| e-texts navigator |
| Wylie |
87a1 སྡང་མིག་ལོགས་ཀྱི་ཁྱབ་པར་བལྟ། །རྡོ་རྗེ་འགྲོས་སུ་རྒྱུག་ཅིང་འགྲོ། །ཧ་ཧ་རུ་ལུའི་རྔམ་སྒྲ་སྒྲོགས། །སོ་སོའི་བརྡ་སྐད་འབྱིན་བྱེད་ཅིང་། །རྟོད་པའི་ཚུལ་གྱིས་མཆོང་ཞིང་རྒྱུག་།ཡིད་བཞིན་གཏེར་ཆེན་ཁ་ཕྱེ་ནས། །འདོད་འབྱུང་རིན་ཆེན་ཕུང་པོ
87a2 དེ། །འཁོར་བའི་རྣམ་སྨིན་དཔྱིས་ཕྱུང་ནས། །རྣམ་གསུམ་དུག་ཆེན་གཏན་སྤྲུགས་ནས། །ཐུགས་རྗེ་རྔམ་པའི་ཁ་ལོང་ཁ། །རྡོ་རྗེ་འབར་བའི་ཚོགས་ཆེན་གྱིས། །དངོས་གྲུབ་ལོ་ཏོག་ཕྲལ་ནས་ཀྱང་། །རྡོ་རྗེ་བཞིན་ཕྱོགས་མ་ནོར་བར། །ཤེལ་ཕུར་གཉིས་ཀྱིས
87a3 གསང་གནས་བཟུང་། །ངེས་པར་གཤིན་པའི་གཞི་མ་ལ། །ཅུང་ཞིག་བརྟོད་དེ་ཉེ་འཁོར་བསྒྱུར། །བཞིན་ཕྱོགས་གང་ལྟས་ལེགས་ཉེས་བརྟག་།ཕྱི་ཡི་བཟང་ངན་དེ་ཉིད་ནི། །ནང་དུ་ངེས་པར་གསལ་བ་ཡིན། །ཉེས་པའི་མཚན་བྱུང་མཁས་པས་མནན། །གལ
87a4 ཏེ་དྲི་བས་གླེང་སློང་ན། །དེ་ཡི་ཐེ་ཚོམ་གསལ་བ་དག་།དངོས་པོར་སྤྱོད་ལ་ཞུགས་རྣམས་ཀྱིས། །མཚན་མར་རྟོག་པ་འདི་དག་རྣམས། །འཇིགས་བྱེད་བཀའ་ལ་བཏགས་པ་ཡི། །འདོད་ཆགས་བདག་པོ་ང་ལ་གསོལ། །ཇི་སྐད་སྨྲས་པ་དེ་བཤད་ཀྱིས། །མཚན
87a5 མའི་རྫས་རྣམས་རྟོགས་པར་གྱིས། །འཇིག་རྟེན་མགོན་ཁྱོད་བདག་ལ་གསོན། །བདག་ཅག་སྤྱོད་པ་གསོལ་བར་བགྱི། །སྣོད་ཀྱི་མཚན་ཉིད་བཟང་ངན་གྱིས། །ཉེས་དང་ལེགས་པ་འདི་ལས་བྱུང་། །སྐྱོན་གྱི་མཚན་མ་བདུན་པ་སྟེ། །ཁ་སྦུབ་པ་དང་གདན་ལས
87a6 བསྐྱོད། །རྒྱུད་མི་འཕེལ་དང་མཚམས་སུ་གས། །བར་ཆད་འབྱུང་དང་བགེགས་ལྡང་བ། །མཚན་མ་ངན་པ་འབྱུང་བའོ། །འདི་དག་མཁས་པས་ཡོང་མི་འཆང་། །ལེགས་པའི་རྒྱུ་ནི་བཅུ་གཅིག་སྟེ། །གསུམ་གྱི་དངོས་གྲུབ་ཐོབ་པ་དང་། །རིག་འཛིན་ལམ་འགྲོ
87a7 ནམ་མཁར་འཕུར། །ཁམས་གསུམ་དབང་བསྡུ་རྡོ་རྗེ་སྤྱན། །ཕ་རོལ་གཡུལ་ཟློག་ཟིལ་གྱིས་གནོན། །མཐུ་དང་བྱིན་བརླབས་ཚེ་འཕེལ་དང་། །མཚན་མ་གསལ་པོ་འབྱུང་བ་དང་། །སློབ་མ་ཆུ་ཡི་རྒྱུད་འཕེལ་བ། །དམིགས་པའི་བསམ་པ་འགྲུབ་པ་དང་། །
iiif viewer powered by OpenSeadragon
