| e-texts navigator |
| Wylie |
91a1 ཐམས་ཅད་ཀུན། །བཏགས་སམ་ཕྱེ་མར་བྱས་ནས་ནི། །སྲ་མཁྲེགས་བཅུ་དང་སྦྱར་བྱས་ཏེ། །རེག་བྱའི་སྙིང་པོ་འབུམ་བཟླས་ན། །ལུས་ཀྱི་མངོན་ཤེས་ཐོབ་པར་འགྱུར། །མངོན་ཤེས་འདི་དག་ཀུན་རྫོགས་ན། །མི་གནས་ཡེ་ཤེས་ཆེན་པོའི་རྒྱུ། །པྲ་མོའང
91a2 ནན་ཏན་མཆོག་ཏུ་བྱའོ། །ཞེས་གསུངས་སོ། །རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་མངོན་ཤེས་རིག་པའི་བསྒྲུབ་ལུགས་ཀྱི་ལེའུ་ཞེས་བྱ་སྟེ་ལྔ་པའོ།། །།དེ་ནས་སེམས་དཔའི་རྡོ་རྗེ་དེས་འདི་སྐད་ཅེས་གསུངས་སོ། །འདུས
91a3 པ་ཆེན་པོའི་ཚོགས་མཆོག་ཆེན་པོའི་བསྒྲུབ་ལུགས་ནི་འདི་ལྟར་རིག་པར་བྱའོ། །དོན་ལ་བརྩོན་པའི་རྣལ་འབྱོར་པས། །ལས་ཀྱི་སྟེགས་བུ་ཆག་ཕྱེད་པ། །མེ་རིས་བསྐོར་ཏེ་འབར་བར་བྱ། །དཀྱིལ་འཁོར་དེ་ཡི་མཎྜལ་ནི། །སུམ་བརྩེགས་བྱས་པའི་དབུས་ཟླ་གམ། །
91a4 བརྒྱད་ཀྱིས་མཛེས་པར་བྱ་བའོ། །ཕྱི་མཐའ་ཐོད་པའི་ཕྲེང་བས་བསྐོར། །དེ་མཐའ་མེ་དཔུང་འབར་བས་བསྐོར། །དེ་ཡི་ཕྱི་མཐའ་དམར་ཆེན་རྒྱས། །ཟླ་གམ་དབུས་སུ་དཔལ་ཆེན་འབར། །ཟླ་གམ་བརྒྱད་ལ་གནས་བདག་བརྒྱད། །མཐིང་ནག་ཡ་ཐ་མེ་རིར
91a5 འབར། །དེ་འོག་ཐོད་པ་ཚར་གསུམ་དང་། །སྒོ་ཁྱམས་དུར་ཁྲོད་རྫས་ཀྱིས་བསྐོར། །སྒོ་བརྩེགས་སྒོ་ཁྱུད་ཐ་མ་བྲན། །ཐམས་ཅད་གང་ཡིན་དེ་ལྟར་སྦྱར། །ཕུན་སུམ་ཚོགས་པར་གྱུར་པ་ན། །རྣམ་བཞི་ལས་ཀྱི་མཎྜལ་བརྩམ། །འཇིགས་བྱེད་བསྐལ
91a6 པའི་དཀྱིལ་འཁོར་དུ། །ཟ་བྱེད་འབར་བའི་ཕྱག་རྒྱ་ཡིས། །ཐར་པ་ཙ་ར་བསྒྲལ་བའི་ཕྱིར། །དྲོད་ལྡན་མན་ངག་འཆང་བ་དེས། །མཆོག་གི་བྱིན་བརླབས་གཞག་པར་བྱ། །དག་པ་གསུམ་གྱིས་གཞུང་བསྲང་ནས། །གནས་མཆོག་དབེན་པའི་རི་བོ་རྩེ། །རྣ
91a7 ཉན་ཕྲ་གསག་ཅན་དང་བྲལ། །འདུ་འཛི་འགྲོ་འོང་ཆད་པ་དག་།གསང་ཆེན་སྤྱོད་པའི་གནས་སུ་ཤིས། །རྣམ་བཞི་ལས་ཀྱི་རྟགས་ཉུང་ནའང་། །གཅིག་གཉིས་ལྡན་ན་འབྲིང་དུ་བཤད། །བསྒྲུབ་པའི་རྒྱལ་པོ་གདེང་ལྡན་པ། །ཤིན་ཏུ་བརྗིད་ཅིང་སྲན་ཚུགས
iiif viewer powered by OpenSeadragon
