| e-texts navigator |
| Wylie |
90b1 ལྔར་རིག་པར་བྱའོ། །མིག་གི་དབང་པོ་ཐམས་ཅད་ལས། །ཞིབ་ཏུ་བཏགས་པའི་ཕྱེ་མར་བྱ། །བཅུད་ཀྱི་སྙིང་པོར་སྦྱར་བྱས་ནས། །མཐོང་བའི་སྙིང་པོ་འབུམ་བཟླས་ན། །ཐམས་ཅད་མ་ལུས་མཐོང་བར་འགྱུར། །འདི་ནི་མིག་གི་མངོན་ཤེས་སོ། །རྡོ་རྗེ་ལྕེ་ཡིས
90b2 བརྗོད་པའི་ཚིག་། དུས་སམ་རྒྱུན་དུ་བརྗོད་པར་བྱའོ། །བཛྲ་ཙཀྵུ་གརྦྷ་བིདྱཱ་ཧཱུ~ཾ། །རྣ་བའི་དབང་པོ་ཐམས་ཅད་ཀྱང་། །བཏགས་སམ་ཕྱེ་མར་བྱས་ནས་ནི། །བཅུད་ཀྱི་སྙིང་པོར་སྦྱར་བྱས་ཏེ། །ཐོས་པའི་སྙིང་པོ་འབུམ་བཟླས་ན། །སྒྲ་ཡི་བྱེ་བྲག་ཐམས་ཅད་ཐོས། །འདི་ནི
90b3 རྣ་བའི་མངོན་ཤེས་སོ། །རྡོ་རྗེ་ཚིག་ཏུ་བརྟག་པ་ནི། །བཛྲ་གརྦྷ་སྟམ་སི་ཧོ། །སྣ་ཡི་དབང་པོ་ཐམས་ཅད་ཀུན། །བསྐམས་སམ་ཕྱེ་མར་བྱས་ནས་ནི། །བཅུད་ཀྱི་སྙིང་པོར་སྦྱར་བྱས་ཏེ། །དྲི་སྣ་ཚོགས་དང་བསྲེས་པ་ལས། །ཚོར་བའི་སྙིང་པོ་འབུམ་བཟླས་ན། །སྣ་ཡི
90b4 མངོན་ཤེས་ཐོབ་པར་འགྱུར། །རྡོ་རྗེ་ཚིག་ཏུ་གཟུང་བ་ནི། །བཛྲ་ན་མ་སི་ཏ~ཾ་ཧཱུ~ཾ། །ལྕེ་ཡི་དབང་པོ་ཐམས་ཅད་ཀུན། །བསྐམས་སམ་ཕྱེ་མར་བྱས་ནས་ནི། །བཅུད་ཀྱི་སྙིང་པོར་སྦྱར་བྱས་ཏེ། །རོ་ཡི་མཆོག་ལ་སོགས་པ་ལས། །རོ་ཡི་སྙིང་པོ་འབུམ་བཟླས་ཏེ། །སྨྲ་བྱེད
90b5 ལྕེ་ཡི་དཀྱིལ་འཁོར་ནི། །སྟེགས་བུ་ཁྲུ་གང་གྲུ་བཞི་ལ། །དབུས་སུ་གསང་བའི་རྡོ་རྗེ་བྲི། །མཐའ་མ་ལྕེ་ཡི་པདྨས་བསྐོར། །ལྕེ་ལ་ཚིག་གི་འོད་ཟེར་འཕྲོ། །སྨྲ་བའི་བསྒྲུབ་པས་འདི་རྫོགས་ན། །སྨྲ་བའི་དབང་པོ་ཁ་དབྱེ་ཞིང་། །རོ་རྣམས་ཐམས་ཅད་ཤེས་པར་འགྱུར། །
90b6 འདི་ནི་ལྕེ་ཡི་མངོན་ཤེས་ཡིན། །རྡོ་རྗེ་ཚིག་ཏུ་བརྟག་པ་ནི། །བཛྲ་པཱ་ཤ་སིཏྱཱ་ཧཱུ~ཾ། །སྙིང་གི་དབང་པོ་ཐམས་ཅད་ཀུན། །བསྐམས་སམ་ཕྱེ་མར་བྱས་ནས་ཀྱང་། །སྙིང་པོ་མཆོག་དང་སྦྱར་བྱས་ཞིང་། །དྲན་པའི་སྙིང་པོ་འབུམ་བཟླས་ཤིང་། །དཔལ་བེའུ་ཙིཏྟའི་དཀྱིལ
90b7 འཁོར་ནས། །དྲན་པའི་རྟེན་གྱིས་ཡོངས་བསྐོར་ཏེ། །སྙིང་གི་དཀྱིལ་འཁོར་རྫོགས་པ་དང་། །དབང་པོ་ཐམས་ཅད་གསལ་བ་དང་། །ཐམས་ཅད་མ་ལུས་ཤེས་པར་འགྱུར། །གཞན་གྱི་སེམས་ནི་ཤེས་པའི་མཆོག་།བཛྲ་ཙིཏྟ་སི་དྱཱ་ཧཱུ~ཾ། །ལུས་ཀྱི་དབང་པོ
iiif viewer powered by OpenSeadragon
