| e-texts navigator |
| Wylie |
82b1 དེ་བཞིན་སྲིན་མོ་གཞོང་ཐོགས་བརྒྱད། །ཀུན་དུ་མཛེས་པར་བྲི་བར་བྱ། །ལྔ་པའི་ཁྱམས་ནི་ཐ་མ་ལ། །རྡོ་རྗེ་སླས་དང་བྲན་མོ་དང་། །ཕོ་ཉ་ལ་སོགས་རྒྱས་པར་དགྲམ། །དེ་ཡང་ཚུལ་དུ་དགོད་པ་ནི། །གོང་མ་དག་ནི་རྒྱུ་རྣམས་ལས། །ཀ་ཙ་ལི་ལ་སོགས་པ་དང་། །ཇི་ལྟར་འབྱོར
82b2 པ་དེ་ལྟར་བྲི། །མཆོད་པའི་ཡོ་བྱད་ཐམས་ཅད་དང་། །རྨད་དུ་བྱུང་བའི་རྫས་མཆོག་དང་། །རྡོ་རྗེ་གསང་བའི་རིམ་གྱིས་བཀོད། །རྡོ་རྗེ་གསང་སྒོ་ཕྱེ་ནས་ནི། །ཏིང་འཛིན་དཀྱིལ་འཁོར་ཀུན་རྫོགས་ནས། །རང་བཞིན་ཡུལ་ནས་ཕབ་ནས་ནི། །བསྒྲུབ་པའི་དཀྱིལ་འཁོར་དེར་རྫོགས
82b3 བྱ། །འདིར་ཡང་དོན་གྱི་ཁྱད་པར་གྱིས། །རིག་འཛིན་ཆེ་བའི་ས་སྤར་པ། །ཤར་གྱི་གདན་གྱི་ཁྱད་པར་ལ། །རྡོ་རྗེ་སེང་གེས་བཏེག་འཁོར་ལོ། །ཟླ་བ་ཉི་མ་གཡས་གཡོན་གྱི། །ཞབས་རྟེན་ཚུལ་གྱི་མཎྜལ་ནི། །རྡོ་རྗེ་རྒྱལ་པོ་ཡབ་ཡུམ་བཞུགས། །ལྷོ་ཡི་གདན
82b4 གྱི་ཁྱད་པར་ལ། །གླང་ཆེན་རྡོ་རྗེས་བཏེགས་འཁོར་ལོ། །པདྨ་གཡས་གཡོན་ཞབས་བརྟེན་ཚུལ། །རྡོ་རྗེ་རྒྱལ་བ་ཡབ་ཡུམ་བཞུགས། །བྱང་གི་གདན་གྱི་ཁྱད་པར་ལ། །པདྨ་རྡོ་རྗེ་བཏེག་རྒྱ་གྲམ། །རྡོ་རྗེ་ཀརྨ་ཡབ་ཡུམ་བཞུགས། །ནུབ་བམ་ཕྱོགས་སམ
82b5 མཚམས་གཞན་དུ། །གཞི་རྣམས་གཅིག་ཏུ་གྱུར་པ་ལ། །མཎྜལ་རྒྱུན་མ་ཆད་པ་ལ། །རྡོ་རྗེས་གཏམས་ཤིང་སྦྲེལ་བྱས་ནས། །པདྨ་ཕྱོགས་གཅིག་ཆེར་འབར་བ། །ཁ་དོག་འབར་བའི་འོད་ཀྱིས་དཀྲིགས། །རྩལ་འཕང་ཆེ་ཆུང་ཁྱད་པར་གྱིས། །སྐལ་དང་ལྡན
82b6 ནམ་མི་ལྡན་པའི། །ལ་ལ་དག་ལ་ཟླ་བ་ནི། །རངས་པའི་གདན་གྱི་མཚན་མ་ལ། །དེ་ཡང་རྩལ་འཕང་ཆེ་ཆུང་ལ། །ལ་ལ་རྩེ་གསུམ་རྡོ་རྗེས་མཚན། །ལ་ལ་རྡོ་རྗེ་ཕྱེད་མས་མཚན། །ལ་ལ་མ་རངས་ཟླ་གམ་ཁ། །ནང་དུ་བསྟན་པས་མཚན་པར་བྱའོ། །ལ་ལ་རྩེས
82b7 འབིགས་རྣམ་པར་མཚན། །ལ་ལ་པདྨ་བརྩེགས་པས་མཚན། །ལ་ལ་དག་ལ་མཚན་མ་མེད། །ལ་ལས་གདན་དེ་མི་ནོན་ཏེ། །ནར་མ་གང་ཟག་མི་ཡི་རྫས། །སོ་སོའི་བདེ་བའི་ཐབས་སུ་སྦྱར། །ཀུན་དུ་བདེ་བར་སྦྱར་བའི་ཕྱིར། །པི་པར་སྟན་ཞེས་གྲགས་པ་སྟེ། །
iiif viewer powered by OpenSeadragon
