| e-texts navigator |
| Wylie |
80b1 ལ། །འབུར་ཁུང་ཁོད་སྙོམས་འཕང་མཐོ་བའི། །ཁ་དོག་ལྔ་ཡི་གཟུགས་བྱས་ནས། །དེས་ནི་མཚན་མའི་དངོས་གྲུབ་སྟེར། །ཤིང་ཤུན་རས་སམ་དུར་ཁྲོད་ཀྱི། །ཞིང་ཆེན་རས་ལ་ཁ་དོག་ལྔས། །ཕྱག་རྒྱ་འབར་བའི་གཟུགས་བྲིས་ན། །དེ་ཡང་མཚན་མ
80b2 འབྱུང་བའི་རྟེན། །རྡོ་དང་ཤེལ་རྡོ་ལ་སོགས་པ། །དུང་ངམ་བ་སོའི་རྒྱུ་ལས་ནི། །མཁས་པས་འབུར་དུ་བཏོད་བྱས་ནས། །མཚན་མ་འབྱུང་བའི་རྟེན་དུ་འགྱུར། །གསེར་དངུལ་རིན་ཆེན་ལ་སོགས་པ། །ཟངས་ལྕགས་ཁར་བའི་རྒྱུ་དག་ལས། །མཁན་གྱིས
80b3 བླུགས་ཏེ་མ་ཉམས་ན། །དེ་ཡང་མཚན་མའི་རྟེན་དུ་འགྱུར། །བླ་ཀྵ་བྱང་ཆུབ་ཤིང་ལ་སོགས། །རྒྱུད་ཤིང་ཡལ་ག་མཉེན་པ་ལས། །ཕྱག་རྒྱའི་གཟུགས་དེ་ལེགས་སྦྱར་ན། །དེ་ཡང་རྟེན་དུ་མཁས་པས་བཤད། །མཉེན་ཅིང་སྦྱིན་པའི་མཆོག་རྣམས་ལ། །
80b4 བཞིན་དང་འདྲིལ་ཁུགས་ལེགས་སྦྱར་ཏེ། །ཕྱག་རྒྱ་ཆེན་པོའི་གཟུགས་བྱས་ན། །དེ་ཡང་རྟེན་པའི་འོས་སུ་འགྱུར། །དེ་ལ་སོགས་པའི་རྒྱུ་རྣམས་ལ། །ཡི་གེའམ་ཡང་ན་མཚན་རྟགས་སམ། །མིང་ངམ་ཐིག་ལེར་རྫས་ལ་བྲི། །བསྒྲུབས་ན་མཚན་མའི་རྟེན
80b5 དུ་འགྱུར། །དེ་ལས་རེ་ཞིག་འདིར་བཤད་པ། །སྟེགས་བུ་ལ་བརྟེན་མཚན་མ་དག་།བསྒྲུབ་པའི་དོན་དུ་བརྟག་གཟུང་བ། །བརྩམ་པའི་ཐབས་ནི་འདི་ལྟ་སྟེ། །གོང་དུ་སྨོས་པའི་རྒྱུ་རྣམས་ལ། །སྟེགས་བུ་མཛེས་ཤིང་མཉམ་བྱས་ཏེ། །ཀུན་དུ་གྲུ་བཞི་ཆ
80b6 མཉམ་ལ། །བདུད་རྩི་ལྔ་ཡི་སྦྱོར་བ་ཡིས། །མེ་ལོང་ལྟ་བུར་སྙིང་པོར་བྱ། །སྣང་བྱུང་ཡང་དག་བྱིན་བརླབས་ཅན། །ཡེ་ཤེས་རང་བྱུང་གྲུབ་པའི་རྫས། །བཀའ་གསང་རྨད་བྱུང་ཕོ་བྲང་དུ། །དུར་ཁྲོད་རྫས་ལྔས་སྐྱང་ནུལ་བྱ། །རྡོ་རྗེ་སྲད་བུའི་ཐིག་གདབ་པ། །
80b7 ཆོ་ག་རྣམ་པར་བཤད་བགྱི་བ། །གསང་བའི་ལྕང་ལོ་འཁྲིལ་དང་། །རྡོ་རྗེ་རྒྱུན་ཐག་ལ་སོགས་པ། །རིང་ཐུང་མཎྜལ་འཁོར་ཁྱུད་ལ། །འཇུར་མདུད་ཅན་དུ་མ་གྱུར་པའི། །སུམ་སྒྲིལ་སྙོམས་པའི་ཚད་ལྡན་ལ། །ཡེ་ཤེས་ལྔ་ཡི་རང་བཞིན་གསལ། །རྒྱུ
iiif viewer powered by OpenSeadragon
