| e-texts navigator |
| Wylie |
82a1 འཇོམས་པའི་དྲག་ཤུལ་ཅན། །རྡོ་རྗེ་ལྕེ་ཡིས་འདིར་བརྡེག་བྱ། །རྡོ་རྗེ་ཉི་མའི་གཞལ་ཡས་སུ། །རྡོ་རྗེ་དཔལ་བེའུ་འོད་ཀྱི་ཐིག་།མེ་ལོང་ཡེ་ཤེས་རང་བཞིན་ཅན། །རྣལ་འབྱོར་ཅན་གྱིས་གདབ་པར་བྱ། །དེ་བཞིན་རིན་ཆེན་འབར་བའི་གཞལ། །
82a2 པདྨ་ཟླ་བ་འཁོར་ལོ་ཡི། །དཔག་མེད་ནམ་མཁའི་གཞལ་ཡས་སུ། །རིགས་ཀྱི་དཔལ་བེའུ་འོད་ཀྱི་ཐིག་།ཡེ་ཤེས་བཞི་ཡི་རང་བཞིན་ཅན། །རྣལ་འབྱོར་ཅན་གྱིས་གདབ་པར་བྱ། །རྡོ་རྗེ་མཁའ་ལ་འཁོར་ལོ་བསྐོར། །ཐབས་དང་ཤེས་རབ་ཟུང་ཡ་བཞིས། །
82a3 སོ་སོའི་ཕྱག་ཏུ་གནས་ནས་ནི། །ནམ་མཁའ་དབུས་ཀྱི་སྙིང་པོ་ལ། །སྲད་བུ་བཞི་ཡི་རྒྱ་གྲམ་བྲེ། །དེ་ནས་རྡོ་རྗེ་བརྟན་པའི་ས། །དབུས་ཀྱི་ཕོ་བྲང་དགུ་པ་ནི། །རྡོ་རྗེ་སྲད་བུའི་ཐིག་ཆེན་གྱིས། །ཕྱག་རྒྱ་བཞུགས་པའི་གནས་རྣམས་ཀུན། །ཆེ་ཆུང་མེད་པར་སྙོམས་པར
82a4 བྱ། །འདིར་ནི་རྡོ་རྗེ་མུ་ཁྱུད་བདུན། །འབྱུང་བའི་རིམ་པ་དྲུག་བར་དུ། །འཁོར་ལོ་དྲུག་བརྩེགས་སྙིང་པོར་འབར། །གྲུ་ཆད་རྩིབས་མཆན་མེ་རི་འཕྲོ། །མུ་ཁྱུད་ཚར་གསུམ་འབར་བའི་ཕྲེང་། །བར་ཁྱམས་བཞིས་མཛེས་ཕྱི་ཁྱམས་དང་། །ལྡར་གསལ་སྒོ
82a5 དགུ་ཤར་དུ་བརྩེགས། །ཕོ་བྲང་དེ་ཡི་གནས་གནས་སུ། །ཕྱག་རྒྱའི་ཚུལ་རྣམས་འབྱུང་བ་ནི། །མུ་ཁྱུད་མཐའ་ཟད་ཡན་ཆད་དུ། །ཡབ་ཡུམ་དྲུག་ཅུ་རྩ་ཞི་ཡི། །ཆོ་འཕྲུལ་དམ་ཚིག་ཚད་མེད་པ། །རོལ་བ་འཇིགས་བྱེད་འཇིགས་བྱེད་ཆེ། །ཀ་ཙ་ལི་ལ་སོགས
82a6 པར་བྲི། །དེ་བཞིན་ཟ་བྱེད་ཡབ་ཡུམ་བཞི། །ལས་ཀྱི་ལྷ་སྟེ་ཧེ་རུ་ཀ། །འཁོར་ལོ་ཐ་མའི་རྩིབས་ལ་དགོད། །གནས་དང་ཡུལ་གྱི་ཕྱག་རྒྱ་དག་།གྲུ་ཆད་ཕྱི་དང་ནང་ལ་དགྲམ། །ཧཱུ~ཾ་ཆེན་བཅུ་ཡི་ཡབ་ཡུམ་དག་།ཤིན་ཏུ་མཛེས་པར་དང་པོ་ལའོ། །དེ་ཉིད་ལ་ནི་མ་བརྒྱད
82a7 དང་། །གིང་ཆེན་བརྒྱད་རྒྱས་པར་དགོད། །གཉིས་པའི་ཁྱམས་ལ་མཁའ་འགྲོ་བརྒྱད། །ཤུགས་འགྲོ་བརྒྱད་ཀྱང་དེ་བཞིན་ནོ། །གསུམ་པའི་ཁྱམས་ལ་ཕྲ་མེན་བརྒྱད། །དེ་བཞིན་འབར་མ་བརྒྱད་རྣམས་བྲིས། །བཞི་པའི་ཁྱམས་ལ་ཕོར་ཐོགས་བརྒྱད། །
iiif viewer powered by OpenSeadragon
