| e-texts navigator |
| Wylie |
94b1 རྟོག་རྟོག་འཇོམས་ཏིང་འཛིན་གྱིས། །སྲིད་གསུམ་རུ་དྲ་དུར་ཁྲོད་དུ། །ཚོགས་བདག་ཆེན་པོ་དེ་བརྒྱད་བྱ། །མ་རིག་མུན་ཁང་སྒོ་ཕྱེད་ནས། །གླང་ཆེན་སྨྱོན་པ་དེ་བཟུང་ནས། །གཟུང་འཛིན་དམ་པོའི་རྟོད་ཐག་བཅད། །དུག་གསུམ་རྣམ་རྟོག་རྟོད་ཕུར
94b2 དབྱུང་། །ངན་སོང་འདམ་ནས་དྲངས་ནས་ནི། །ཉོན་མོངས་དཔུང་རྒོད་དེ་བཏུལ་ནས། །ཡེ་ཤེས་ཐབས་ཀྱིས་རྣམ་སྦྱངས་ཏེ། །ནམ་མཁའི་ཀློང་དུ་དམིགས་མེད་པར། །བདེ་ཆེན་མཆོད་པའི་ཚོགས་ཆེན་དག་།རོ་མཆོག་ལྔ་དང་མཉམ་སྦྱར་བས། །ཆོས་ཀྱི
94b3 ལོངས་སྤྱོད་རྒྱས་པར་སྦྱར། །མཉམ་ཉིད་བདེ་བའི་སྙིང་རྗེ་ཡིས། །དྲེགས་པ་ཆེན་པོ་གཞོམ་པ་དང་། །འཁོར་བའི་དྲ་བ་གཅད་པའི་ཕྱིར། །ཁྲོ་ཚོགས་འབར་བའི་སྤྲིན་འཕྲོས་པས། །གཏུམ་ཐུང་རྔམ་པ་མགྱོགས་པའི་ཚོགས། །ཕྱག་བརྙན་ཆར་ཆེན་ཕབ་ནས
94b4 ནི། །འཁོར་བའི་ཐ་བ་སྤངས་ནས་ནི། །བདེ་བ་ཆེན་པོའི་ཞིང་བཟློག་སྟེ། །བྱང་ཆུབ་མྱུ་གུ་བསྐྱེད་ནས་ནི། །བྱང་ཆུབ་སེམས་དཔའི་ལོ་ཏོག་བསྐྱེད། །དུར་ཁྲོད་ཆེན་པོའི་བཞིན་ཕྱོགས་ནི། །མགོ་ནི་ལྷོ་ནུབ་མཚམས་སུ་བཏིང་། །རྐང་པ་བྱང་ཤར་མཚམས་སུ
94b5 བཏིང་། །ང་ནི་དུར་ཁྲོད་དབང་ཕྱུག་ཆེ། །སངས་རྒྱས་སྐུ་སྟེ་ཡེ་ཤེས་ཡིན། །ཐུགས་རྗེ་རྣོན་པོའི་དམག་ཚོགས་ལ། །ཡེ་ཤེས་རྣོན་པོའི་མཚོན་ཆ་ཡིས། །ལོག་རྟོག་འཁོར་བའི་རྒྱུན་བཅད་དོ། །གྲུ་བཞི་ཁ་བཞིར་རྡོ་རྗེ་ཡི། །དབྱིབས་འདྲའི་ཐབ་ནི་བརྩིགས
94b6 ནས་ཀྱང་། །སྙིང་གར་འཁོར་ལོའི་ཐབ་ཏུ་བྱ། །རིགས་ཀྱི་ཡམ་ཤིང་ལྔ་བརྩིགས་ཏེ། །ཧོམ་ལྔ་འབྲེལ་པའི་ལས་ཆེན་བརྩིགས། །ཐབས་ཆེན་ལྔ་ཡི་ཧོམ་ཁུང་དུ། །འཁོར་བའི་སྡུག་བསྔལ་ཡམ་ཤིང་ལ། །ཡེ་ཤེས་ཆེན་པོའི་མེ་ཀློང་དུ། །ཉོན་མོངས་ལྔ
94b7 ཡི་བསྲེགས་སྦྱངས་རྫོགས། །བྱ་བར་སྦྱོར་བ་མཐའ་དག་ཀུན། །ཇི་ལྟར་འབྱོར་ཅིང་འཚམ་པར་འོས། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་དྲེགས་པ་ཅན་གནོན་པ་ཞེས་བྱ་བའི་ལེའུ་སྟེ་ཉི་ཤུ་པའོ།། །།
iiif viewer powered by OpenSeadragon
