| e-texts navigator |
| Wylie |
80a1 རང་གཉེར་ལས་སྐལ་ཚིམ་བྱེད་མ། །སྨན་གྱི་ལྷ་མོ་ནོར་གྱི་རྒྱུན། །དུག་རྣམས་བདུད་རྩིར་སྒྱུར་བྱེད་མ། །བདུད་རྩི་སྨན་གྱི་དངོས་གྲུབ་འཛིན། །རང་གཉེར་ལས་སྐལ་འདི་ཀུན་ཡང་། །རྡོ་རྗེ་གླུ་ཡི་བརྟེན་ནས་ནི། །རྣལ་འབྱོར་ཆེན་པོའི་ཡོ་བྱད་དུ། །རོལ
80a2 མོས་དགའ་སྟོན་ལོངས་སྤྱོད་བྱ། །དེ་ནས་ལས་ཀྱི་གནས་སྐབས་འདིར། །ཕྱི་ནང་མཐུན་འཇུག་བཀའ་སྡོད་པའི། །གཤིན་རྗེ་ཆོས་ཀྱི་ཕྱག་རྒྱ་ཡིས། །བྲན་གྱི་བྱ་བར་དབང་བསྡུས་ནས། །ཕྱི་མཚམས་བསྲུང་བར་དབང་བསྐུར་ཏེ། །འབུར་རམ་ལུགས་སམ་རི་མོའམ། །ཅི
80a3 འདྲ་བར་ནི་བྱས་ནས་ཀྱང་། །ཕྱི་ཁྱམས་སྒོ་ཡི་ཕྱི་རོལ་དུ། །མ་ཧེ་ཁྲི་ལ་བཞག་ནས་ནི། །མཐུན་པའི་རྫས་ཀྱིས་མགུ་བྱས་ལ། །དེ་ཚེ་འདི་ཡིས་བསྐོར་བར་བྱ། །གསང་ཆེན་ལྷུན་གྲུབ་ཕོ་བྲང་ནས། །ལས་ཀྱི་གཤིན་རྗེའི་ཕོ་བྲང་ནས། །བཅོམ་ལྡན་ཆོས་རྗེས་བཀའ་སྩལ
80a4 པ། །དེ་བཞིན་རིག་འཛིན་སྒྲུབ་པ་པོས། །བཀའ་གསང་གཞུང་ཆེན་འདི་སྒྲུབ་ཅིང་། །ཡང་དག་དོན་ལ་ངེས་འཇུག་ན། །འདི་དག་ནོར་བུ་རིན་ཆེན་ཏེ། །འདི་ལ་རྟོད་ཅིང་བར་གཅོད་པ། །ལྷ་སྲིན་སྡེ་བརྒྱད་འབྱུང་པོ་ཀུན། །ཁྱོད་ཀྱི་འཁོར་དང་གཡོག་ཡིན་གྱིས། །
80a5 རྣམ་པར་སྨིན་པའི་ཆོས་ཤོད་ལ། །གསང་བ་མཆོག་གི་རྣལ་འབྱོར་པས། །བླ་མེད་འབྲས་བུར་མ་གྱུར་ཚེར། །ས་འདི་ཡན་ཆད་མ་གཏང་བར། །དཔལ་ཆེན་མི་ཕམ་བཀའ་མ་འདའ། །བདག་ཅག་ཡེ་ནས་གཉིས་མེད་དེ། །དེ་ཙམ་དོན་གྱི་དབྱིངས་སུ་གཅིག་།
80a6 ཕྱི་རོལ་སྐྱོང་བའི་མུ་རན་ལ། །རྡོ་རྗེ་ཡལ་དམ་ཐུབ་པར་མཛོད། །བཛྲ་ཡ་མ་རཱ་ཛ་ས་མ་ཡ་སྟྭ~ཾ། །ཞེས་པས་གཤིན་རྗེ་མནས་བསྒགས་ཏེ། །གལ་ཏེ་འདས་ན་ཁོ་བདག་འཚིག་།བརྩམ་པར་བྱ་བའི་ལས་ཆེན་པོ། །དངོས་གྲུབ་འབྱུང་བར་བྱེད་པའི་རྟེན། །ཕྱག་རྒྱ་ཆེ
80a7 དང་གཟུགས་མཆོག་གི། །སྟེགས་བུ་ལེགས་པར་སྦྱངས་ན་འགྲུབ། །མཚོན་པས་ཁྲིད་པར་བྱེད་པ་ཡི། །རྡུལ་ཚོན་འདུས་བྱས་རྒྱུ་རྣམས་ལ། །བརྙན་མའི་དཀྱིལ་འཁོར་བཤད་བགྱི་བ། །སོ་སོར་བརྟགས་ཏེ་བཤད་བགྱི་བ། །བརྟན་ཞིང་ངོས་འཇམ་ཁང་བུ
iiif viewer powered by OpenSeadragon
