| e-texts navigator |
| Wylie |
60b1 དབྱིངས་ཀྱི་རང་ཉིད་རྣམ་པར་དག་པ་ལ། །གཉིས་མེད་འདུས་པའི་སྲས་མཆོག་གཤིན་རྗེ་གཤེད། །ཐབས་དང་ཤེས་རབ་རྣམ་པར་དག་པ་ཡི། །ཀུན་གྱི་ཡེ་ཤེས་ཐམས་ཅད་འདུས་པ་སྟེ། །ཐུགས་རྗེ་ཆེན་པོས་འགྲོ་བའི་དོན་མཛད་པ། །སེམས་ཅན
60b2 མ་ལུས་མྱ་ངན་འདས་པའི་ལམ། །ཡེ་ཤེས་ཐམས་ཅད་དེ་ཡི་ངང་ལ་རྫོགས། །འཁོར་བའི་ཉེས་སྐྱོན་ཐམས་ཅད་ཚར་གཅད་ཕྱིར། །འདོད་ཆགས་འདུས་པའི་དཔལ་ལྡན་གར་གྱི་བདག་།བྱེ་བ་ཕྲག་བརྒྱ་དཔག་ཏུ་མེད་པར་ཡང་། །འདུལ་བའི་དབང
60b3 གིས་དེ་ལྟ་བུ་ཡི་གཟུགས་སུ་བསྟན། །ཞེས་གསུངས་པས་འཁོར་གྱི་ཁྲོ་བོ་དང་ཁྲོ་མོ་ལ་སོགས་པ་ཐམས་ཅད་མགུ་བར་གྱུར་ཏོ། །དེ་ནས་བཅོམ་ལྡན་འདས་འཇམ་དཔལ་གཤིན་རྗེ་གཤེད་ཆེན་པོ་ལ་འདི་སྐད་ཅེས་གསོལ་བ་བཏབ་བོ། །སེམས
60b4 ཅན་འཁོར་བས་གདུངས་པ་ལ། །མྱ་ངན་འདས་པའི་ལམ་མཆོག་བསྟན། །བསྟན་པ་དམ་པ་འདི་གསུངས་པས། །ཐམས་ཅད་སྒྲོལ་བ་ངོ་མཚར་ཆེ། །ཞེས་གསོལ་ཏོ། །དེ་ནས་དེ་བཞིན་གཤེགས་པ་ཐམས་ཅད་ཡུམ་དང་གཅིག་ཏུ་འདུས
60b5 ཏེ། འདི་སྐད་ཅེས་གསུངས་སོ། །སྤྲུལ་པའི་སྐུ་དག་ཚད་མེད་དཔག་ཏུ་མེད། །ཐུན་མོང་མ་ཡིན་འཇམ་དཔལ་གཤིན་རྗེ་གཤེད། །སྐུ་གསུང་ཐུགས་ཀྱི་ཕྲིན་ལས་རྨད་དུ་བྱུང་། །མི་དགེ་བཅུ་དང་མཚམས་མེད་ཚར་གཅད་པ། །ཟུག་རྔུ་མི་མངའ་ཆོས་ཉིད་རྨད
60b6 པོ་ཆེ། །ཆོས་ཀྱི་སྐུ་དང་ལོངས་སྤྱོད་རྫོགས་པའི་སྐུ། །སྤྲུལ་པའི་སྐུ་དང་གསུམ་ནི་དོན་དམ་ཀུན་དུ་སྦྱོར། །ཕྱོགས་བཅུ་བདེ་བར་གཤེགས་པ་ཐུགས་ཀྱི་དཔལ། །ཡང་དག་ཡེ་ཤེས་དཔལ་ཡིན་འཇམ་དཔལ་ཡིན། །ཞེས་བསྟོད་དེ་གཉིས་སུ་མེད་པར་གྱུར་ཏོ། །དེ་ནས་དེ
60b7 བཞིན་གཤེགས་པ་དམ་པ་དེ་ལ་འཁོར་གྱིས་དེ་བཞིན་དུ་གསོལ་པ་ལ་དགྱེས་ཏེ། འདི་སྐད་ཅེས་གསུངས་སོ། །ཞི་བ་གཉིས་མེད་ཆོས་ཀྱི་ངང་ཉིད་ལས། །སྙིང་པོ་གཉིས་མེད་བྱང་ཆུབ་སེམས་དཔའི་དོན། །ཐམས་ཅད་འདུས་པའི་བླ་མེད་དམ་པ་སྟེ། །དེ་བཞིན
iiif viewer powered by OpenSeadragon
