| e-texts navigator |
| Wylie |
7b1 ལྟ་སྟངས་ཀྱིས་བྱས་ནས་སྟོན་པའི་ཞལ་དུ་བལྟས་ཏེ། རྡོ་རྗེ་རྒྱལ་པོ་ཚོགས་བདག་དགོངས་སུ་གསོལ། །ཆོས་ཀྱི་རྒྱལ་པོ་མི་གཡོ་རྒྱལ་ཚུལ་མཛད། །རྒྱལ་མཆོག་རྒྱལ་པོ་ཆོས་ཀྱི་རྒྱལ་པོའི་མཐུས། །འདུས་པའི་ཚོགས་ལ་རྒྱ་ཆེར་བཤད་དུ་གསོལ། ། ལ
7b2 ལ་ཧོ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་ལས་ཀྱི་བཀའ་བ་དེ་བྱིན་གྱིས་བརླབ་པའི་ཕྱིར་རྡོ་རྗེ་རྣམ་པར་སྤྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་བཀའ་སྩལ་ཏོ། །བཛྲ་ཀརྨ་ཙཀྲ་སཏྭ
7b3 ར~ཾ། ཞེས་གསུངས་ཏེ། རྡོ་རྗེ་རྒྱ་གྲམ་གྱི་འཁོར་ལོ་གཅིག་སེམས་དཔའ་རྡོ་རྗེའི་ལག་ཏུ་བབས་པར་གྱུར་ནས་ལས་ཀྱི་རྡོ་རྗེའི་དབང་ཐོབ་པར་གྱུར་ཏེ། རྣམ་པར་རོལ་པ་ཆེན་པོ་ཤིན་ཏུ་བླ་བཀྱལ་བའི་སྤོབས་པ་ཅན་དུ་གྱུར་ཏོ། །བྱིན་གྱིས་བརླབས་ནས་ཀུན་དུ་མི་གཟོ
7b4 བ་རབ་ཏུ་བག་དང་ལྡན་པ་ཆེན་པོར་གྱུར་ཏོ། །དེ་ནས་སེམས་དཔའ་རྡོ་རྗེ་དེས་ལས་ཀྱི་མཚན་མ་དེ་ལག་ཏུ་བླངས་ཏེ། སྟབས་སྣ་ཚོགས་དང་། གར་དང་། གླུ་སྣ་ཚོགས་རྡོ་རྗེ་ཚིག་ཏུ་ལེན་ཅིང་རྡོ་རྗེ་རྒྱ་གྲམ་ལས་ཀྱི་འཁོར་ལོ་དེ་ལན་རྣམ་པ་བཅུ་གཉིས་སུ་བསྐོར་ནས
7b5 གྲངས་གཉིས་དང་ལྔ་བསྒྱུར་བས། ཞིང་ཁམས་མཐའ་དག་རྣམ་པར་གཡོས་ཏེ། གཡོས། རབ་ཏུ་གཡོས། ཀུན་དུ་རབ་ཏུ་གཡོས། འགུལ། རབ་ཏུ་འགུལ། ཀུན་དུ་རབ་ཏུ་འགུལ། ལྡེག་།རབ་ཏུ་ལྡེག་།ཀུན་དུ་རབ་ཏུ་ལྡེག་།འཁྲུགས། རབ་ཏུ
7b6 འཁྲུགས། ཀུན་དུ་རབ་ཏུ་འཁྲུགས། འུར་རབ་ཏུ་འུར། ཀུན་དུ་རབ་ཏུ་འུར། ཆེམ་རབ་ཏུ་ཆེམ། ཀུན་དུ་རབ་ཏུ་ཆེམ་པར་གྱུར་ཏེ། ཞིང་ཁམས་ཐམས་ཅད་ནི་གསང་བའི་དཀྱིལ་འཁོར་ཤ་སྟག་ཏུ་གྱུར། བཅུད་ཡུལ་ཐམས་ཅད་ནི་ཕྱག་རྒྱ་ཆེན་པོར
7b7 གྱུར། རྣམ་པར་རྔམ་པའི་ཚུལ་གྱིས་སྟོན་པའི་མདུན་ལོགས་སུ་སེངྒེ་རྡོ་རྗེས་མཚན་པའི་གདན་ལ་འགྱིང་བག་གི་ཚུལ་གྱིས་རྣམ་པར་གནས་སོ། །དེ་ནས་འདུས་པའི་འཁོར་ཚོགས་ཕལ་མོ་ཆེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
iiif viewer powered by OpenSeadragon
