| e-texts navigator |
| Wylie |
84b1 གླུ་ཡི་སྙན་དང་གས་དོན་བསྒྲགས་ནས། །ཡིད་ཀྱི་དབང་པོ་ཐམས་ཅད་འཕྲོག་།བསྟེན་པའི་ཐབས་ཀྱིས་འཁྲིག་སྤྱོད་པ། །འདི་ནི་དགའ་བའི་དམ་ཚིག་སྟེ། །བདག་ཅག་རྣམས་ཀྱི་དམ་ཚིག་ལགས། །ཞེས་གསོལ་ཏོ། །དེ་ནས་རིག་འཛིན་དེ་ཀུན་གྱིས་འདི་སྐད་ཅེས
84b2 གསོལ་ཏོ། །བཅོམ་ལྡན་འདས་བདག་ཅག་རྣམས་ཀྱི་སྤྱིའི་དམ་ཚིག་ནི་འདི་ལྟ་སྟེ། དཀར་ནག་ལས་ནི་ཅི་སྤྱད་ཀྱང་། །རྣམ་པར་སྨིན་པའི་འབྲས་བུ་དང་། །རབ་འབྲིང་ཐ་དད་བྱེ་བྲག་མེད། །དེ་བཞིན་འདི་ལ་བདེ་སྡུག་གམ། །དགེ་དང་མི་དགེའི་རྩོད་པ་མེད། །རྣོན
84b3 པོའི་མཚོན་གྱིས་གཅད་དུ་མེད། །ཅི་ཕྱིར་རྣམ་པ་བདུན་སྟོང་པས། །ཐོགས་པ་མེད་པའི་དོན་ཕྱིར་རོ། །སྲོག་ཀྱང་བཅད་ཅིང་གསད་དུ་མེད། །ཅི་ཕྱིར་རྫས་འདི་འཇིགས་པས་སོ། །སྡིག་པ་ཆེན་པོའི་ལས་རྣམས་ཀུན། །བདག་གིས་བྱས་སམ་གཞན་བྱེད་བཅུག་།
84b4 གལ་ཏེ་གང་གཱའི་བྱེ་སྙེད་ཀྱི། །སེམས་ཅན་དེ་ལ་སྦྱིན་བྱིན་དང་། །དེ་བཞིན་གང་གཱའི་བྱེ་སྙེད་ཀྱི། །སེམས་ཅན་ཐམས་ཅད་གསད་པ་གཉིས། །ཡང་དག་རིག་ལ་ཐ་དད་མེད། །ནམ་མཁའ་དག་ལ་རྡུལ་དང་ཆུས། །ཇི་ལྟར་མི་ཆགས་པ་བཞིན་ནོ། །གང་ཞིག་ཁྲེལ
84b5 དང་འཛེམ་ལྡན་ན། །དོགས་པའི་རྟོག་པ་དེ་བཟུང་བས། །དམྱལ་བ་ཆེན་པོར་ལྟུང་བར་འགྱུར། །ཆགས་པའི་སྤྱོད་པ་ལ་སོགས་ཀྱིས། །ལུས་རྣམས་གདུང་བར་བྱེད་པ་ཡི། །སེམས་ཅན་དེ་ནི་འདུ་ཤེས་ཆུང་། །ཞེས་གསོལ་ཏོ། །དེ་ནས་བཅོམ་ལྡན་འདས
84b6 སེམས་དཔའི་རྡོ་རྗེས་འདི་སྐད་ཅེས་གསུངས་སོ། །ེ་མའོ་ཐོད་པ་ཅན་གྱི་ཚོགས། །ཁྱེད་ཀྱིས་སྨྲས་པའི་ཚིག་འདི་རྣམས། །མདུད་པས་བཅིངས་པའི་ཚིག་ཡིན་ཏེ། །ཁུར་དང་བྲལ་བར་མི་འགྱུར་རོ། །ཡང་དག་ཡང་དག་ཅེས་སྨྲ་བ། །ཡང་དག་ཉིད་ཀྱི་མདུད་པ་སྟེ། །
84b7 མདུད་པའི་བཀྲོལ་བ་མ་བྱས་ན། །ཐ་རམ་ཕྱེད་པར་མི་འགྱུར་རོ། །ཆགས་པའི་ལས་རྣམས་སྦྱོར་བ་དག་།ཆགས་པའི་དབང་གིས་དེར་སྦྱོར་ན། །དེ་དག་དེ་ཡི་གྲོང་ཁྱེར་དུ། །གནས་འགྱུར་དེ་ཡི་སེམས་ཅན་ཡིན། །འདུ་ཤེས་སྒྱུར་བའི་ལས་ཆེན་དག་།སྡང་བའི
iiif viewer powered by OpenSeadragon
