| e-texts navigator |
| Wylie |
91b1 པ། །ཁུ་འཕྲིག་རྟོག་བྲལ་བརྟུལ་ཞུགས་ཅན། །ལས་ཀྱི་ཕྲེང་བ་ལྷག་ཆད་མེད། །དྲི་ཞིམ་དག་པའི་སྨན་དག་གིས། །ཕྱི་བཀྲུ་ཤི་ནེ་ད་ཧུ་ལས། །ནང་ཡང་དག་པ་ཆེན་པོར་བྱ། །ཚད་མར་སྦྱར་བའི་བཀའ་དང་ནི། །ལྡན་ནས་དུས་བཏབ་ཤིན་ཏུ་བརྩམ། །དེ་ཡང
91b2 བརྟག་པའི་གལ་ཆེན་ནི། །བཀྲ་ཤིས་མཛེས་དང་ལྡན་འགྱུར་བ། །བོང་ཚོད་ལོ་ནི་དར་ལ་བབ། །རིགས་ལྔའི་མཚན་དང་ལྡན་པ་ལ། །བསྒྲལ་བའི་རྫས་སུ་རུང་བ་དག་།ཡིད་འོང་འབྱོར་ལྡན་བཙལ་ནས་ནི། །བསྒྲུབ་པའི་རྫས་སུ་བྱ་བ་དེ། །དེ་འདྲའི་མཚན་རྟགས་ཡོད་པ
91b3 ནི། །ས་སྦྱངས་ས་ལ་སླེབས་པའོ། །བསྒྲུབ་པའི་རྒྱུ་མཆོག་དེ་དག་ནི། །འདའ་ཧུ་མན་འདས་དབང་པོ་བསྒྱུར། །རྡོ་རྗེ་པྲ་མཁན་ཕབ་ནས་ནི། །སྣང་སྲིད་ཐམས་ཅད་དྲི་བའམ། །ལེགས་ཉེས་ཐམས་ཅད་དྲི་བར་བྱ། །དབང་པོ་སྒོ་ལྔའི་དཀྱིལ་འཁོར་དུ། །བདུད་རྩི་རྣམ
91b4 ལྔའི་ཐིག་ལེ་གདབ། །རྣམ་ཤེས་འབྱུང་བའི་སྒོ་ལྔ་རུ། །སོ་སོ་འབྱུང་བའི་རྫས་རྣམས་གདབ། །སོ་སོ་རིགས་ཀྱི་ཕྱག་རྒྱས་གདབ། །ཕྱག་རྒྱ་བཀོད་དེ་ཉོན་མོངས་བསྒྲལ། །བསྒྲལ་སྦྱར་ཐམས་ཅད་སྦྱངས་ནས་ནི། །མཆོད་དང་མཉེས་དང་དམ་སྐོངས་དང་། །དངོས
91b5 གྲུབ་རྣམ་གསུམ་གང་ཐོབ་བླང་། །ཐོབ་ནས་ཐམས་ཅད་ཅི་བདེར་སྤྱད། །ཅེས་གསུངས་སོ། །དེ་ནས་སེམས་དཔའི་རྡོ་རྗེས་ཡང་འདི་སྐད་ཅེས་གསུངས་སོ། །འདུས་པ་ཆེན་པོའི་ཚོགས་བར་དུ་གཅོད་པ་ཐམས་ཅད་བཟློག་པའི་བསྒྲུབ་པ་ཆེན་པོ་ནི་འདི་ལྟར་རིག་པར
91b6 བྱའོ། །གོང་མ་བཞིན་དུ་ལས་བརྩམས་ནས། །ཐར་པའི་རྒྱུ་མཆོག་དེ་དག་ནི། །རུས་པ་རྡོ་རྗེ་ཐལ་བར་བསྒྲུབ། །རུས་པའི་ཚོགས་ནི་ཐམས་ཅད་ཀུན། །བསྲེགས་དང་ལྕེ་པོག་ནག་པོར་སྦྱར། །ཁྱབ་འཇུག་གའུ་ཁ་སྦྱར་དུ། །བཅུག་སྟེ་འཇོམས་པའི་ཕྱག་རྒྱ་དང་། །
91b7 དྲག་པོ་སྔགས་ཀྱིས་བསྒྲུབ་བྱས་ནས། །གྲུབ་ན་རྣལ་འབྱོར་དོན་ལྡན་གྱི། །བར་ཆད་ཟློག་པའི་གཉེན་པོར་སྦྱར། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་རྡོ་རྗེ་ཐལ་ཆེན་གྱི་སྒྲུབ་ཐབས་ཀྱི་ལེའུ་སྟེ་བཅུ་དྲུག་པའོ།། །།དེ་ནས
iiif viewer powered by OpenSeadragon
