| e-texts navigator |
| Wylie |
93a1 སྦྱར། །ལྟེ་བ་བསྐོར་ཏེ་རིམ་པར་གཞག་།ཐིག་ལེ་ཤར་གྱི་སྒོ་གང་དུ། །རྡོ་རྗེ་རྣལ་འབྱོར་གསང་མིང་དང་། །དངོས་གྲུབ་གསོལ་བྱ་བྲིས་ལ་གཞག་།མཆོད་པའི་ཁྱམས་སུ་གྱུར་པ་ལ། །བསྒྲུབ་པའི་རྫས་དང་མཆོད་པ་རྣམས། །རིམ་པ་བཞིན་དུ
93a2 མཛེས་པར་དགྲམ། །རྡོ་རྗེ་རྣལ་འབྱོར་དེ་དག་རྣམས། །རྡོ་རྗེ་ལྷགས་པའི་རྟགས་ཀྱིས་མཚན། །ཏིང་འཛིན་དཀྱིལ་འཁོར་རྫོགས་བྱས་ནས། །སྤྱན་དྲངས་མཆོད་པ་ཀུན་བསོགས་ཏེ། །འཇུག་དང་དངོས་གྲུབ་གསོལ་བ་དང་། །དབང་བསྐུར་ལས་རྣམས་ཀུན
93a3 རྫོགས་ནས། །རྨད་དུ་བྱུང་བའི་གཏོར་མ་དག་།ཆ་གསུམ་དང་པོ་སྦྱིན་སྲེག་བྱ། །བར་མ་མི་ཟད་གཏེར་དུ་སྦ། །བྱང་ཆུབ་སེམས་ཀྱི་ཆུ་བོ་དང་། །ཆོས་ཉིད་ནམ་མཁའི་དབྱིངས་ཆེན་དང་། །བྷ་ག་ཡུམ་གྱི་ས་གཞི་ལ། །ཤིན་ཏུ་སྦ་བའི་ཚུལ་དུ་སྦྱར། །ཆ་གཅིག་གཞལ
93a4 ཡས་ཤར་སྒོ་ནས། །བཅུ་གསུམ་བཅལ་བར་སྟེགས་བུ་བྱ། །དེར་ནི་གནས་བདུན་གཙོ་རྣམས་ཀྱང་། །དེ་བཞིན་བཅུ་གསུམ་ལན་རེ་ལ། །གནས་ཀྱི་མགྲོན་ནི་མ་སྲིང་རྣམས། །བདུན་ཅུ་བར་དུ་ཀུན་རྫོགས་བྱ། །ཐ་མར་མཎྜལ་ཟླ་གམ་ལ། །ནུས་ན་མཁའ་འགྲོ་ནམ
93a5 མཁའི་ཧོམ། །རྫོགས་བྱ་མ་ལུས་དེ་མགུ་བྱ། །ལྷག་མར་གྱུར་པ་ཀུན་རྫོགས་བྱ། །སྙིགས་མར་གྱུར་པ་ཐམས་ཅད་ཀྱང་། །སྦ་འམ་བསྲེག་གམ་ཆུ་ཀླུང་འདོར། །རྡོ་རྗེ་གནས་ཆེན་དེ་བསྲུངས་ཏེ། །གནས་ནི་སྦ་ཕྱིར་སུ་དག་གསང་། །མི་རིགས་ཕྱིར་ན་མཚན་མ་དག་།རང
93a6 རང་གནས་སུ་སླེབས་པར་བྱ། །གང་དག་འདུ་ཚེའང་དེ་བཞིན་ནོ། །འདི་ནི་ཐིག་ལེ་གཅིག་པ་ཡི། །བསྒྲུབ་ལུགས་ཡིན་པར་རྒྱལ་བས་བཤད། །འདི་དག་སྒྲུབ་པའི་སྐྱེས་བུ་ནི། །ཟླ་བའི་འཁོར་ལོ་ལ་གནས་ནས། །ཉི་མའི་འཁོར་ལོ་ཐོགས་ནས་ནི། །ཡང་དག་ཆོས
93a7 ཀྱི་དབྱིངས་ཉིད་ལ། །དབང་སྒྱུར་བྱེད་པའི་རྒྱལ་པོར་འགྱུར། །ཞེས་གསུངས་སོ། །ཡང་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས་པ་ཆེན་པོའི་རྣལ་འབྱོར་པ། །འདི་ཡང་རིམ་གྱིས་གོང་མ་ལྟར། །ཐམས་ཅད་ཚུལ་བཞིན་སྦྱར་བྱས་ནས། །ཕྱིར་ཀུན
iiif viewer powered by OpenSeadragon
