| e-texts navigator |
| Wylie |
67a1 ལྷ་ཡི་སྐུར། །རབ་ཏུ་བརྟགས་ཏེ་གོམས་པ་དང་། །རང་བཞིན་གནས་ནས་གཤེགས་པ་དང་། །ཏིང་ངེ་འཛིན་དུ་བསྒོམས་པ་དང་། །གཟུགས་བརྙན་ནང་དུ་བཀོད་པ་གསུམ། །ཚད་པས་གདུངས་པའི་བྱེ་མ་ལ། །མར་ཞུ་དེ་བཞིན་ཐིམ་པ་བཞིན། །གཉིས་སུ་མེད་པར
67a2 ཤེས་བྱ་ལ། །གོང་དུ་བསྟན་པའི་ལྷ་རྣམས་ནི། །རྣམ་ཤེས་བཞི་དང་དབང་པོ་བཞི། །དེ་ལས་གྱུར་པའི་ཡུལ་རྣམས་ནི། །བརྒྱད་པོ་ངང་དུ་ཤེས་པར་བྱ། །སྒོ་མ་ལུས་ལ་གྲགས་པའོ། །ཐབས་དང་ཤེས་རབ་འབྲེལ་པའི་ཕྱིར། །སྟེང་འོག་ཁྲོ་བོ་དེ་ལས་གྱུར། །དེ་དག་ཀུན་གྱི
67a3 སྐུ་གསུང་ཐུགས། །མ་མོ་གསུམ་གྱིས་ང་ཉིད་དེ། །ཡབ་ནི་ཀུན་ལ་ཁྱབ་པ་ལ། །ཡུམ་ནི་ཀུན་ལ་སྡུད་པ་སྟེ། །བྱ་བ་བྱེད་པ་བདག་ཉིད་དོ། །ཕུང་པོ་ཀུན་ལ་ཁྱབ་པ་ལ། །མཉེས་པས་ཕུལ་ཕྱིན་ལྷ་ཡི་ཚོགས། །འགྲོ་དྲུག་ཀུན་ལ་མ་ལུས་སྣང་། །དེ་ལྟར་ལས་རྣམས་ཟིན
67a4 པ་དང་། །ཞག་གྲངས་དུ་བྱ་དམ་ཡང་བཅའ། །དངོས་གྲུབ་ཐོབ་པར་འདོད་པ་ཡི། །རྣལ་འབྱོར་ཆེན་པོས་ཏིང་འཛིན་གསལ། །དེ་ལྟར་བྱས་ནས་མི་ལ་སོགས། །ཐམས་ཅད་དབང་དུ་འདུ་བར་གསུངས། །དགྲ་བགེགས་ལ་ལྟ་སྨོས་ཅི་དགོས། །དྲག་པོའི་ཕྲིན་ལས
67a5 གྲུབ་འདོད་པས། །དགྲ་བོའི་མིང་བྱང་བྲིས་བྱས་ལ། །བམ་གྱི་ཁ་ཡི་ནང་དུ་གཞུག་།རྡོ་རྗེ་རྒྱ་གྲམ་རྒྱ་ཡིས་གདབ། །ཧེ་རུ་ཀ་ཡི་ཕྱག་རྒྱས་མནན། །ཡུངས་ཀར་རྒྱལ་པོས་དྲག་ཏུ་བརྡེག་།རྒྱ་ཤུག་བཀུས་པས་དྲག་ཏུ་བླུགས། །ཉི་མ་བཞི་ལ་དྲག་ཏུ་བརྡེག་།སྔགས་དང
67a6 ཕྱག་རྒྱ་རྒྱུན་མི་བཅད། །དམ་རྫས་མཆོད་པ་ཤིན་ཏུ་དགྲམ། །རྣལ་འབྱོར་ཏིང་འཛིན་དྲག་ཏུ་བྱ། །ཡེངས་ན་བར་ཆད་འབྱུང་བར་འགྱུར། །གཡེང་བར་མི་མཛད་ཁྲོ་བོས་གསུངས། །དེས་ནི་ལས་ཀྱི་འབྲས་བུ་ཡང་། །ཤིན་ཏུ་ཟད་པ་མེད་པ་སྟེ། །མཁའ
67a7 ལ་འཕུར་དང་ས་ལ་འཛུལ། །ཆུ་ལ་བྱིང་མེད་མངོན་ཤེས་ལྡན། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་ལས་བཞི་འཁོར་ལོ་གསང་བའི་རྒྱུད་ལས་རོ་ལངས་ཀྱི་སྒྲུབ་པ་ལ། ངན་སྔགས་ཀྱི་ཕུར་བུས་གདབ་པའི་ལེའུ་སྟེ་བདུན་པའོ།། །།དེ་ནས
iiif viewer powered by OpenSeadragon
