| e-texts navigator |
| Wylie |
96a1 མདོ་ལས་དུག་གསུམ་དབང་བསྒྱུར་བ་ཞེས་བྱ་བའི་བསྒྲུབ་པའི་ལེའུ་སྟེ་ཉི་ཤུ་རྩ་གཉིས་པའོ། ། །།དེ་ནས་སེམས་དཔའི་རྡོ་རྗེ་དམ་པ་དེས་བུད་མེད་ཐམས་ཅད་ལ་དབང་སྒྱུར་བ་ཞེས་བྱ་བའི་དཀྱིལ་འཁོར་ཆེན་པོ་འདི་གསུངས་སོ། །འདུས་པ་ཆེན
96a2 པོའི་ཚོགས་ཆགས་པ་ཐམས་ཅད་དབང་དུ་འདུ་བར་འདོད་ན་འདི་ལྟར་རིག་པར་བྱའོ། །བུད་མེད་ཆགས་པའི་རང་བཞིན་ཏེ། །ཆགས་པ་ཁྲག་གི་རྒྱ་མཚོ་ཡིན། །ལས་ཀྱིས་འཁོར་བའི་སེམས་ཅན་རྣམས། །ཆགས་པ་ཁྲག་གི་རྒྱ་མཚོར་བྱིང་། །ཆགས་ལས་རྣམ
96a3 གྲོལ་འགོག་པ་སྟེ། །ཆགས་པ་དེ་ཉིད་ཁྲག་ཅེས་བྱ། །ཁྲག་གི་རྒྱ་མཚོ་བསྐམ་པའི་ཕྱིར། །བུད་མེད་ཁྲག་གི་རྒྱ་མཚོ་རྣམས། །འཚོ་བ་བདུད་རྩིའི་རྒྱ་མཚོ་བསྒྱུར། །དེ་ལྟར་ཤེས་པར་གྱུར་པ་དང་། །ཀུན་རྫོབ་ཚུལ་དུ་འདི་ལྟར་སྦྱར། །ལས་ཀྱི་བརྩམས་པ་ཕུན་སུམ
96a4 ཚོགས། །རིམ་པ་བཞིན་དུ་བརྩམས་ནས་ཀྱང་། །མཎྜལ་འདོམ་གང་གྲུ་བཞི་ལ། །འཁོར་ལོ་བཞི་ཡི་ཐིག་ཏུ་གདབ། །མུ་ཁྱུད་ཕྱི་རིམ་གྲུ་ཆད་བཞི། །དེ་ནས་སྒོ་ཁྱམས་དམར་པོར་བྱ། །ཀུན་གྱི་ཕྱི་རིམ་ལག་ཆུ་ཧྭའི། །མེ་རི་འབར་བས་གཏིབ་ཐག་གཅད། །དབུས
96a5 སུ་ཤར་ལྟ་ཟླ་གམ་བྲི། །བྷན་དྷ་དཔལ་ལྡན་ཡབ་ཡུམ་དགོད། །འཁོར་ལོ་བཞི་ལ་རིགས་བཞིར་ལྡན། །བར་ཁྱམས་གཉིས་ལ་གནས་ཡུལ་རྣམས། །ཟླ་གམ་ཐིག་ལེར་ལྡན་པར་བྱ། །སྒོ་ཁྱམས་སྒོ་བཞི་ཟླ་གམ་བཅས། །ཕྱི་ཁྱམས་ལག་ཆུ་ཧྭ་ཡི་མེ། །མེ་ཡི་ཁྲོ་བོ
96a6 ཐིག་ལེར་བཅས། །དུར་ཁྲོད་རྒྱན་གྱིས་ཀུན་བརྒྱན་བྱ། །ཏིང་འཛིན་རྫོགས་དང་དངོས་བསྒྲུབ་དད། །འཇུག་པ་དབང་བསྐུར་དངོས་གྲུབ་རྣམས། །གནས་བསྲུང་ལ་སོགས་རྫོགས་པར་བྱ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག
96a7 པའི་མདོ་ལས་འཁོར་ལོ་དབང་སྒྱུར་གྱི་སྒྲུབ་ལུགས་ཀྱི་ལེའུ་སྟེ་ཉི་ཤུ་རྩ་གསུམ་པའོ། ། །།དེ་ནས་སེམས་དཔའི་རྡོ་རྗེ་དམ་པ་དེས་འདི་སྐད་ཅེས་བཀའ་སྩལ་ཏོ། །འདུས་པ་ཆེན་པོའི་ཚོགས་ཆོས་ཐམས་ཅད་ནི་བདུད་རྩི་སྨན་གྱི་རང་བཞིན་དུ་ཤེས་པར་བྱའོ། །དེ་ཅིའི
iiif viewer powered by OpenSeadragon
