| e-texts navigator |
| Wylie |
87b1 ཕྱི་མར་སངས་རྒྱས་མྱུར་བ་དང་། །དངོས་གྲུབ་རྣམ་གསུམ་ཐོབ་པ་སྟེ། །སྨོན་ལམ་བཞིན་དུ་འགྲུབ་པའོ། །དེ་ཡང་བྱེ་བྲག་འདི་ལྟ་སྟེ། །ཕྱེད་དུ་འགྱུར་ན་ཐོབ་ཐང་ཡིན། །སུམ་ཆ་ཙམ་ལ་བཏང་སྙོམས་སོ། །དེ་ཡང་སོ་སོའི་མཚན་རྟགས་སུ། །བརྟག་ཅིང་མིང་དུ
87b2 བརྗོད་བྱ་བ། །དཀར་པོ་སྤྲོས་མེད་ཆོས་ཀྱི་སྐུ། །ལྕང་ལོ་ཀུན་རྫོགས་ལོངས་སྤྱོད་ལྡན། །མ་འོངས་སྤྲུལ་པ་མཛད་པའི་རྒྱུན། །འདས་དང་ད་ལྟར་མ་འོངས་པའི། །རྣལ་འབྱོར་ས་ལ་འགྲོ་བའི་རིགས། །བདེར་གཤེགས་དུས་གསུམ་འབྱུང་བའི་རྟགས། །རིན་ཆེན
87b3 གཏེར་གྱི་གའུ་འདི། །ཐབས་ཀྱི་རྒྱལ་པོ་དཔལ་གྱི་དཀོར། །ཕོ་བྲང་རྟགས་ལྡན་སྣོད་བཅུད་རྫོགས། །འཕྲུལ་ཞལ་ཡིད་བཞིན་འདོད་ཞོའི་བ། །རྐང་མེད་མཁའ་ལ་འགྲོ་བའི་མཆོག་།ངོ་མཚར་ཐོག་ཐོག་རྐན་སྒྲ་ཅན། །རྨད་འབྱུང་གསང་བའི་རང་སྒྲ་དག་།རིག
87b4 འཛིན་རྩལ་ཅན་ཀུན་ལ་སྒྲོགས། །ང་ནི་སྐྱེས་མཆོག་རྩལ་ཅན་གྱི། །རྨད་བྱུང་བསྒྲུབ་པའི་རྫས་ཡིན་པས། །སུ་ཞིག་དངོས་གྲུབ་གང་འདོད་པ། །ཐེ་ཚོམ་མེད་པར་དུས་འདིར་ལོང་། །གང་དག་བཀའ་ལྟར་མི་བྱེད་ཅིང་། །སུ་ཞིག་དམ་ལ་མི་གནས་པ། །ང་ཡི་གཟུགས
87b5 མཐོང་ཙམ་གྱིས་འཚིག་། སྒྲ་ཐོས་ཙམ་གྱིས་བརླག་པར་འགྱུར། །ཞེས་པའི་སྒྲ་བྱུང་ཆོ་འཕྲུལ་ནི། །རྒྱལ་བའི་གཞལ་ཡས་ཀུན་ལས་སྒྲོགས། །འདི་དག་དོན་དང་ལྡན་པར་སྤྱོད། །འདི་ལྟར་གྲགས་པ་ངེས་དོན་ནི། །རྣལ་འབྱོར་ཅན་གྱིས་ཤེས་བྱ་བ། །ཐམས་ཅད
87b6 དཔལ་ལྡན་ལྕང་ལོ་ཅན། །ལ་ལ་བཀྲ་ཤིས་མཚན་ལྡན་ཏེ། །དེ་བཞིན་པཾ་ཙ་ཀུ་ལ་ཡིན། །ལ་ལ་དཔྱད་ཀྱི་ན་ཤ་ཡིན། །དེ་བཞིན་མི་འགྱུར་སྲ་མཁྲེགས་ཡིན། །མ་ཧཱ་ཀེ་ས་དཔལ་དང་ལྡན། །ཡེ་ཤེས་ལྔ་ལྡན་ཞེས་ནི་བྱ། །ཱ་ཡུཿཕ་ལ་ཚེ་ཡི་མཆོག་།ལ་ལ
87b7 མེ་ལེ་དེ་བྱི་བརྟན། །ལ་ལ་དེ་བཞིན་ཁ་སྭ་ཁ། །ཁ་ཧུ་པ་ཡི་དཔལ་དང་ལྡན། །བཀྲ་ཤིས་དོན་འབྱུང་དེ་ལྟའོ། །བདེར་གཤེགས་མཚན་ལྡན་རྫོགས་པ་ཡིན། །གཙུག་ཕུད་དགེ་གཙུག་དཔལ་དང་ལྡན། །ཛྙཱ་ན་མུརྟྟི་དེ་བཞིན་ནོ། །ལ་ལ་ཛྙཱ་ན་ཀུ་ཎྜལི། །དེ
iiif viewer powered by OpenSeadragon
