| e-texts navigator |
| Wylie |
97a1 མ་བཞིན་དུ་ལེགས་སྦྱར་ནས། །མཎྜ་ལ་ཚད་དང་མཐུན་པ་ལ། །པདྨ་དམར་པོ་འོད་ཀྱི་མཁའ། །ཕྱི་རིམ་ཟླ་གམ་དམར་པོ་བཞི། །རྡོ་རྗེ་འབར་བས་མཛེས་པར་བསྐོར། །མེ་ལྕེ་འབར་བའི་ཕྲེང་བ་ནི། །ཟླ་གམ་མཐའ་ཟད་བྲི་བར་བྱ། །རིན་ཆེན་གེ
97a2 སར་ཕྲེང་བས་ནི། །པདྨའི་ལྕེ་ལ་བསྐོར་བར་བྱ། །སྒོ་བཞི་རིན་ཆེན་འབར་བས་བྱ། །ཕྱག་རྒྱ་འབར་བའི་ལྷ་བཀོད་ན། །དབུས་སུ་གསེར་ཕོར་སུལ་མེད་ལ། །དུང་ཆེན་འཁོར་བ་ཅན་གྱིས་སྦྱར། །ཤར་དུ་ཤེལ་ཕོར་སུལ་འགྲེང་ལ། །རིན་ཆེན་མཛོད་སྤུ་གསལ་བས
97a3 སྦྱར། །ལྷོ་རུ་རིན་ཆེན་སུལ་མང་ལ། །རིན་ཆེན་ལོ་འདབ་རྒྱས་པས་སྦྱར། །ནུབ་ཏུ་རྒྱ་ཕོར་ཟླ་གམ་ལ། །བཞིན་མཚམས་རིན་ཆེན་འབུར་གཉིས་སྦྱར། །བྱང་དུ་བསེ་ཕོར་རྒྱ་གྲམ་ལ། །གཙུག་ཏོར་རིན་ཆེན་འབུར་བཞི་རྒྱས། །རྩ་བ་ལྔ་ནི་ཕྱོགས་ཕྱོགས་སྦྱར། །
97a4 སྒོ་ལྔའི་གཙོ་བོ་རིགས་སུ་སྦྱར། །དབུས་ནས་ཤར་ལྷོ་ནུབ་བྱང་དུ། །ཀ་ཀོ་ལ་དང་དུ་རུ་སྐ། །ཛ་ཏི་ཕ་ལ་ཁ་དྲི་ཞིམ། །ལྕེ་བོག་དཀར་ཞེས་རིམ་པར་སྦྱར། །དེ་བཞིན་གོང་གི་རིམ་པ་བཞིན། ། རུ་ར་དང་ག་པུར་དང་། །གུར་གུམ་པདྨ་ལི་ག་དུར། །དེ་ན་རཱ་ས་ཡཱ་ན
97a5 རྣམས། །ཐམས་ཅད་རིགས་དང་ཁ་དོག་དང་། །ལས་དང་མཐུན་པར་སྦྱར་བར་བྱ། །ས་བོན་ལྔ་ནི་རིམ་པར་སྦྱར། །དཔལ་དང་ལྡན་པའི་སྣོད་ནང་དུ། །ཡབ་ཡུམ་སྙིང་པོ་རིམ་བཞིན་བྱ། །དབུས་དང་པདྨ་ལྕེ་ལ་དགོད། །གནས་ཡུལ་ལ་སོགས་མཛེས་པར
97a6 གཞག་། དུར་ཁྲོད་རྫས་དང་བཀྲ་ཤིས་རྫས། །འབྱོར་བའི་ཡོ་བྱད་ཐམས་ཅད་བཤམས། །དེ་ནས་བྱིན་ཕབ་དངོས་གྲུབ་གསོལ། །ཐམས་ཅད་རྣམ་པར་སྦྱར་བར་བྱ། །དམ་པ་དེ་ཉིད་གསང་ཆེན་གྱི། །རིགས་བརྒྱ་རིགས་ལྔ་རིགས་གཅིག་གིས། །ཐམས་ཅད་སྦྱང
97a7 བའི་མཆོག་ཏུ་བྱ། །དེ་ནས་ཁྲོལ་བུ་སྦྱང་བ་ན། །བསལ་བསྔོ་བསྡུ་དང་དབྱེ་བ་དང་། །ཁྲུས་བྱ་བ་དང་བཤགས་པ་དེང་། །ཡོན་ཏན་བརྗོད་དང་བྱིན་དབབ་བྱ། །དེ་ནས་སྐད་ཅིག་ཐང་ཅིག་གམ། །ཞག་གཅིག་དག་གིས་སྦྱར་བར་བྱ། །རྟགས་དག་བྱུང་ན་དེར
iiif viewer powered by OpenSeadragon
