| e-texts navigator |
| Wylie |
9a1 བཞག་སྟེ། །རྣལ་འབྱོར་ཅན་གྱིས་ཤེས་པར་བྱ། །སྒྱུ་མ་སྨིག་རྒྱུ་རྨི་ལམ་དང་། །གཟུགས་བརྙན་དྲི་ཟ་གྲོང་ཁྱེར་དང་། །བྲག་ཅ་ཆུ་ཟླ་མིག་ཡོར་དང་། །ཆུ་བུར་འཁྲུལ་དང་མགལ་མེར་སྣང་། །སྒྲུབ་དང་གསང་སྔགས་སྤྱོད་པ་དང་། །
9a2 གྲུབ་པ་དང་ནི་གནས་དག་དང་། །བཟླས་པའི་སྒྲ་དང་ཕྱག་རྒྱར་རྟོག་།ཏིང་འཛིན་ལྟ་བ་ཆོ་འཕྲུལ་བརྟག་།ཇི་ལྟར་སྒྱུ་མའི་མཚན་ཉིད་ནི། །སྐྱེས་བུ་དག་གི་རྩོལ་བ་དང་། །སྨན་དང་སྔགས་ཀྱི་སྦྱོར་བ་ལས། །དབང་པོ་ཡིད་འཕྲོག་ཅིར་སྣང་ཡང་། །དེ་ལ་འགྲོ
9a3 འོང་ག་ལ་ཡོད། །དེ་ལྟར་སྒྲུབ་པའི་མཚན་ཉིད་ཀྱང་། །ཡིག་འབྲུ་རྫས་ཀྱི་སྦྱོར་བ་ལས། །གྲུབ་པར་སྣང་ཡང་རང་བཞིན་མེད། །ཇི་ལྟར་སྨིག་རྒྱུའི་མཚན་ཉིད་ནི། །ཞིང་པའི་དུས་ཀྱི་ཟླ་བ་ལ། །དྲོད་དང་ཉི་མའི་སྦྱོར་བ་ལས། །བྱིས་པ་གདུངས་པའི
9a4 རང་བཞིན་གྱིས། །ཆུ་ཡི་འདུ་ཤེས་ཅི་བསྐྱེད་ཀྱང་། །ཚིམ་པའི་རྒྱུད་ནི་ག་ལ་འགྱུར། །གསང་སྔགས་མིང་གི་ཁྱད་པར་ཡང་། །རང་བཞིན་མི་དམིགས་སྟོང་པ་ལ། །མཚན་མའི་ཐ་སྙད་མིང་དུ་བཏགས། །དེ་ཉིད་སྟོང་པས་མིང་མི་དམིགས། །
9a5 དཔེར་ན་རྨི་ལམ་རང་བཞིན་ནི། །སྐྱེས་བུ་གཉིད་ཀྱི་དབང་གྱུར་ན། །ཐང་ཅིག་སྐད་ཅིག་ཡུད་ཙམ་དང་། །ལོ་ལ་སོགས་པ་དེ་བཞིན་དུ། །བདེ་དང་སྡུག་བསྔལ་དེ་བཞིན་མྱོང་། །སངས་ནས་ཅི་ཡང་མི་དམིགས་ལྟར། །དེ་བཞིན་སྔགས་ཀྱི་སྤྱོད་པ་དག་།སྟོང
9a6 པ་ཉིད་ཀྱི་རང་བཞིན་ལ། །སྤྱོད་པའི་རྣམ་པ་ཅིར་སྣང་ཡང་། །བརྟགས་ན་དམིགས་པ་ཀུན་དང་བྲལ། །གཟུགས་བརྙན་སྣང་བའི་མཚན་ཉིད་ནི། །དཔེར་ན་གདོང་དང་མེ་ལོང་ལས། །བརྟེན་ནས་བཞིན་གྱི་གཟུགས་བྱུང་ཡང་། །རེད་པར་གྱུར་པ་ག་ལ་ཡོད། །དེ་བཞིན
9a7 སྔགས་ཀྱི་དངོས་གྲུབ་ཀྱང་། །སྒྲུབ་དང་ཏིང་འཛིན་ཡོ་བྱད་ལས། །བརྟེན་ནས་དངོས་གྲུབ་ཚུལ་བྱུང་ཡང་། །གསོལ་ཐོབ་དམིགས་པ་ག་ལ་ཡོད། །དྲི་ཟ་གནས་པའི་རང་བཞིན་ནི། །མཁའ་འམ་ཡིད་ཀྱི་མཁའ་ངོས་ལ། །དྲི་ཟའི་གཟུགས་ནི་གར་བྱུང་ཡང་། །གྲོང
iiif viewer powered by OpenSeadragon
