| e-texts navigator |
| Wylie |
99b1 པོ་ཡབ་ཡུམ་གཉིས། །དོན་ལ་མཁས་པར་བྱས་ནས་ནི། །སོ་སོའི་ཐུགས་ལ་ཐིག་ལེ་དག་།ཟླ་གམ་དཀར་དམར་གདབ་པར་བྱ། །དེ་ཡི་རྫས་མཆོག་ཆེན་པོ་ཡང་། །ཐབས་ཀྱི་ག་པུར་ཆེན་པོ་དང་། །ཤེས་རབ་གསང་བའི་ཙནྡན་གཉིས། །དཀར་དམར་ཟླ་གམ
99b2 ཆེན་པོར་བྱ། །ཡབ་ཀྱི་ཐུགས་ཀར་དཀར་པོ་ལ། །ཐིག་ལེ་ཁ་ནི་མར་ལྟ་བའོ། །ཡུམ་གྱི་ཐུགས་ཀར་དམར་པོ་ལ། །ཐིག་ལེ་ཁ་ནི་ཡར་ལྟ་བའོ། །ཡབ་ཀྱི་ཐིག་ལེའི་དབུས་སུ་ནི། །དཔལ་བེའུ་དབུས་སུ་ཉི་མ་བྲི། །དབུས་སུ་ཨོཾ་གསལ་ནང་དུ་ཧཱུ~ཾ། །ཡུམ་གྱི་ཐིག
99b3 ལེའི་དབུས་སུ་ནི། །པདྨ་དབུས་སུ་ཟླ་བ་བྲི། །དབུས་སུ་ཨ་གསལ་ནང་དུ་ཧཱུ~ཾ། །དེ་ལྟར་གསལ་བར་གྱུར་པ་ན། །ཀུན་དུ་བཟང་པོ་ཡབ་ཡུམ་དུ། །གཉིས་སུ་མེད་པར་བསྒྱུར་བར་བྱ། །ཏིང་འཛིན་གསལ་བར་གྱུར་པ་དང་། །རང་ལས་བྱུང་བའི་བདུད་རྩི་ཡིས། །གསང
99b4 བ་གཉིས་ཀྱི་མཆོད་པ་བྱ། །རང་ལས་བྱུང་བའི་དངོས་གྲུབ་དག་།རང་ཉིད་ས་ནི་བསྟིམ་པར་བྱ། །འདི་ལྟར་སྒྲུབ་པ་གཙོར་བྱེད་ན། །བདུད་རྩིའི་ཡོ་བྱད་ཐམས་ཅད་དང་། །བཅུད་ཀྱི་མཆོག་ཏུ་གྱུར་པ་རྣམས། །ལོ་ཡི་འཚོ་བར་སྦྱར་ནས་ཀྱང་། །བསྙེན་སྒྲུབ་ཡན
99b5 ལག་རྣམ་བཞི་ལས། །བསྙེན་པ་དག་གི་དུས་སུ་ནི། །གང་ཟག་མི་ཡི་ཟས་ལ་བརྟེན། །དེ་ཡང་ལོ་ཡི་སྐད་ཅིག་གམ། །གཉིས་དང་གསུམ་གྱི་བར་དུ་སྦྱར། །ལོ་ཡི་སྐད་ཅིག་བར་དུ་ནི། །བདུད་རྩི་ཡོ་བྱད་རྣམས་ལ་བརྟེན། །དེ་ནས་ལོ་ཡི་སྐད་ཅིག་ནི། །གཅིག
99b6 གམ་གཉིས་ཀྱི་བར་དག་ཏུ། །རང་ལས་བྱུང་བའི་རྫས་རྣམ་ལྔས། །འཕགས་པ་མཆོད་ཅིང་རང་གིས་བཟའ། །དེས་ནི་དྲོད་ལ་གནས་པར་འགྱུར། །དྲོད་ཐོབ་གྱུར་པ་ཕན་ཆད་ནི། །ལོ་ཡི་སྐད་ཅིག་ཐང་ཅིག་གིས། །ཏིང་འཛིན་ཟས་ཀྱི་རོ་རྙེད་ནས། །ཁམ་གྱི་ཟས་དང
99b7 བྲལ་བར་འགྱུར། །དྲོད་ཆེན་རྣམ་གསུམ་རྫོགས་ནས་ནི། །རྟགས་ཆེན་དག་ནི་ཐོབ་པར་འགྱུར། །རྟགས་ཀྱི་ཆོ་འཕྲུལ་འབྱུང་བ་ནི། །རིན་ཆེན་ཕུང་པོ་འདོད་པ་ན། །ས་རྡོ་ལ་སོགས་བྱས་ན་འགྲུབ། །ཆུ་དང་མཁའ་ལ་འགྲོ་འདོད་ན། །བརྩམས་པས་མི་འབྱིང་ཐོགས་མེད
iiif viewer powered by OpenSeadragon
