| e-texts navigator |
| Wylie |
85b1 ཞིག་རྟོག་པར་དེར་གོ་ན། །སྲིན་མོ་མི་སྡུག་ཤ་ཟ་མོ། །ལངྐའི་ཡུལ་དུ་དེ་དག་འཁོར། །མཚན་མའི་བླ་ཐབས་མགོ་བརྙན་ཅན། །དེར་བཙན་དེར་བཟུང་དམིགས་པས་ནི། །ཤོ་གམ་གནས་ཀྱི་གཅན་ཆེན་རིགས། །འཛིན་ཅིང་གནས་དེར་རྟོག་པར་འགྱུར། །ལས
85b2 ཀྱི་དབང་བཙན་བྲན་མོའི་ཚོགས། །དེ་འདྲ་ཉིད་དུ་དེ་བརྟགས་ན། །གནོད་སྦྱིན་ཆེན་མོའི་ཚོགས་སུ་འགྱུར། །གཞན་གྱི་ཚེ་ལ་འཚེ་བ་ཡིན། །དེས་ན་མདུད་པ་ཆེན་པོ་འདི། །ཁུར་དུ་བཤལ་བའི་གདོས་ཡིན་ཏེ། །འཆལ་པས་ལྟ་བའི་མིག་ལོང་སྟེ། །སེམས་ཀྱི་ནོར
85b3 བུ་རིན་ཆེན་དེ། །རྟག་ཆད་ཁམས་སུ་སྟོར་བར་འགྱུར། །དེ་ལྟའི་སྐྱོན་ཆེན་སྤང་བར་གྱིས། །དེ་སྐད་ཅེས་བཀའ་སྩལ་པ་ལས་ཐོད་པ་ཅན་གྱི་ཚོགས་རྣམས་རྟོགས་པའི་འདུ་ཤེས་ཀྱིས་ཟིན་ཅིང་རང་རང་གི་སྤྱོད་པ་ལ་སྐྱོ་བ་སྐྱེས་པར་གྱུར་ཏོ། །དེ་ནས་བཅོམ་ལྡན་འདས
85b4 ལ་འདི་སྐད་ཅེས་གསོལ་ཏོ། །ེ་མའོ་བཅོམ་ལྡན་འདས་བདག་ཅག་རྣམས་ཀྱི་དམ་ཚིག་ནི་ལོག་པའི་དཀའ་ཐུབ་ཏུ་འགྱུར་བ་ལགས་ན། འདི་དག་ཡང་དག་པའི་དཀའ་ཐུབ་ཏུ་གནས་པར་འཚལ་ན། ཆོས་ཐམས་ཅད་ནི་སྒྱུ་མ་ལྟ་བུ་སྟེ། ཅིར་ཡང་འགྱུར་བ་ལགས
85b5 སོ། །གསང་སྔགས་ཆེན་པོའི་སྒོ་ནི་བསྐལ་པ་མེ་དཔུང་ལྟ་བུ་སྟེ། བདག་ཅག་རྣམས་ཀྱི་རྟོག་པ་སོ་སོར་ཇི་ལྟར་མོས་པ་ལྟར་བཤད་དུ་གསོལ་ཞེས་ཞུས་པ་ལས། བཅོམ་ལྡན་འདས་ཀྱིས་དགྱེས་པ་ཆེན་པོའི་བཞད་པ་མཛད་ནས། རིགས་ཀྱི་བུ་རྣམས་ནི་དེ་ལྟར་ཞུ་བ
85b6 ལེགས་ཀྱིས་ཤིན་ཏུ་ཉོན་ཅིག་། ཁྱེད་རྣམས་ཀྱི་སྤྱོད་པ་མི་དགག་པར་ཇི་ལྟར་དགའ་བའི་བསམ་པ་སོ་སོར་རངས་པར་བྱ་སྟེ། འཇིག་རྟེན་མཚན་མའི་སྤྱོད་པ་བསམ་གྱིས་མི་ཁྱབ་པ་རྣམས་གསང་སྔགས་ཀྱི་དཀའ་ཐུབ་ཆེན་པོར་བྱའོ། །རང་རང་གི་སྤྱོད་པ་མ་བཀག་པར
85b7 སྒོ་གསུམ་ལྷུག་པར་སྤྱོད་ཅིག་། དེ་ནས་སེམས་དཔའི་རྡོ་རྗེས་ཡང་འདི་སྐད་ཅེས་གསུངས་སོ། །ཀྱེ་མའོ་ཐོད་པ་ཅན་གྱི་ཚོགས། །བུད་མེད་བུད་མེད་ཐམས་ཅད་ཀུན། །སྐྱེད་པར་བྱེད་པའི་རྟེན་ཡིན་ཏེ། །འབྲས་བུ་སྨིན་པའི་ཞིང་ཡང་ཡིན། །བསྒྲལ་ཞིང་གདོན
iiif viewer powered by OpenSeadragon
