| e-texts navigator |
| Wylie |
86b1 བཙལ། །འཁོར་བའི་ཕུང་པོ་དེ་བསྡུས་ལ། །རྡོ་རྗེ་སྟབས་དང་གླུ་ཡིས་སྦྱང་། །གནས་གནས་དག་ཏུ་བསྔོ་བར་བྱ། །ཕུང་པོ་མཆོད་པའི་རྫས་སུ་བསྟིམ། །རྡོ་རྗེ་བྲ་ཡི་ལས་རྣམས་གདབ། །དེས་ནི་མཉེས་དང་སྐོངས་པ་དང་། །རྡོ་རྗེ་ལས་རྣམས་འགྲུབ་པ་ཡིན། །རྣལ་འབྱོར་ལས
86b2 ཀྱི་དབང་ཕྱུག་ཆེ། །མཐོ་གཙང་ཤེས་རབ་གངས་རུམ་ནས། །རིག་པའི་སྡེར་མོ་སྦར་ཤད་ཅན། །ང་རྒྱལ་དྲེགས་པའི་གླང་པོ་འཇོམས། །རྣལ་འབྱོར་རྩལ་རྒྱས་སེང་ཕྲུག་རྣམས། །རྡོ་རྗེ་རྩལ་ཆེན་འདི་སྦྱངས་པས། །རྣལ་འབྱོར་ལྷ་མཆོག་གཤེགས་པའི་རྟེན། །དངོས་གྲུབ་འབྱུང
86b3 བའི་རིན་པོ་ཆེ། །མཐུ་སྟོབས་སྐྱེ་བའི་ཐབས་ཆེན་པོ། །བྱིན་བརླབས་ཕེབས་པའི་དབང་མཆོག་འདིས། །རྒྱལ་བའི་དངོས་གྲུབ་མན་ཆད་ནས། །མཁའ་འགྲོའི་ཆོ་འཕྲུལ་ཐམས་ཅད་དང་། །དྲེགས་པ་མ་རུངས་སྡེ་པ་རྣམས། །ཐམས་ཅད་དབང་དུ་འགྱུར་ངེས་ན། །འབྱུང་པོ
86b4 གཞན་ལྟ་སྨོས་ཅི་དགོས། །འཁོར་བའི་སྐམ་གླིང་ཆེན་པོ་ལ། །རིས་དྲུག་འཁོར་བའི་སེམས་ཅན་རྣམས། །རྒྱུད་དྲུག་འདས་པའི་རྣམ་ཤེས་སྲོག་།དུས་གསུམ་མཚོན་གྱིས་བསད་པས་ན། །རྟག་ཆད་མཐར་ཤིའི་རོ་གླིང་ནས། །གཏི་མུག་བམ་ཆེན་རོ་བླངས་ནས། །
86b5 བདུད་རྩི་སྨན་ཆེན་ཡེ་ཤེས་ཀྱིས། །རྟག་ཆད་མཐའ་ལས་རོ་བླངས་ཤིང་། །བྱང་ཆུབ་སེམས་སུ་གསལ་བའི་ཕྱིར། །རོ་ཡི་རྫས་རྣམས་བཙལ་བར་བྱ། །ཁྲོ་ཚོགས་རྔམ་པར་བདག་བྱས་ཏེ། །རྡོ་རྗེ་འབར་བའི་མིག་ནང་ནས། །མཐིང་ནག་ཧཱུ~ཾ་གི་སེང་ཆེན་ནི། །འཁོར
86b6 བའི་རོ་གླིང་ཁམས་སུ་སྤྲོ། །བསྒྲལ་བའི་དུར་ཁྲོད་མཐའ་དག་ཀུན། །ཡེ་ཤེས་རོལ་བའི་ཞིང་དུ་བལྟ། །ཁྲོ་བོ་གྱད་ཀྱི་འདོར་ཐབས་ཀྱིས། །ཚམ་ངམ་ཆེན་པོའི་རྔམ་ཚུལ་གྱིས། །དཔའ་བོ་རྡོ་རྗེའི་འཛུར་འགྲོས་སྦྱར། །ཐབས་ཆེན་བརྒྱད་སྟབས་ཀྱིས་སྦྱར། འཇོ
86b7 ཚུལ་ཐབས་ཀྱི་འགྲོ་སྟབས་ཀྱིས། །འཛེམ་ཚུལ་ལྟ་ཞིང་རྣམ་པར་རྩེན། །སྒྲ་སྐད་སྒྱུར་ཞིང་ཧེ་ཧེས་སྒྲོགས། །འཐབ་ཅིང་རྩོད་པས་རྣམ་པར་རྔམ། །འབྲི་ཚུགས་ལྟ་ཞིང་འདྲོག་ཚུལ་སྤྱོད། །གཡས་སུ་ལྟ་ཞིང་གཡོན་དུ་འགྱུར། །ཡིད་མ་ཆེས་ཏེ་ཕྱིར་ཡང་བལྟ། །
iiif viewer powered by OpenSeadragon
