| e-texts navigator |
| Wylie |
98a1 སྨན་སྦྱང་བཏགས་བཙགས་བཅལ་ནས་ཀྱང་། །སྦྲང་ཆང་འོ་མས་གོང་བུར་བྱ། །བསེ་ཕོར་མཚན་ལྡན་ནང་དུ་གཞག་།ལེགས་པར་ཁ་སྦྱར་རས་ཀྱིས་དཀྲི། །གོང་མ་བཞིན་དུ་ཀུན་སྦྱར་ནས། །དངོས་གྲུབ་མཆོག་རྣམས་བདག་གིས་བྱ། །ཞེས་གསུངས་སོ། །བདུད་རྩི
98a2 རི་ལུའི་ཆོ་ག་རྣམ་པར་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །སྐྱོ་མའི་ཆོ་ག་འདི་ལྟ་སྟེ། །ཐམས་ཅད་གོང་མ་བཞིན་སྦྱར་ནས། །མཚན་མ་གསལ་པོ་འབྱུང་བ་དང་། །ཕྱེ་མ་ཆུ་ཚགས་ནང་ནས་དབྱུང་། །ཕྱེ་མའི་མཆོག
98a3 ཏུ་གྱུར་པ་དང་། །ཕྱེ་མའི་རྒྱལ་མོ་དེ་དག་ནི། །བསེ་ཕོར་ཁ་སྦྱར་ནང་དུ་བླུགས། །རྒྱས་བཏབ་བྱིན་བརླབས་དབང་བསྐུར་ནས། །བཟླས་བརྗོད་འཕྲོ་འདུ་རྒྱུན་མི་ཆད། །སྦྲང་ཆང་རྒྱ་ཆང་བུ་རམ་ཆང་། །རྒུན་ཆང་འོ་མ་ལ་སོགས་པ། །བཅུད་ཀྱི་ཁུ་བ་ཐམས་ཅད་སྦྱར། །རིན
98a4 ཆེན་གའུ་མཚན་ལྡན་དུ། །བླུགས་ཏེ་ཁ་སྦྱར་རྒྱས་བཏབ་ནས། །འཕྲོ་འདུ་བཟླས་བརྗོད་གོང་མ་བཞིན། །བྱས་ཏེ་མཚན་མ་བྱུང་བ་དང་། །དངོས་གྲུབ་ཆེན་པོ་བླང་བར་བྱ། །ཕྱེ་མའི་བསྒྲུབ་རྫས་དེ་དག་ནི། །ཆ་ལྔ་དག་ཏུ་བགོས་ནས་ཀྱང་། །རྣལ་འབྱོར་སོ་སོའི་ཆ་རྣམས
98a5 ལས། །ཅི་རན་ཙམ་གྱིས་ཆ་གཅིག་དང་། །སྦྱར་ཆང་ཆ་ལྔར་བགོས་པ་ལས། །རྣལ་འབྱོར་སོ་སོའི་ཆ་རྣམས་ལས། །སྦྱར་ཏེ་དངོས་གྲུབ་རྟེན་དུ་བྱ། །ཟླ་བ་གཅིག་ཏུ་ཟོས་པས་ནི། །བ་སྤུ་རངས་ཤིང་གཉེར་མ་རངས། །ཟླ་བ་གཉིས་སུ་ཟོས་བྱས་ན། །གཟི་མདངས་ཐམས
98a6 ཅད་འབར་བར་འགྱུར། །ཟླ་བ་གསུམ་གྱི་ཕན་ཡོན་གྱིས། །ནད་ཀྱི་བསྐལ་པ་དག་ལས་ཐར། །ཟླ་བཞི་ཕན་ཆད་གང་ཟག་གིས། །ཟས་དང་མ་འདྲེས་བརྩོན་བསྒྲུབས་ན། །གཞན་གྱི་ནད་རྣམས་འཇོམས་པར་ནུས། །དྲུག་དང་བདུན་དང་བརྒྱད་རྣམས་ལ། །བདུད་རྩི་བཅུད
98a7 ཀྱིས་འཚོ་བར་འགྱུར། །དགུ་དང་བཅུ་ལ་ཟག་པ་ཟད། །བཅུ་གཅིག་རིག་འཛིན་ནམ་མཁར་འཕུར། །ཞེས་གསུངས་སོ། །བདུད་རྩི་སྐྱོ་མའི་བསྒྲུབ་པ་རྣམ་པར་བཤད་པའོ། །དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི
iiif viewer powered by OpenSeadragon
