| e-texts navigator |
| Wylie |
81b1 འདྲེན་པ། །ཁྱོད་ནི་ལྷ་མོ་རྒྱལ་བའི་སྲས། །རང་བཞིན་ཆོས་ཀྱི་མཚན་ལྡན་མ། །རྡོ་རྗེ་ལས་ཀྱི་ཡུམ་ཡིན་གྱིས། །གསང་བའི་ལས་རྣམས་ཀུན་བྱོས་ཤིག་།ལག་པ་འཁོར་ལོའི་གཞལ་ཡས་སུ། །ཉི་ཟླ་འབར་བའི་ཚོགས་བཀོད་དེ། །གསང་བའི་བྱང་ཆུབ
81b2 དཀར་དམར་འདི། །ཐིག་ལེ་ཡི་གེའི་ངོ་བོར་གདབ། །ལས་ཀྱི་རྡོ་རྗེ་འབར་བ་ཡི། །རྡོ་རྗེ་གར་གྱི་ཕྱག་རྒྱ་ཡིས། །བྱང་ཆུབ་སེམས་ཀྱི་ཐིག་འདི་དྲོངས། །རྡོ་རྗེ་གསང་བའི་ལས་འདི་དྲོངས། །རྡོ་རྗེ་གསང་བའི་ལས་འདི་གྱིས། །ོ~ཾ་ཙནྡྲ་དྷ་ར་ཧྲཱི་ཞེས་པའི། །གསང
81b3 བའི་ཐབས་ཀྱི་སྦྱོར་བ་ཡིས། །རྫས་མཆོག་འབར་བའི་ཐིག་ལེ་ཡིས། །གནས་ལྔ་དག་གི་གཞལ་ཡས་སུ། །གསང་བ་ཐབས་ཀྱི་ཐིག་ལེ་བྱ། །སྲད་བུའི་སྦྱོར་བ་དེ་རྫོགས་ནས། །གོལ་སྒྲིབ་རྟག་ཆད་སྐྱོན་བྲལ་བའི། །ཆེ་ཆུང་ཡ་ཡོ་མེད་པ་ཡི། །རྡོ་རྗེ་དབུ་མའི
81b4 ཐིག་འདི་དགྱེ། །ཆོས་ཀྱི་དབྱིངས་ཀྱི་གཞལ་ཡས་སུ། །མི་དམིགས་བདལ་བའི་མཎྜལ་ལ། །ཡེ་ཤེས་ལྔ་ཡི་ཐིག་འཕྲོས་པས། །བདེ་ཆེན་རྣམ་ཐར་ཕྱག་རྒྱའི་ཚོགས། །ཀུན་གཞི་ནམ་མཁའི་གཞལ་ཡས་སུ། །ཉོན་མོངས་རྟོག་པའི་མཎྜལ་ལ། །ཏིང་འཛིན
81b5 འོད་ཟེར་ཐིག་འཕྲོས་པས། །ཕྱག་རྒྱ་རྡོ་རྗེ་འབར་བའི་ཚོགས། །མཁའ་དབྱིངས་གསང་བའི་གཞལ་ཡས་སུ། །ཟླ་གམ་པདྨའི་མཎྜལ་ལས། །བྱང་ཆུབ་སེམས་ཀྱི་ཐིག་འཕྲོས་པས། །ཡེ་ཤེས་སེམས་དཔའ་གསལ་བའི་ཚོགས། །བཀྲ་ཤིས་དབེན་པའི་གཞལ
81b6 ཡས་སུ། །མཚན་མ་རྟེན་གྱི་མཎྜལ་ལ། །རྡོ་རྗེ་སྲད་བུའི་ཐིག་འཕྲོས་པས། །ཆོ་འཕྲུལ་གཟུགས་བརྙན་ཕྱག་རྒྱ་འབར། །སྟོང་གསུམ་གསང་བའི་དཀྱིལ་འཁོར་དུ། །རྨད་བྱུང་རྡོ་རྗེའི་ཐིག་འགྱེད་ན། །གསང་བའི་དམ་ལ་གནས་པ་ཡི། །འབྱུང་པོ་སྐྱེ་བོ་གདོལ་པ
81b7 ཅན། །རྡོ་རྗེ་རྩལ་གྱི་ཧཱུ~ཾ་རིང་ལས། །རྡོ་རྗེ་མཚོན་ཆའི་བུ་ཡུག་འཚུབ། །ཕྱོགས་མཚམས་བླ་འོག་ཁྲོ་བོས་གཏམས། །འབར་བ་གསང་བའི་མཚམས་བཟུང་སྟེ། །ཕྱི་རོལ་སྡེ་པའི་འདྲུལ་རྣམས་གཅད། །རྡོ་རྗེ་མཚོན་ཆ་འབར་བའི་ཚོགས། །སྲེག་དང
iiif viewer powered by OpenSeadragon
