །བཟླས་པའི་སྔགས་རྣམས་ཇི་ལྟར་ལགས། །ཕྲིན་ལས་རྣམ་བཞིར་བསྟན་པ་དེས། །ལས་ནི་ཇི་ལྟ་བུ་ཞིག་འགྲུབ། །གཞི་འམ
iiif viewer powered by OpenSeadragon
