| e-texts navigator |
| Wylie |
95a1 དེ་ནས་ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་ཚོགས་འཁོར་བའི་རྒྱ་མཚོ་ཟད་པར་བྱེད་པའི་ཞལ་གྱི་དཀྱིལ་འཁོར་ཞེས་བྱ་བ་བསྒྲུབ་པའི་དོན་ནི་འདི་ལྟར་རིག་པར་བྱའོ། །འདི་ཡང་དེ་འདྲར་ཀུན་སྦྱར་ནས། །
95a2 འཁོར་ཁང་ཅན་གྱི་གཞལ་ཡས་སུ། །ཁྲུ་གང་གྲུ་བཞིའི་ཚད་དེ་ལ། །བཞི་ནི་འཁོར་ཁང་ཁྱམས་དེ་དག་།ཕྱོགས་བཞི་དག་ཏུ་བརྩམ་པར་བྱ། །དྲི་ཞིམ་ཙནྡན་འདེ་གུ་བཏང་། །དྲི་སྤོས་ཚོམ་བུ་རིན་ཆེན་ཕྲོག་།སྦྱིན་མཆོད་རྒྱས་པར་དེ་བཤམ་བྱ། །ལྷ་ཡི
95a3 དགེ་བསྙེན་རྣམ་པ་བཞི། །ཕྱོགས་མཚམས་བསྲུང་བའི་ལས་རྣམས་བསྒོ། །ཁྱམས་ཀྱི་ནང་རིམ་ཕྱོགས་མཚམས་སུ། །ཆག་ཕྱེད་པ་ཡི་སྟེགས་བུ་བཅུ། །བསྐལ་པའི་མེ་དཔུང་འབར་བྲིས་ལ། །སྣ་ཚོགས་རྒྱུ་ལས་བྱས་པ་ཡི། །མཐུན་པའི་གཟུགས་བཅུ
95a4 དབང་བསྐུར་ཏེ། །ཁྲོ་བོ་གར་གྱི་ནང་མཚམས་གཅད། །དེ་ནས་མ་ཏྲཾ་གནོན་པར་བྱ། །དྲེགས་པ་རུ་དྲ་སྡིག་ཅན་འདི། །ནམས་ཀྱང་བསྒྲལ་བའི་ཞིང་ཡིན་ཏེ། །ཛཿཧཱུ~ཾ་བ~ཾ་ཧོཿ་མ་ཧཱ་ཤྲཱི་ཧེ་རུ་ཀ་མ་ཏྲཾ་རུ་དྲ་ཧ་ཧ་ཕྲ་བེ་ཤ་ཕཊ། ཁ་ཊྭཱཾ་ཕྱག་རྒྱས་བསྒྱེལ་ནས་ནི། །
95a5 མ་རིག་མུན་པའི་སྒོ་ཕྱེ་ནས། །རྣམ་ཤེས་ཨ་རུ་བྱིན་བརླབས་ཏེ། །གསང་ཆེན་ཐུགས་ཀྱི་ཀློང་དུ་བསྟིམ། །སྦུབས་ནི་གཞལ་ཡས་འབར་བར་བྱ། །སྟེགས་བུ་མ་ཏྲཾ་གཟུགས་འདྲ་ལ། །འགྱེལ་ཐབས་བཞིན་ཕྱོགས་ཅི་འདྲར་བྱ། །ཁ་དོག་སྔོ་སྐྱ་གན་རྐྱལ
95a6 ཐབས། །ཆེ་ཆུང་ཚད་མེད་གནས་ཀྱིས་སྦྱར། །དེ་ཡི་སྙིང་གར་བང་རིམ་གསུམ། །དང་པོར་དམར་པོ་གྲུ་བཞི་བརྩིགས། །གཉིས་པ་མཐིང་ནག་གྲུ་གསུམ་བྱ། །གསུམ་པ་སྨུག་ནག་ཟླ་གམ་བྱ། །ཡན་ལག་བཞི་དང་མགོ་མཚན་དྲུག་།གསང་སྒོ་གཉིས་ཏེ
95a7 བརྒྱད་དག་ལ། །སྟེགས་བུ་ཆག་ཕྱེད་གྲུ་བཞི་བརྒྱད། །དེ་ཡི་མཐའ་རིམ་ཡོངས་ཟད་དུ། །ཟླ་གམ་གསལ་བའི་མཎྜལ་བྱ། །དེ་དག་མེ་ཀློང་འབར་བར་བསྐོར། །ཡ་ཐོག་ཟླ་གམ་སྟེང་དག་ཏུ། །དཔལ་དང་ལྡན་པའི་ལྷ་མཆོག་བཞུགས། །མཐིང་ནག་གྲུ
iiif viewer powered by OpenSeadragon
